قصيدة مرثيه بالحاكم الزعيم خادم الحرمين الشريفين الملك فهد رحمه الله

مرحوم يافهد الخليج وشعوبه = تفجرت عبراتنا من رحيله
فقيدة الاسلام صقر العروبه = وشعب العرب فاقد زعيم ودليله
المملكة والشعب ينعى غيوبه = قدره من الله ما باليدين حيله
مرحوم ياعون المجلا هبوبه = مواقفه تظمن سلامة دخيله
يوم إزبنوه أهل الجوار اعتزوبه= رحب لهم واثنى لهم بالعقيله
معهم وقف يوم القسى والصعوبه =وشافوا مواقيف الزعيم وجميله
رجل الشجاعه والسياسه تصوبه = ورجل التعاطف واليمين الجزيله
زيزوم قالات العرب بالكروبه = يحلها فهد الفهود الاصيله
يدخل بها بالسلم قبل الحروبه =هيبة فهد منها الطواغي ذليله
رجل السلام اللي شريفه دروبه = الأمتين يشيل عنها الثقيله
ولخدمه الإسلام روحه جلوبه = خادم بيوت الله راع الفضيله
عسى إجتهاده مغفره عن ذنوبه = تثقل موازينه ويكسب نفيله
يلقى بها من عند ربه مثوبه = خضر النعيم ومشربه سلسبيله
رحل عسى الله يرحمه عن لهوبه = وآدع وسلم لزعامه وكيله
عبدالله اللي للجميع اعلنوبه = اسم الملك بالمملكه يستويله
روس الدول واشعوبها رحبوبه = عسى الخلف مثل السلف بتحليله
حنا نبايعه الولاء والأدوبه = وشعبه معه بالصدق دم وفصيله
رجل التواضع والتفاهم اسلوبه = عسى لعل أيام عمره طويله
حكمه على السنه ولبسه لثوبه = بسنة رسول الله محمد لجيله
خصيم ابو متعب يعاف الطلوبه = خصمه إعظامه للقى ماتشيله
صافي مع الصافي وعينه لبوبه = يرعى ضروف الشعب عدله وميله
زاد الرواتب للجميع ودروبه= شجرة وفاء للشعب خير وضليله
محبته للشعب ماهي بنوبه = ماضي وحاضر حب شعبه وسيله
والشكر من شعبه اتوزع اكتوبه = خيره كثير وعم شعبه حصيله
وسلطان سلطان العطا والمهوبه = نادر ولد نادر كفوفه صقيله
يمناه للمحتاج ماهي كذوبه = الخير سلطان العطايا عميله
يعيش ابو خالد شريف الذهوبه =ولي عهد وعون للي يجيله
وبقلوبنا كل ال سعود محبوبه = الحمل عنا اخوان نوره تشيله

منقول

اللهم تجاوز عنه واسكنه فسيح جناتك ..
الشكر لك يابو نايف الف شكر ..

اللهم ارحمه واسكنه فسيح جناتك

مشكور على القصيده الراااااااائعه أخوي

مشكورة اختي المستحيلة
مشكور اخوي ابوعزة
يسعدني مروركم

رحم الله الملك فهد

وصح لسان الشاعر

رحمه الله الملك فهد=وصح لسان الشاعر
تحياتي لــــكـــم:ابـــو عــــابــــد=،،،،،،،

يستاهل أبو فيصل كل خير وكل دعوة صادقة

الله يرحمك يا أبو فيصل فلقد كانت لك مآثر

عظيمة لن ننساها لك أبداً

تسلم يديك يا أبو نايف ومشكور لاختيارك

عبدالله الشدادي
ابوعابد
السلطان
رحم الله الملك فهد رحمة واسعة
مشكورين على تواصلكم الدائم