حبيب العازمي وتركي الفين في ( حفر كشب )

حبيب العازمي

سرا الليل والمعنى هبايب هبا هبا=سرا الليل والشيطان عنا هبا هبا
وانا اعرف صفانا الشرق هجره هبا هبا=عسى الله يعزك يا ديار السعوديه
الا يا لليل وين الشاعر اللي ضيع المليون=ومهما ضيع المليون اكيد الفين مضمونه
وانا ماقول تركي يوم سافر ما حصله لون=ولا كن العلم مبغا هل الدوحه يشيلونه

تركي 2000

اشوف البحر هايج ورست بواخره=.يجي بوله للسيف ويجي بواخره
الا ياهل العود اشعلو في بواخره=عسى الله يعزك يا ديار السعوديه
الا يالعازمي لاصرت محتاج وعلاك ديون=.ليا قدمت معروضك سواتك نخلص ديونه
اخذنا اللي كتبها الله وبعض الناس جا مغبون=.يسمونه وانا ياقوم مدري وش يسمونه

حبيب العازمي

يصيب الرجال من المواقف طنا طنا=ورمح المطني في عدوه طنا طنا
وصوت الضعيف في المزاحم طناطنا=عسى الله يعزك يا ديار السعوديه
انا معطيني الله والعرب من بعضهم يعطون=وانا ماني بتكسي عند خلق الله يكدونه
نقول ان اصدقانا يوم راحو كلهم يكفون=احد جانا معه مشلح واحد جانا بكرتونه

تركي 2000

انا اسمع وياتي من جهتكم ندا ندا=واشوف المطر لاكن عود ندا ندا
الا ياهل المندي بجمره ندا ندا=عسى الله يعزك يا ديار السعوديه
حبيب يا حبيب لاتنوشك جمره الغليون=ترا صاحبك لامنه مشا يمشي على هونه
لو اقولك فيه فلوس جيت مصفر الطبلون=واضن الموتر اللي معك ماتقضب دركسونه

حبيب العازمي

ترانا على الوعد المحدد نفي نفي=ولا عندنا للحق دايم نفي نفي
وشيخ القبيله كلها في نفي نفي=عسى الله يعزك يا ديار السعوديه
ياتركي قامت الايام تنطحنا بغير اقرون=ولا يا وجد روحي يالكلام اللي تقولونه
ماجي للمجلس اللي يجمع الصاحي مع المجنون=ولاكن الصراحه والله ان فيه مزيونه

تركي 2000

ليا جا الحدا كلن بطرقه حدا حد=ولكن ابن عاصي بدربه حدا حدا
من امرين خذ واحد ويعني حدا حدا=عسى الله يعزك يا ديار السعوديه
الا يا العازمي لاتمشي بدربك بدون عيون=ترا الرجال مايمشي طريقه غير بعيونه
تباهم يقبلونك مير سنك جاوز القانون=ونفسك تحت حكم الوقت والايام مرهونه

حبيب العازمي

معاد الكلام يفيد في اللي مضا مضا=مضا ما مضا والسيف حده مضا مضا
لو الصبر كسره ملح قلنا مضا مضا=عسى الله يعزك يا ديار السعوديه
يقولون الرحا دارت وعود حبها مطحون=والا ياما وياما من حبوب" جات مطحونه

يا هلا والله بمشرفنا العائد إلينا بعد طول غياب

حياك الله يا أبو فيصل والحمد لله على سلامة الوصول

المحاورة بين شاعرين كبيرين من شعراء المحاورة في الخليج العربي

ولا شك أنهما ضدان قويان لبعضهما

أشكرك يا أبو فيصل على نقلها لنا هنا والله يحفظك ويرعاك

يعطيك العافيه على النقل الموفق

:؛:



محاورة رائعة .. جزلـــه ..

صحت السنتهم .. مبدعين

تسلم عالنقل الرائع مشرفنا ..




:؛:

ياتركي قامت الايـام تنطحنـا بغيـر اقـرون

ولا يا وجد روحـي يالكـلام اللـي تقولونـه

ماجي للمجلس اللي يجمع الصاحي مع المجنون

ولاكـن الصراحـه والله ان فيـه مزيـونـه

اشكرك اخوي بدوي على النقله الرائعه
وسلمت يداك
تقبل مروري

		المشاركة الأصلية بواسطة : السلطان اقتباس
	يا هلا والله بمشرفنا العائد إلينا بعد طول غياب حياك الله يا أبو فيصل والحمد لله على سلامة الوصول المحاورة بين شاعرين كبيرين من شعراء المحاورة في الخليج العربي ولا شك أنهما ضدان قويان لبعضهما أشكرك يا أبو فيصل على نقلها لنا هنا والله يحفظك ويرعاك

الله يبقيك اخوي ابوعبدالله


تشرفت بتواجدك الله يطول عمرك

		المشاركة الأصلية بواسطة : الشبح اقتباس
	يعطيك العافيه على النقل الموفق

يامال العافيه يا الشبح

شكرا لك

		المشاركة الأصلية بواسطة : نجود اقتباس
	:؛: محاورة رائعة .. جزلـــه .. صحت السنتهم .. مبدعين تسلم عالنقل الرائع مشرفنا .. :؛:

الله يسلمك اختي نجود


شاكر لك على تواجد .. الله يعطيك العافيه

		المشاركة الأصلية بواسطة : سهم المنايا اقتباس
	ياتركي قامت الايـام تنطحنـا بغيـر اقـرون ولا يا وجد روحـي يالكـلام اللـي تقولونـه ماجي للمجلس اللي يجمع الصاحي مع المجنون ولاكـن الصراحـه والله ان فيـه مزيـونـه اشكرك اخوي بدوي على النقله الرائعه وسلمت يداك تقبل مروري

لاهنت اخوي سهم المنايا


تشرفت بتواجدك يا الغالي


شكرا لك

محاوره من الوزن الثقيل بشاعرين مميزين بحضورهم بالساحه

مشكور يابدوي فاهم على النقل الأجمل

تحياتي ودمت بخير

أخوك

نواف الشدادي