الجبرتي و صياف

محاوره (منقوله) بين الشاعرين الكبيرين محمد الجبرتي و صياف الحربي رحمهم الله
ارجو ان تحوز على رضاكم
تحياتي
سلام الله سلام ذا السنه ماهو سلام العام
سلام العام راح العام بين هناك وهنيه
انا اشوف المعارض واقفه والزين ماينسام
سمعت اهل المعارض يشتكون من الشريطيه
صياف
هلا يامرحبا ترحيبة ترحيبها قدام
لو ان قلوبكم ماتت عصر واعيونكم حيه
كثير الناس يمشي في الطريق وحفرته قدام
ولا يدري عن الحسنه ولا يدري عن السيه
الجبرتي
انا باغيك ياصياف لو انك بغير خطام
لكن ازحف وراك ولا تمش ايديك بيديه
اعرف الحبحب الفاوي واعرف الخربز الشمام
وابو خداش مشتالك معه دفعات روسيه
صياف
تبا المطلاع راس الريع ليت الله عطاك عظام
نشيلك فوق راس الضلع بين الشمس والفيه
اشوف الناس تعطيك العمامه وانت ابو عرام
وابو عرام مايرتاح لين يحط طاقيه
الجبرتي
دخيلك لا تخرب في بلدنا يافهد بلام
تخرب فالبلد وانته عليك صكوك شرعيه
يقولون العرب ما تلبس الا وارد البسام
تبيع وتشتري فالسوق هنديه ومصريه

يعطيك العافيه وما قصرت

ومشكور

حياك الله من جديد يا فهد الضبيعي

والله ونعم الشاعرين

ومثلهم من قدامى الشعراء ما يحتاج نسوي لهم تعريف

المهم

أتمنى يا فهد تنسق مواضيعك أو تطلب من المشرف الشعبي ذلك

شعراء كبار ومعروفين

ومحاوراتهم دايم جزله وممتعه

يعطيك العافيه ياخوي على النقل

مشكور اخوي على هالاختيار الرااائع

كل الود