أرى رؤوساً أينعت

السلام عليكم ورحمة الله وبركاته

ابيات موجهه الى كل من هو في منصب و لا يقضي لزوم المطاليق.

اليوم ياشعري تحزم مابعد ذا اليوم يوم = أرئ رؤوساً اينعت واليوم ذا جا قطفها

عسى رجالن فالمواقف مايسدون اللزوم = يدني لها قصاف الاعمار ويقرب حتفها

عسى عمار اهل الردى واهل الرخامه ماتدوم = مفروض تبعد من مناصبها ويلوى كفها

لاصار ماتنجز لوازيم النشاما والقروم = يحرم لها شيل البشوت ولا الشوارب رفًها

ولا الرجال الطيبين اللي يعرفون السلوم = يالله عسى رب الملا عن كل سو يكفها

اللي عليهم ينشكى اللازم ويقضون اللزوم = وتقدر رجالن تنصًاها وترضي شفها

يالله عسانا نكسب الطاله وبالواجب نقوم = وانك تجملني مع اهل الطيب واقف صفها

الشاعر/ سامي بن عايض الشدادي الحارثي

الله يسعد كل طيب ويقربه منا ... ويبعد عنا كل ردي ,.

قصيدتك نارية يالذيب

وصح إلسانك يالطيب وكل عام وأنت بخير

صح السانك يالذيب وافيه من راس وافي

إي والله صدقت يا أبو عايض
بعض المناصب والله إنها حرام في بعض السلاتيح
وبعض النجوم ودك تحط على ظهورهم ما تحط على أكتافهم

أعجبتني بالحيل يا أبو عايض
وصح لسانك ملايين

صــــح لسانــك وبيــــض الله وجــــهــــك

		المشاركة الأصلية بواسطة : اقتباس
	عسى رجالن فالمواقف مايسدون اللزوم = يدني لها قصاف الاعمار ويقرب حتفها

كلام ماعليه كلام

بيض الله وجهك
وصح الله لسانك
,,

صح لسانكــ ابو عايض لاهنت يالسنافي قصيده جزله من راس جزل

الذيب

الله الله عليك

وصح بوحك وانا اختك


لاهنت

صح لسااانك..يالذيب
ابياات جميله
ربي يسعدك

سامي
يشهد الله شاعر وكلامك الصدق دونته
في معانيه خلني اكتبها في الجوال وارسلها
لبعض الرموز عسى ان يلومون انفسهم
وتنكسر اشنابهم مناصب بدون علم
شجرة بدون ظل لابارك الله فيهم صدقني قصيدتك
هذه درر الله يكثر من امثالك وعسى ان تاصل اصحابها.