((الساريه)) اهداء الى الوطن الغالي

اخواني الاعزاء اعظاء واداري شبكة الشدادين
السلام عليكم ورحمة الله وبركاته
اطرح امام انظاركم قصيدتي المتواضعه راجيا ان تحوز على رضاكم واستحسانكم

(الساريه)

يابلادي سارعي للمجد والرحله ذهاب=وان ظهر للخط رجعه واصلي لاترجعين
ورددي الله اكبر لاابتدى فصل الخطاب=واصدعي بالحق ياداري وباالقول المبين
العلم باالساريه والراس مطنوخ ومهاب=والمساحه تحتمل ماطى الرجال الغانمين
الوطن للشعب كله ياوطنا لن تصاب=دام ابو متعب يقودك اعتبرنا جاهزين
فيك عشنا ياوطنا لو تحملنا الصعاب=وعنك ذدنا ياوطنا بين عسر وبين لين
منك نرسل قصة الايمان من وسط الرحاب=وفيك تتجمع قلوب وفي صعيدك امنين
والوطن الا الوطن تخسون ياسرب الذباب=مايعكر صفوه الانذال والمتسللين
دون ابو متعب حراب ودون ابو خالد حراب=ودون نايف ياوطنا لن نكل ولن نلين
دون حدك لاتكاتفنا ونحينا الغراب=لن يحرك ساكنه لو زادو المتعبثين
شرذمه والشرذمه في عرفنا تاكل تراب=لاتمد ولاتشد ولاتعان ولاتعين
كم تلقينا خطاب وكم نبي نلقي خطاب=في مساحه للتواصل تحوي المتفرقين
الله انه لايرد البوم وان حث الركاب=والرخوم الي تحثه للتذمر حاقدين
ودهم بالدار تصبح عقب تخطيطه خراب=لين نصبح في مصاف الجهل والمتعثرين
علموه ان الظلام الي يعيشه مستراب=والدعاوي فاشله والحق لابده يبين
والعيون الساهره تجعل مطامعهم سراب=وجيشنا ياجشنا ياالباسل الحصن الحصين
شعب واحد راس واحد وارض يامال الذهاب=مايزعزع امنها شله من المسترزقين
والله انا لو نعيش الجوع في روس الهضاب=مانفرط في عيال العود يامتخلفين
من بداية حكمهم والمد ثابت والنصاب=مايكيلون التوازن في حقوق المسلمين
وكل جاهل يستتاب وكل جاني يستتاب=والتمادي فى الخطا عنوان للمتمردين
والتمرد فى الحقيقه مايجيب الا الخراب=والخراب ابسط نتاجه الشباب العاطلين
وديننا تدعو تعاليمه وبنصوص الكتاب=ان للمسلم على المسلم حقوق المسلمين

وسلامتكم

صح السانك حطاب الليل ملايين

ويستاهل الوطن القصيد

تحياتي

صح بدنك يابو نايف وهذا اقل شي نقدمه للوطن
وشكرا على مرورك الجميل
وتقبل تحياتي

حطاب الله درك يارجل شاعر متمكن ولا يحتاج
مافيك حيله
قصييده بيوتها جزله
وشكرا صح السانك ولا هنت

اخي بدر الشدادي
صح بدنك وماهذا الا بعضا مماعندكم من ابداع
فشكرا على مرورك الكريم والجميل والرائع
تفضل بقبول فائق الاحترام

اخيى صح بدنك والله لايهينك
وشكرا على مرورك العذب
وتفضل بقبول فائق الاحترام

صح لسانكـ يا حطاب الليل
على هالقصيده وبيض الله وجهكـ
لا هنت..لاهنت..لاهنت
><ِ
تحياتي

اخوي حطاب ليل

صح لسانك وبيض الله وجهك

والوطن غالي وفالك البيض

وحما الله بلادنا من كل سو

وادام علينا الامن والامان

ونعمة الاسلام

وعافى ابومتعب

وتقبل تحياتي

اخي شاعر الوطن
صح بدنك ووجهك ابيض ومرورك دائما جميل
وشاعر الوطن عندما يتكرم بمروره العذب
على قصيدتي المتواضعه
ليمنحها كرت العبور عبر ذائقته الجميله وحسه الراقي
تقبل تحياتي

حيااااااااااك الله ياحطاب ليل

وحي ماجيت به

قصيده جزله وراااااائعه من شاعر كبير وجزل

صح لسانك ملايييييين وبيض الله وجهك

والوطن يستاهل والله يطول بعمر ابو متعب

تحياتي