لحظة ودااااااااااع

قال الوداع وصافح الكف بالكف = ويبست على يد المواليف كفي
أربع ثواني وانعزل كف عن كف = وقفى وأنى قفيت قلبي يرفي
صفقت كف بكف والدمع ماكف = يومين دمع العين عيا يكفي
الحياه بدون شوفهم مالي بهاشف = راحو هوى بالي ومرادي وشفي
من يوم قفو ودمع العين ماجف = من حجر عيني ينزف الدمع نزفي
همي بعد وداعهم لفني لف = هم يقبل على صدري وهم يقفي

هاذي هي الدنيا غرابيل وصدف = لحظة وداع وليت همي يخفي
ياعاذلي بالله ياعاذلي قف = وخل الذي مخفيه يبقى متخفي
با الحب يالطيب تراك أنته أعرف =وأنا ببحر الحب لفيت لفي
لاتجرح المجروح يا صاحبي خف = أرفق بحاله وأدعله لين يشفي
وأن كان دمعك ياخذ أيام يذرف = دمعي له أكثر من سنه ما يكفي
لين أنقلب دمع على الخد ينزف = والقلب من فرقاه صار متوفي
قبلك ترى يقلون لا لا تحسف = لكن حبي له بحر ما يجفي
لو أن بنات آدم يصفونهن صف = عن منوتي مايسد مليون صفي
من بعدها مالي ترى فالعرب شف = وأهيه ترى من بدة الناس شفي
واليوم أشوف أن القمر قام يكسف = وشمع الفرح من بعدها صار مطفي
ياصاحبي والله مابه لها وصف = تنظب بحور الشعر ما أكملت وصفي
أم الجديل اللي عن البرد يلحف = وأم القرون اللي على الورك تضفي
في وصفها محتار ياخوك وأحلف = ما لها وصيف أن كان يكفيك حلفي
ليا جابو الطاري لها القلب رفرف =مثل الحمام اللي على الغصن رفي
من لامني في حبها جعل يقصف = يقصف حياته رب الأعمار قصفي
لأنه بليد شعور خبل متخلف = مايدري أن الحب يوجع ويشفي
الله يروف بحالتي ثم يلطف =هو الذي يعلم بما كان مخفي
حتى خبير الطب قام يتراجف = يوم أعرضوله حالتي قال يكفي
هذا دواه صعيب ما أظن يعرف =مبطي وهو مرضان لكن يخفي
يخفي جروح في ضميره تنازف = لكن له أدعو قبل ياناس يطفي
مادام لا قلتو له أش فيك صرف =من هالسؤال اليوم ياناس معفي
لا تنشدونه يمكن أن جرحه يخف = هاذي نصيحه قلتها حسب عرفي
يقلون تكفى قال تكفون آسف = وأرجوكم أرجوكم من أدواه معفي
هذا دواه صعيب ما أظن يعرف = مبطي وهو ومرضان لكن يخفي
فلا تجرح المجروح ياصاحبي خف = أرفق بقلبي وأدعله لين يشفي

جزله من جزل

وبيض الله وجهك وانا اخوك

انت والعيال اللي هيضوك

هاذي هي الدنيا غرابيل وصدف=لحظة وداع وليت همي يخفي
ياعاذلي بالله ياعاذلي قف=وخل الذي مخفيه يبقى متخفي
با الحب يالطيب تراك أنته أعرف=وأنا ببحر الحب لفيت لفي
لاتجرح المجروح يا صاحبي خف=أرفق بحاله وأدعله لين يشفي
وأن كان دمعك ياخذ أيام يذرف=دمعي له أكثر من سنه ما يكفي
لين أنقلب دمع على الخد ينزف=والقلب من فرقاه صار متوفي
قبلك ترى يقلون لا لا تحسف=لكن حبي له بحر ما يجفي
لو أن بنات آدم يصفونهن صف=عن منوتي مايسد مليون صفي
من بعدها مالي ترى فالعرب شف=وأهيه ترى من بدة الناس شفي
واليوم أشوف أن القمر قام يكسف=وشمع الفرح من بعدها صار مطفي
ياصاحبي والله مابه لها وصف=تنظب بحور الشعر ما أكملت وصفي
أم الجديل اللي عن البرد يلحف=وأم القرون اللي على الورك تضفي
في وصفها محتار ياخوك وأحلف=ما لها وصيف أن كان يكفيك حلفي =
ليا جابو الطاري لها القلب رفرف=مثل الحمام اللي على الغصن رفي
من لامني في حبها جعل يقصف=يقصف حياته رب الأعمار قصفي
لأنه بليد شعور خبل متخلف=مايدري أن الحب يوجع ويشفي
الله يروف بحالتي ثم يلطف=هو الذي يعلم بما كان مخفي
حتى خبير الطب قام يتراجف=يوم أعرضوله حالتي قال يكفي
هذا دواه صعيب ما أظن يعرف=مبطي وهو مرضان لكن يخفي
يخفي جروح في ضميره تنازف=لكن له أدعو قبل ياناس يطفي
مادام لا قلتو له أش فيك صرف=من هالسؤال اليوم ياناس معفي
لا تنشدونه يمكن أن جرحه يخف=هاذي نصيحه قلتها حسب عرفي
يقلون تكفى قال تكفون آسف=وأرجوكم أرجوكم من أدواه معفي
هذا دواه صعيب ما أظن يعرف=مبطي وهو ومرضان لكن يخفي
فلا تجرح المجروح ياصاحبي خف=أرفق بقلبي وأدعله لين يشفي

صح لسانك يالرحال قصيدة رائعه وجزلة وتسلم يالغالي

	بيض الله وجهك اخوي الرحال والله قصيدة قوية ومعانية قوية

الرد ممتاز .. والقصيدة تدل على تمكنك من المعاني ..
بس يالرحال .. بما انك شاعر لا يشق له غبار ..
ودي تغير مواضيع القصائد .. الاحظها اغلبها .. وداع وحب ..
ودي اسمع منك فخر ..

مجرد راي لا تاخذ بخاطرك ..

صـــح لـــســــانــك
قصيده جزله ورائعه
ماشاء الله عليك يا شــاعر
ننتظر جديدك وقصائدك

ولك جزيل الشكر .

[all1=CCCCCC]صح لسانك يا الرحال

قصيدة جزلة ومن شاعر جزل

لكن لي عليها ملاحظة بسيطة وهي تكرار ( كف بكف ) ثلاث مرات

في الثلاثة أبيات الأولى والتكرار في القصائد يضعف من معانيها

وأنا ماني شاعر ولاني أخبر منك ولكن هذا رأيي حسب معرفتي

وأتمنى أنك ما تستهلك قصائدك بسرعة

بمعنى حاول ان تضع قصيدة واحدة كل أربعة أو خمسة أيام

حتى يقرأها أغلب الأعضاء ويردوا عليها

تمنياتي لك بالتوفيق الدائم[/all1]

الله يسلمك يا الطرقي من ذوقك طال عمرك ومشكور على التعليق الي يبهج الصدر

ابن مهرس بيض الله يوجهك يااااااااالامير وتسلم ياغالي