البر يزهى به جديد الخيامي

الأخوة الأعزاء وصلتني صور للبر والأمطار من أحد الأصدقاء (أبو مؤيد ) ورديت هذه الأبيات ورد عليها صديق لي وشاعر وهو فؤاد العتيبي( أبو فهد ) آمل أن تجوز وترتقي لذائقتكم ...

أنشهد إنك صادق فالكلامي =يازين جو البر يالقرم زيناه
أيام راحت يا عليها السلامي =الله يحقق غاية القلب ومناه
والخد يزهابه جديد الخيامي =وتشوف ذيدان الأجاويد ترعاه
جتني رسالة من رفيع المقامي=أبو مؤيد صاحبي لا عدمناه
ومجالها مفتوح يابن الحشامي =بالرد والمعني وطيب المجراه
يابو فهد خابرك فالنظم سامي = والشيخ ابن جفال قافه ومعناه
وصلاة ربي عد رمل الزوامي =على شفيع الخلق يوم الملاقاه

الرد

سلام مني للربوع الكرامي = وبذكر ربي خط قافي ومبداه
من لامكم في البر جعله يضامي = يضحك به الي مايعرفه مع أعداه
خص ليا حلت ليالي الوسامي =والمزن في كل النواحي نثر ماه
نون بروقه شققن الظلامي = تسري على نوره كما نور مشكاه
يازين خوة كل حرن قطامي =رجل كريم وتبذل الطيب يمناه
خوة حشام طيبين المقامي =معهم نسج وكل هم نسيناه
في خايع توه من العشب زامي=يازين شوف الذود يرعى بمفلاه
النار شبوها النشاما شمامي =ومن بن صنعا حط بدلال مركاة
وسوالف من طيبات الكلامي=والشعر جا وقته بقافه ومعناه
لأبو مؤيد ولكم أهدي سلامي =العود الأزرق ختم قاف بدعناه

الخد يزهابه جديد الخيامي =وتشوف ذيدان الأجاويد ترعاه

صح لسانك يا واعي وبيض الله وجهك وسوالفك جزلة وقصيدك جزل

في خايع توه من العشب زامي=يازين شوف الذود يرعى بمفلاه

وصح لسانك صاحبك العتيبي والله لا يهينكم يالنشاما

أتمنى من المشرفين تنسيق الموضوع

صح لسانك وسلمت يمناك


لاهنت ...تفبل مروري

أيام راحت ياعليها السلامي=والله يحقق غاية القلب ومناه

أخوي واعي بيض الله وجهك وصح لسانك ملايين وصح لسان خويك العتيبي
قصيده رائعه ومجاراه رائعه والله يحقق كل شيٍ تمناه
وتقبل مروري الرحال

إي والله أخوي واعي
يا زين البر ويا زين المطر
ويا زين راحة البال وهدوء النفس
صح لسانك وصح لسان صاحبك أبو فهد
ولا هنت يا شاعرنا العذب

الأخوة الأعزاء
فيصل بن زايد
فاقدة أبوها
الرحال
السلطان
لكم مني جزيل الشكر والتقدير ,على تفضلكم
بقراءة القصيدة ومروركم الأجمل .
دمتم بخير ,,,

واعي

وأبوفهد

فالكم البيض والطيب يالنشامى وصح ألسنتكم

والله يكثر من امثالكم في الخليج والعربيه ويلحقها أوربا,

دمتم سالمين.

خيال الشدادين
( وجه السعد )
والله وأقول إن شاء الله إن اعلومك كلها
غانمة وأشكرك جزيل الشكر على تواجدك المستمر
في إطروحاتي المتواضعة . وبيض الله وجهك على إضافة

المشهدين لمرورك الرآآآئع والتي أعتبرها قصيدة مرئية ومكملة للموضوع

دمت بخير ,,,

صح لسانك أخوي واعي وصح لسان خويك العتيبي

بيض الله وجيهكم ولاهنتو ..

شاهر
مرحبا بك ألف ومشكور على تفضلك بقراءة
الموضوع وبيض الله وجهك على مرورك الطيب .
دمت بخير ,,,