( يعنني )

بسم الله الرحمن الرحيم

السلام عليكم ورحمة الله وبركاتة

هناك كلمة شائعة بين الناس وهي مأخوذه من مسلسل يعرض في القناة الاولى السعودية وخصوصا من الفنان الرائع فايز المالكي

وقد انتشرت هذه الكلمة بين الناس الا وهي ( يعنني )

واطرح لكم القصيده مباشرة عوضا عن المقدمات0

ياللي تشوف اتصالي ماتكلمني=ترفع جهازك وتنظر فيه وترده

قلي علامك وقلي وش حصل مني=أعطيتك الوصل لا تعطيني الصده

كنت احسبك عند ظني وأختلف ظني=أبني لك الود وسط القلب وتهده

تمرني ماتطالع في ( يعنني )=حتى سلامك عليه تبخل ترده

ماتدري الشوق في شوفتك مشغلني=أمر بيتك على الروحه وبالرده

أضحك وأجامل وأجر الصوت وأغني=ولا ترى الصبر عندي واصل(ن) حده

أن جيت فأعرف مجيك لي يشرفني=وأن رحت ماهي عليك النفس منحده

لاتحسب أني شقي الحال متعني=فرقاك عادي ولو هي طالت المده

في لين وقتك تناساني وتذكرني=لاشان وقتك وشفت الضيق والشده

الحمدلله بأعيش العمر متهني=ومن راح من كيفه الايام بترده

كلمات الشاعر / سامي بن عايض الشدادي الحارثي

ذكرتني بالبيت اللي يقول
من راح من كيفه وكيفه يوديه = خله على كيفه وكيفه يرده

صح لسانك وعلا شأنك يالذيب
ولا هنت يا جعل عمرك طويل

صح لسانك يابو عايض قصيده جميله والله لايهينك عليها

بدعت وأوفيت البدع

بس لاتظلمه يمكن أنه ماشافك يوم مريت من عنده
ويمكن شافك وكلامك صح يعنني

الله يوفقك يابو عايض

من جد رااااااااااااااااااااائعه
سلم فكرك وقلمك
يعطيك العافية

يعنني ما لمحتك بدربي





صح لسآنك يالذيب عدد ما رحبوا البدو بـ"العيد و أكثر
..........................و عدد ما بآن نور الشمس و أكثر



لآهنت لآهنت لآهنت


يا شاعر الجزآله



رسآمـ

كنت احسبك عند ظني وأختلف ظني أبنـي لـك الــود وســط القـلـب وتـهـده

صح لسانك ولاهنت

كلمات رائعه

الذيب


بيض الله وجهك على هالرائعهـ



ابيات اعجبتني واسجل اعجابي بها



ودي

		المشاركة الأصلية بواسطة : اقتباس
	تمرني ماتطالع في ( يعنني )=حتى سلامك عليه تبخل ترده

دام الدعوه (يعنني) فيه أمل ترد عليك يالذيب

شكل الدعوه تغلّي والأيام تجيب اللي يتغلون

قصيده سهله وسلسه ومفرداتها جميله قريبه للذوق العام

أبدعت ياسامي ولامست فينا مضامين قريبه من الواقع

صح لسانك وسلم قلبك وعلا شانك ولاهنت يالذيب

صح السانك وعلا شانك يالذيب

وبيض الله وجهك يا غالي

		المشاركة الأصلية بواسطة : اقتباس
	الـحـمــدلله بـأعــيــش الـعــمــر مـتـهـنــي ومـــن راح مـــن كـيـفـه الايـــام بـتــرده

الله على روعة الابيات يالذيب

صح لسانك والله

قصيده أكثر من رائعه تسلم ..