نايف بن حميد وفالح الشيباني

هذة مراسلة جرت بين الشيخ نايف بن هندي ابن حميد , والشاعر فالح بن فويز الشيباني , واليكم القصائد:
قصيدة الشيخ نايف بن هندي ابن حميد

يافالح النوم عيا لايجي عيني=كن الرمد يابن مشيب في محاجرها
لاجيت ابرقد على جنبي تصحيني=دايم تخفي على قلبي سرايرها
وليا ذكرت الديار الي تسليني=عسى السحايب علاها هل ماطرها
ذكرا تذكرت من حينن الياحيني=يفز قلبي يافالح يوم نذكرها
عساك لوحيت منطوقي تواسيني=وعيني على ماتهقوابة تباصرها
كثرت التجارب معي بس ايام وسنيني=يقولها الي عرفها من دوايرها
ابيك يالقرم بالطرقة تخاويني=الربع نختار بالطرقة نوادرها
مادمت من لابتاً بالضيق تشفيني=تعجبك يوم الملاقى في محاضرها
يعجبك شوف النشامي الي مضحيني=ودلال صفراً على الصالي نبهرها
حراً لياشفت لونة قلت لونيني=دواغرة بيض ومتونة تشاقرها
حراً وحش شابكينة شبك بيديني=من الهضبة الي طويلاتاً مواعرها
لاشلت طيري على يديني يسليني=ينسيني الي دقيقاتاً خواصرها
ياماخذالة عليهن من تماريني=هذي تعلابها وهذي محدرها
يازين شوف الحباري بين دعبيني=لشفن الحر كوبرلة مكوبرها
شوف الحباري مع الدشة ينسيني=يسوى دياراً طويلاتاً عمايرها
شفت الجنوبي يلوح الفجر بالعيني=والقيض قفت ليالية و مخاطرها
على دخول الوسم باقي سبوعيني=والعين قامت تذكرني مخابرها
الله على جيباً ابيض وارد الفيني=علية نفسي مع الجيان اسيرها
رقت مع ناس للامجاد راقيني=حرار تعرف يابومقرن مواكرها
اسمع كلاماً وزنتة بالموازيني=ومن لاوزن هرجتة بالطيب يخسرها

وهذا رد الشاعر فالح بن فويز الشيباني

ابن فويز بداء زين التلاحيني=ببيوت شعراً على كيفة يصخرها
رداً على من خطابة تو ناصيني=برسالة وافية بالحيل شاكرها
يامرحبا ماسجع ورق البساتيني=يارسالة من عزيزاً جاء مسيرها
حليها بالذهب واحد وعشريني=عند وباقي العرب ماني مشاورها
من شاعراً عارفاً كل القوانيني=لولا الشعر شارتاً لقال يكسرها
مادم ربي بقول الشعر معطيني=يالزم علية بيوتة ماتحاقرها
حيثة عزيز وعندي مركزة ويني=عند النجوم الذي من فوق نسبرها
والي سواتة يقدم بالدواويني=وتساقلة صبة الدلة ومجمرها
لوقالو السلم يبداء الصب بيميني=اقول مقارن السادات بجبرها
نايف حريب الرداء مايلحقة شيني=سلايل حميد معروفة مفاخرها
يفداة منهو بلا دنيا ولاديني=الي على ماش وتلوي مناخرها
وخلاف هذا رفيقي يوم يدعيني=امر وانا رفعاً يمناي وشهرها
والله والله مترك من يناديني=وانا عنة لو يبا العينين مذخرها
يشرح ضروفة وغاياتة ويبغيني=اسايرة في ضروفة ماتعذرها
لمح بغى يقول تكفى لاتخليني=ببيوتة الي على القرطاس سطرها
واليوم ابترك اشغالي خوف تلهيني=ومشي معة في لوازيمن يقررها
لوني مشغول وضروفي تلاويني=وهموم قلبي ودنياية تعاسرها
وجحد همومي وجار الوقت كاويني=واصبر ودنياي تصفقبي عوايرها
لكن مدام ابو سلطان يدعيني=في صحبةً ماخسر منهو معاشرها
الطير والجيب واصحاب نصيحيني=والشعر والصيد والشعلة وساعرها
والزل وشداد وفروخ الشياهيني=والدلة الي بزود الهيل ذاعرها
بذي فرصةً ماتعوض حسب تخميني=والا فدنياك معروفن وش اخرها

مشكور على هالنقل

اخي الكريم الاغاني تعرف انها حرام كيف تهديها الله يهديك

راح تكسب ذنوب العالم والله اي واحد يسمع الاغنيه في المنتدى ذنبه عليك

وإدارة المنتدى تمنع الاغاني في المنتدى ارجو انك تشيل الاغنيه قبل نحرر توقيعك

هذه مجرد نصيحة اخ يحبك

		المشاركة الأصلية بواسطة : عبدالله الشدادي اقتباس
	مشكور على هالنقل اخي الكريم الاغاني تعرف انها حرام كيف تهديها الله يهديك راح تكسب ذنوب العالم والله اي واحد يسمع الاغنيه في المنتدى ذنبه عليك وإدارة المنتدى تمنع الاغاني في المنتدى ارجو انك تشيل الاغنيه قبل نحرر توقيعك هذه مجرد نصيحة اخ يحبك

مشكور اخوي عبدالله على المرور وتم تعديل التوقيع والدعوه كنت اعبر عن فرحه بالفوز لكن جزاك الله خير لتنبيه واحب اشكر اخوي ابو نايف على ذلك
تحياتي ,,,,

اخوي أبن مهرس

بقدر ما أعجبت بالقصيدة

اعجبت بردك وتفاعلك مع ملاحظة الاخ عبدالله

فلك مني اسمى أيات الشكر وبالتوفيق

صح إلسان الشاعر


وبيض الله وجهك على النقل

صح لسان الشاعرين نايف وفالح

وسلمت يمينك اخوي أبن مهرس911

ويعطيك العافية

		المشاركة الأصلية بواسطة : الداخل اقتباس
	اخوي أبن مهرس بقدر ما أعجبت بالقصيدة اعجبت بردك وتفاعلك مع ملاحظة الاخ عبدالله فلك مني اسمى أيات الشكر وبالتوفيق

مشكور اخوي الداخل على المرور لاهنت
( مافي احد معصوم من الخطأ لكن المشكله في الي يخطي ولايعترف بخطاه )
تحياتي ,,,

		المشاركة الأصلية بواسطة : بنـــ ( H )ــدر اقتباس
	صح إلسان الشاعر وبيض الله وجهك على النقل

ووجهك أبيض يابندر والف شكر على المرور الجميل
تحياتي ,,,

		المشاركة الأصلية بواسطة : غريب بدياره اقتباس
	صح لسان الشاعرين نايف وفالح وسلمت يمينك اخوي أبن مهرس911 ويعطيك العافية

الله يعافيك اخوي غريب بدياره وكل الشكر على المرور
تحياتي ,,,

حياك الله أخي ابن مهرس2008

وأشكرك جزيل الشكر على اتحافنا بهذه المراسلة

بين الشيباني وابن حميد

تسلم وما قصرت