الذهب اللي تجهز به العروس ايام زمان

السلام عليكم ورحمة الله وبركاته

كان اهم شي في جهاز العروس هو الذهب .. وكانو يحاولون يضعون في الجهاز لو القليل من الذهب لانه غالي وممكن ما يستطيعوون ماديا توفيره
اما اذا كانو يستطيعوون فسوف تكون قطع الذهب المصاحبه للعرووس كثيره واكثر من هالحين
لانها توضع في اماكن مختلفه من الجسم ابتداء من الهامه الى العرقوب












يوضع على الراس ثلاث قطع او اكثر اولها الحلقه وهي توضع في مقدمة الراس وهي من الذهب والفضه ومرصعه بالاحجار الكريمه ولها اشكال كثيره والهامه وهي جوخ مرصع بالذهب والاحجار والفصوص ويوضع في مؤخرت الراس


يعني الاولين يخلوون الراااس كله ذهب
ايضا ما ننسى الخماخم اللي تعلق بالاذان



نجي للصدر والرقبه وكانت تاخذ حقها من الذهب..طبعا تبي تقولون اول شي المرتهشه والحقيقه ان المرتهشه جديده وكانت ماتعرف كانو يستخدمون القلايد بانواع مختلفه ويسموونها خناقاات..

وكان فيه شي اسمه مرقال وهو عباره عن قلب من الذهب يعلق بالرقبه والمرقال مرصع ببعض الاحجار الكريمه ايضا فيه شي اسمه طبعه وهي ذهب وتعلق على النحر فوق المرقال يعني ملاصقه للرقبه..

والمرقال والطبعه يصلحن ينلبسن سوء..اما الايدي فالاصابع يوضع عليها الخواتم والخاتم يجي فيه فص من الاحجار الكريمه اما اذا كان مافيه فص ويكون عباره عن دبله فكانو يسمونه مرمى..

اما الذرعان فكانت تحلى بالاساور المختلفه ..وتسمى الاسواره مرفوده وهي من الذهب او الفضه وفيه شي اسمه وخش وهو سلك او شريط قماشي محلى بالاحجار الكريمه المختلفه الالوان وقطع الذهب والفضه ..




اما الارجل ففيها الحجوول والخلاخل وممكن تكون قطعتين وتصدر صوت او قطعه وحده وتكون عريضه..ايضا الخصر ممكن يكون فيه محزم ذهب او بريم ..والبريم من الجلد اما اذا كان البريم محلى بالذهب فهذا شي ثااني..

نسيت اقول لكم حاجه في الراس وهي الزمام اللي يوضع بالخشم وكانو منول يسموونه فرده او بالاصح كان فيه قطعه اخرى توضع بالخشم تسمى فرده وهي تشبه سلسله قصيره تتدلى من الخشم..

.صحيح منووول قل وفقر بس فيه ناس رازقهم الله وممكن ينفخون وينفشخرون ويحاولون يظهروون بمستوى مختلف عن باقي الناس

تحيـــــــــــــــــــــاتي

م ن ق و ل

ما شاء الله تبارك الله أخوي الشدادي
ويا هلا بك في هذا الموضوع الثمين
حضورك أبهجنا وزادنا فرحة بهذه
المشاركة الطيبة
ونتمنى لك التوفيق والسداد

شكرا لك اخي !الشدادي!
وشكرا لمشاركتك العطرة
وياليت تضع الرابط في صفحة الفعالية