يا ناشدٍ عن حبيبي

(مساكم خير أحب اكون متواجدة بينكم بأول مشاركة لي )

يا ناشدٍ عن حبيبي ويش تبغابه=انا حبيبي من الصعبه تعرفونه
أنا حبيبي حضور الوقت وغيابه=بعطيكم شوي من وصفه ومن لونه
رجال كل الفخروالطيب بأشنابه=وأشوف موتي وموت الناس بعيونه
شخصيته تختلف وأحيان تتشابه=ومرات أجي من وراه ومر من دونه
وأموت بالخوف لامن ثارت أعصابه=وأليا هدا صرت له بالحكي ملعونه
أهتم في كشخته مع سبكة أثيابه=وأقوله لامشى يمشي على هونه
أغار من نظرة تاقف على بابه=وأغار من كل جيرانه يشوفونه
ويغيضني حيل والله كثرت أحبابه=هذا وأنا أدري بأني ماليه كونه
هذا حبيبي هذا شكل هندابه=وأنا بعد ماعلي حلوة ومزيونه
أضيق من غيبته وأموت وأحيابه=وأصير في غيبته طفقة ومجنونه
هذا بكل اختصار وتكفي الاجابه=وأدري بعد مستحيل انكم تعرفونه

اختي الكريمة
اشكرك على هالقصيدة الطيبة وفقك الله

أخي الكريم خيال الشدادين
تشكر ع المرور

حياك الله أختي
ويا هلا بك والله بيننا
قصيدة في قمة العذوبة والجمال
وكلمات تستحق بالفعل الوقوف والتأمل

صح لسانك ملايين ولا هنتي
وأهلاً بك من جديد
وننتظر دائماً مشاركاتك معنا

الله يحييك أخوي السلطان لاهنت ومشكور ع المرور

لافض فوك
و
صح لسانك
بين ضلعه والهدب
نص راااااقي بكل
ماتعنيه الكلمه

الشعر به عالم في صفحة كتابه=لو مالهم غير بيت الناس يقرونه
معنى ومبنى وحبك وسبك يحكابه=مامره احد وقراه الا اطرب شجونه
والصنف الآخر بدى القاف وقفل بابه=محد ٍ عرف وش هدف قافه ومظمونه
وحرفي بجزل القوافي سجل اعجابه=الله يحيي الجزل واللي يعزفونه

الله الله وشهالحبيب اللي كل هالصفات فيه ماقوول الاصح السانك ومصافحه جزله من راس بنتٍ جزله
تحياتي لك

مشكورين على المرور وهذا من ذوقكم
تحياتي للجميع

مشكورين على المرور وهذا من ذوقكم
تحياتي للجميع

انا حبيبي حضور الوقت وغيابه
بعطيكم شوى من وصفه ومن لونه
مصافحه اولى راقيه وفي نفس الوقت اعلان عن قدوم شاعره مبدعه الله يحييك بين اخوانك واخواتك وصح لسانك مليارات والله يعطيك الف عافيه
تقبلى تحياتي,,,,,