جتني نسايم

جتني نسايم طيف تسوق السحايب =وهلت غيومة على القلب ديمه

سالت وزالت عن حياتي الهايب=من عقب عطشةوالموارد عديمه

اسقت ضماي واشعلتبي وهايب=وخلة حنان القلب يزاول حميمه
روح الجمال ومردفته الذوايب=والطول فارع وبالملامح وسيمه

تقصر نظرها ثم تشد الهدايب=تمارس هوايتها تقل عين ريمه
مسوي ترفها مع غنجها العجايب =معجون طيب من الطياب القديمه
قالت سلام وقلت في صوت ذايب=هلا وغلا ياروح قلبي وحميمه
قالت مردك لي بلحيل هايب=وش فيك معطيني عن الناس قيمه
قلت انتي غيرالناس ياشوق رايب=وشلون مابديك واسمك حليمه
انتي مناية دوم وصرنا حبايب =يا نسم روحي لاتعذر نسيمه
فيك اتخيل كون بمزن وهبايب=وفيك اتخيل ورد وصوتك رنيمه
وفيك اتشرب ماي بليا سحايب=فطرة بشوفك والغنيمه غنيمه
جيتي من الله وكنت ابيله سبايب=ولامست كفي لليدين الكريمه
في ليلت ن نسيت كل الحبايب=احسب نفسي في جنان النعيمه

@وسلامتكممممممم

صح لسانك يااخوي
ولاهنت
الله يسعدك

شداديه والنعم لك تسلمين ياذؤؤؤؤؤق وصح بدنكــ

بوح ومحاولة ررررررررائعة

والقادم اجمل

سجلني متابعة لابداعكـ

أختك

نــجــوم المـخــيــنــي صح بدنكــ وذؤؤؤؤقكـــ ولي الشرف بنجوم المخيني ان تكون من متابعيني هذا يكفني فرح وسعاده غامره ..... ربي يسعدكـــ

صح السانك يافرحان حليمه لايكون حليمه بولند لاهنت

اخوي فرحان العنزي مرحبا بك مليون بين ربعك واخوانك الشدادين

وصح لسااانك

بالمناسبه القصيده يوجد بها كسور ولاهو عيب الشاعر يتعلم من شاعر اعرف منه والبيت الاخير مايجوز انك تقوله0

انا كنت في بداياتي استفيد من شعراء عمالقه واسمح لي اني عدلت بالقصيده

وانشاء الله اني امون عليك000

بالنسبه اذا تبي تعرف القصيده موزونه او لا شيلها شيله وتضبط معك0


تحياتي لك




جتني نسايمها تسوق السحايب
!!
وهلت مقاديمه على القلب ديمه
!!
سالت وزالت عن حياتي لهايب
!!
من عقب عطشةوالموارد عديمه
!!
اسقت ضمايه واشعلتبي وهايب
!!
حتى حنان القلب زاول حميمه
!!
روح الجمال ومردفته الذوايب
!!
والطول فارع والملامح وسيمه
!!
تقصر نظرها ثم تشد الهدايب
!!
عنق الغزال وعينها عين ريمه
!!
مسوي ترفها مع غنجها العجايب
!
!معجون طيب من الطياب القديمه
!!
قالت سلام وقلت في صوت ذايب
!!
حييت ياطب الفواد وصميمه
!!
قالت مردك لي وبالحيل هايب
!!
وش فيك معطيني عن الناس قيمه
!!
قلت انت غيرالناس ياشوق رايب
!!
وشلون مابديك واسمك حليمه
!!
انتي مناية دوم واحنا حبايب
!!
يا نسم روحي لاتعذر نسيمه
!!
جبينك امزون ونسمكي هبايب
!!
الخد ورد وصوت همسك رنيمه
!!
ومبسمك يغني عن قراح السحايب
!!
فطرة بشوفك والغنيمه غنيمه
!!
جيتي من الله لي بليا سبايب
!!
ولامست كفي لليدين الكريمه
!!
في ليلت ن نسيت كل الحبايب
!!
من فرحتي طابت جروحن قديمه

@وسلامتكممممممم[/QUOTE]

صح لسااانك ..فرحان
وربي يسعدك
...........

ذيب لاتعبت ولي الشرف اتعلم منك ومن اخواني بالمنتدى بالوزن والقافيه بس بدون تغيير الكلمات ومعانيها لان الهجه دائم تطغي و تحلي القصيده لان النبط يستنبط من البيئه اللي انت فيهااا ودائما لاقريت القصيده تعرف ان كاتبها شمالي ولا جنوبي ووووولخ وانا شمالي وطغت الهجه ع كثير من كلماتي ....انت حطيت نسمكي هبايب ....ليش ماقلت نسمك الهبايب ..عشان تناسب الهجه والمعنى...لان نسمكي ليس من لهجتنا هذا مثال ممكن تقبله بصدر رحب وطلبي منك كاخ ان تزور قصائدي دائم وتوجهني وانا الممنون لك لاهنت حبيبي واخوي ذيب وانا في حاجت اللي مثلك واشكرك ع المرور المفيد

حياك الله أختي العربية
وشكراً لتواجدك واطرائك
والله يحفظك