للأثيري المقدّس

الاخوه الاعزاء اداري واعضاء
(شبكة الشدادين الرسميه)
اسعد الله اوقاتكم بكل خير
اطرح بن انضاركم هذه القصيده المتواضعه امل ان تحوز على رضاكم
والسلام عليكم ورحمة الله وبركاته

السلام ورحمة الله منطلق بأسمى الجلال=حقك اخي كنت الاثيري والمقدس لامعيب
حاول معي نبحر انا وياك للأبعد خيال=ولا نطير ان كان لك جنحان لابعد من قريب
قبل انتهي جيت ابتدي موعود بالجزل العدال=ولو قلتلي فعلاً تراك ابعد من الشمس المغيب
ان كان عندك من اجابه ممكنه حق السؤال=ابسألك ليه اسألك فهمت بإمكانك تجيب
من حيث والكائن اثيري صوم ماحولك تعال =خلك كذا تثبت وجودك عن جداره يالبيب
اما نجد انك بحق الشعر مضرب للمثال=وفهمتها وارضيتها مافيه شي عندك صعيب
كذا توقعتك موقع كل مايثبت منال=لكن على قدر الثواب الناتج اقرب للمثيب
ممكن تكون اعلى المراتب فالمقدس والكمال= ولن يكن ذلك ولاطالك اذا مالك نصيب
الحاصل انك لاتوالي وانت معسور الخصال=من لايجمل بالحضور أيجمِل اكثر بالمغيب
الي يقول اني حزيته لا يتمتم بالقبال=ماهو مداويني بأدب والعله اكبر من طبيب
دور احتمالاتي مبادر من كذا وجه احتمال=والاغلبيه راجحه كلش ولاحال المخيب
على اليمين اهل اليمين وللشمال اهل الشمال=وماطار طير الا وقع كلٍ على باله حسيب
احسب حسابك ماترى خل الوقايه راس مال=ولا تقول الواقع الحسي ورى الحال الكئيب
اقبل جنوني بالعقل ويذوب في صدر الشمال=الله خلق والله جعل هذا الجنون اغلى صحيب
المسأله تبدو دقيقه حين فحص الإعتدال=والعله العله يجي منها تعلل بالأديب
النقطه الي تنطلق من ملتقى الفكر الزلال=مقطع ظما ولا تطيب خاطر الصب المنيب

ارحب ياشاعرنا ابوفهد رائع ومميز وجزل وعذب وافي كلها موجوده بسموك الكريم
وصح السانك مليون ويقفاه مليون دائمأ نجد بقصائدك الروح الثقافه وهذا يدل على انك الرجل متعلم وواعي فكريأ
والله يزيدك علم يابوفهد يعطيك العافيه وتقبل مروري

من لا يجمل بالحضور يجمل اكثر بالمغيب

الله الله

صح السانك واعجبني الشطر هذا كثير


وجدت في القصيدة شي من ثلاثه وهي

إما ان عندك لخبطه في البحور واختلاف البحور بين الابيات في مقدمت القصيده عن مابعدها

او

عندك لخبطه في الإملاء

أو

عندي لخبطة في القراءه وهذا الاقرب بالرغم من اني اعدت قراءتها اكثر من مره


تحياتي لك واعذرني على صراحتي


اخوك الرهاوي

جميل جدا اخوي الجزل

وصح لسانك

وانا عن نفسي يالرهاوي أرى أن المشكله عندك

وان قرائتك يمكن تكون غير صحيحه أو إنك ماركزت

الجزل تحياتي يابو فهد وشاعر ولافيك حيله

والف صح لسانك

كفو والله يا أبو فهد
أنا أعتبر هذه أقوى قصائدك ويكفي
أنها جاءت لنا بشاعر كانت بداياته هنا
ثم اخفته عنا السنون وابعدته عنا الأيام

يكفي هذه القصيدة جمالاً جذبها للرهاوي
فأهلاً بك أخي الرهاوي
وأهلاً بعودتك
وأهلاً باطلالتك من جديد

أبو فهد
أنت شاعر كبير ومتميز
وهنا تظهر أيضاً ثقافتك وسعة معلوماتك
لا هنت وبيض الله وجهك

جزل البيان
شاعر النخبة يجمع بين الاصاله والحداثة
و بالنسبة لي كنت اتفق مع الشاعر الهرم
قامة الشعر( الرهاوي) في جزئية بسيطه
من من مقدمة النص الا اني اعدت قراءة
النص اكثر من مره واكثر من لحن ووجدت انه خالي من
الشوايب وصح لسانك يابو فهد