|
||||||||||||||||||
أوصيك بأربع
السلام عليكم ورحمة الله وبركاته اخواني / اخوتي الاعزاء من الارشيف هذا البيت من قصيده يقوللا تحضرني الآن للبناخي نفل بن صالح أمسيت انا والهم خلان ياخـال=هذي حياتي والفرح كيف نرجيه ورديت عليها بما يلي هلا هلا بك عبر موجات الارسـال=عبر الاثير ابعث لك الشوق واهديه
قاف البناخي يوم غناه مـوال=هيض معاني الشعر واطرب قوافيه لكن نبش جرح ٍ منه شفت الاهوال=وعلى الورق حبر القلم هل صافيه الصبر زين ويجرح الكبد لوطـال=والقلـب ماكـل الامانـي تسليـه صبرك وغيم الهـم لابـد ينـزال=أن قاله الله دين الايـام تقضيـه اسمع كلام ادرى المخاليق بالحال=قريبك اللي ماعنه شـي تخفيـه الرزق عنـد منـزل الغيـث لازال=سود الضماير مابعد دبـروا فيـه حث الخطى كانك عن الدار رحـال=ابعد مزارك عن ديـار المشاريـه ابعد مزارك عن هل القيل والقـال=ناس ٍ لهم نقل الحكي صار ترفيه خذ راي من قوله يبرهن بالافعـال=ماهوب انا خالٍ يجامـل بناخيـه اعرف ترى لو ساعة الغي جهـال=لاعمست الارياء لنـا راي نبديـه راي تحيـر نقضتـه كـل فتـال=ماعاطيه غير اللي يثمن معانيـه في ساعة الشده رزينيـن وثقـال=عدونا نضحك معه ليـن نكويـه اسمع كلام ٍ تنظرب فيـه الامثـال=من هاجس ٍ مايتعبه يـوم يبنيـه اليأس مايبني طموحـك والآمـال=بالعكس يهدم كـل ماكنـت تبنيـه لو المعالي والمناصـب بالامـوال=شفت العجوز تفتل اشنابهـا بيـه لو جارت الدنيا وشفت الدهر مال=الوضع له رب ٍ كفيـل ٍ يسويـه ولو اليالي عرضتك اشهب الـلال=نجم السعد لابـد تظهـر لياليـه أوصيك باربع حطها دوم فالبـال=الاوله فـرض ٍ وجـب لاتخليـه والثانيه لاتستمـع هـرج عـذال=بحق ٍ عليك احذر تكون متناسيـه فالوالدين أوصيك ترى المثل قـال=ماتبذرون اليـوم فالغـد تجنيـه دين ٍ مسجل في سجلات الاعمـال=أن طالت أيامك ولدك إلك يوفيـه ترى العمر مثل القمر يبدي هـلال=ويكمل ويرجع ينثني عنـد تاليـه والثالثه خلك بعيد عـن الانـذال=شرف مقامك والردي لا تخاويـه لايخدعك شوف المظاهر والازوال=سراب صيف ٍ غيمة الجو تخفيـه والرابعه برق ٍ سرى يشعل إشعال=مقف ٍ مخيله عنك لا تلتفت فيـه هذاك من دونه يحولـن الاميـال=براق صيف ومطلع سهيل قافيـه
|
21 Aug 2015, 02:06 PM | [ 2 ] | |||||||
<img border=
|
رد: أوصيك بأربع
هلابشاعرنا المخضرم تركي الشدادي وهلا بحضورك وجديدك وصح لسانك ملايين تبارك الرحمن ابيات جزاله ورائعه الاجمل عنوان القصيدة اوصيك باربع لك خالص الشكر والتقدير وننتظرجديدك |
|||||||
|
||||||||
21 Aug 2015, 06:38 PM | [ 3 ] | ||||||||
مؤسس شبكة الشدادين
|
رد: أوصيك بأربع
يا هلا والله وألف مرحبا بشاعرنا المبدع أبو عبدالله والله يحييك في منتداك اليوم ودوم وبيض الله وجهك وصح لسانك ونتمنى والله تواجدك الدائم معنا |
||||||||
|
|||||||||
22 Aug 2015, 06:40 PM | [ 4 ] | ||||||||
|
رد: أوصيك بأربع
حيّاك أخوي
صح لسانك ملايين ولاهنت كل الشكر والتقدير |
||||||||
|
|||||||||
04 Oct 2015, 03:07 AM | [ 5 ] | |||||||||||||||||||||||||||
شاعر
|
رد: أوصيك بأربع
|
|||||||||||||||||||||||||||