عبدالله المسعودي

عبدالله المسعودي ومستور بن تركي العصيمي


هذه محاورة من اجمل المحاورات بينه وبين العصيمي



المسعودي

سلام من هاجسٍ ماختلف نوعه * لو كـل الأيـام تخلـف حلاياهـا=والموهبة شي والعلم شي ثانـي * سيلـك بلانـو يانـازل الـوادي
ياقاضيٍ حكمته من تحت كوعه * من لايعـرف الصقـور يتشواهـا=كم اكلت النار من صقر شيهاني * والريم ترعى ورا الضلع من غادي

مستور العصيمي

اعداد ماشعشع النور بطلوعـه * يامرحبـا مـن هجـوسٍ بمعناهـا=وان كان جاك الخبر فالخبر جاني * من صدر مهتاض ماجيت نشادي
اللي يبا يزحم الضلع بضلوعه * خطرٍعليهـا مـن الضلـع يرزاهـا=ليش العوي ليش يالذيب سرحاني * عنيت نفسك وعنيـت الاجـوادي

المسعودي

ياخيال وبروق ورعود مسموعه * لكن مايشرب الطير من ماهـا=مافالسنه حب خوخ ورماني * والحال مايسمـن الا مـن الـزادي
مجنون ليلى سقى الرمل بدموعه * عشرين ليلـه وليلـه مايلقاهـا=البطن جيعان والطرف سهراني * والراس مرشوش بالورد والكادي

العصيمي

كلٍ جوابه على قيس موضوعه * واللي كتبهـا عـرف كيـف يقراهـا=انا على الدرب محدٍ تعداني * احرص من ابـرص وبـادي ورا بـادي
الضحك بالضحك والحرب بدروعه * واللي على البال مدري وش اطراها=جاكم نبـا مـن سبـا ياسليماني*اوحيـت مرسولـه ايصيـح وينـادي

المسعودي

لي حاجةٍ مادري وين مرفوعه * والسارحه صبح يابعد ممساها=المر فالقلب والحلو فلساني * والبغض بالعين والحب بفـؤادي
ايعيش نفرين ويموت مجموعه * وتصير كرامة ياعقيل لألحاها=والله لو لاي لولاي لولاني * لاقول يهديك رب السما الهـادي

العصيمي

يد الحرامي من الكوع مقطوعه * والسارحه صبح ياسرع مضواها=السر لو اعرفه وافهمه ماني* بياح الاسـرار جـراح الاكبـادي
ياشاعر اهذيل مافيه مطموعه * انت ابن مسعود مانت ابـن طـه=لاتقعد اتقلي اهذيـل جدانـي * واعـود اقلـك اعتيبـه اجـدادي

نقلت لكم هذه المحاوره بين الشاعرين
وخصوصاً اني احد المعجبين بالشاعر الكبير عبدالله المسعودي (رحمة الله)
انا ماني قايل انشالله تعجبكم
لاني متكد انها بتعجبكم واكيد ان اكثركم سمعها من قبل
بس حبيت ارجعكم للماضي الجميل
واصالة الشعر الحقيقي
مع هذان العملاقين
اخوكم
زعيم الحب

أكيـد راح تعجبنا دامها منكـ يالغالي


تشكر على النقل الرآئع ولا هنت يالنشمي ..!

الله الله يا زعيم الحب

الله يرحم المسعودي فقد كان من فطاحلة شعراء الخليج

وقصة موته إلى الآن لغز محير لم يحل أو حل ولم يكشف عنه ...!!

وكذلك الشاعر مستور العصيمي يعتبر من أقوى الشعراء في هذا الزمن

تسلم يديك أخوي زعيم الحب على هذا النقل

لاهنت يازعيم الحب

وكيف ماتعجبنا وخاصة انا المحاوره بين افضل شعراء المحاوره

وشكرا

سلمت يا زعيم

محاوره رائعه لشعراء كبار ....يسلم لنا ذوقك يا زعيم

تحياتي