شوف المغاتير

البارحه ما هملج الجفــــن برقـــــــــاد = عود على العـــــين الشقيه سهرهــا
ودي بشوف المــغـــاتــــــير تنــقـــاد = في ديرتن مكف عنها مطــــــرهــــا
يجلا صدى كبدن عيت عـــن الـــزاد = شوف الحضاره مايليق بنضرهــــا
حضارة التزييف للـكبد ملـــهــــــــاد = فيها محاسن مير مكثر قشرهــــــا
فيها العوايد عودة يابن الاجـــــــواد = عوايد الاجداد ليـــش نحـــقرهـــــــا
لضاعت سلوم العرب وش بقي عاد = ابو الحضاره على ابو من نشرهــا
ابى ابتعد عن دار محمود ومـــــراد = بنحر ديار اهل الوفاء ونخـــبرهـــا
دارن يساقيها من الوسم رعـــــــاد = يكفيك لاسيــرت ريــحة زهـــرهـــا

صح لسانك اخوي ثواب
وانشاء الله ماينقطع شوفهن

ابى ابتعد عن دار محمود ومـــــراد *** بنحر ديار اهل الوفاء ونخـــبرهـــا
دارن يساقيها من الوسم رعـــــــاد *** يكفيك لاسيــرت ريــحة زهـــرهـــا


سقاها السيل ذيك الدار

ويا جعلك فيها دنيا وآخره في جنات النعيم

بيض الله وجهك ولا هنت يا أبو عادل

وصح إلسانك وعلا شانك .

وبشرني عن حويل بعد الدوره عساااه بخير ..

مشكور علئ مرووركـ
وجهك ابيض يا ابو نايف
وحويل بخير وابشرك تخرج من الدورة

الله يوفقه آمين يا رب

وينفعه وينفعك

يا هلا والله بشاعرنا ثواب

ويا مرحبا بك بين أخوانك وربعك الشدادين

نرحب بك أجمل ترحيب

ونتمنى لك طيب الحضور وطيب المشاركة معنا

لا هنت وصح لسانك ملايين

بيض الله وجهك ياذيبان
وصح الله لسانك

حضارة التزييف للكبد ملهاد
فيها محاسن مير مكثر قشرها

أي والله صدقت يامكثر قشرها

تم التعديل
ويعطيك العافية أخوي ثواب وسدد الله خطاك

بقيت وغليت والله يديم شرواك ابن عمك اعليمي في كتابت القصايد في الكمبيوتر لدي العديدمن القصايدارجو تعديل كتابته عند وصولها لمنتدا ولكم جزيل الشكز

صح لسانك ياثواب وبيض الله وجهك

يا هلا والله بشاعرنا ثواب


نرحب بك أجمل ترحيب

ونتمنى لك طيب الحضور وطيب المشاركة معنا

لا هنت وصح لسانك ملايين