الجواهر المنظومه للشاعر المرحوم / عايض بن شجاع الشدادي

بسم الله الرحمن الرحيم

يسرني أن أعرض لكم هذه الجواهر المنظومه
ألتي نظمها الشاعر / عايض بن شجاع بن سالم الشدادي الحارثي (رحمه الله).

يقول .

يا عنك ما كل الرفاقه رفاقه = لو كان قالوا لك ترانا بني عم
ترى الرفيق إلي يشيل الوساقه = وإن قلت ذا درب السنع قال لك تم
رفيقي الواقف على عظم ساقه = إلي يصوب الصوب قبل أتكلم
هذا الرفيق إلي بملك الصداقه = لو هو من الصيعر وهمام و وهم
وإلا الردي يظهر رداه ونفاقه = ماله ضمير ولا ملازيم تلزم
إن زاد ماله شال كل الحماقه = وإن قل مالك حملك جملة الهم
العفن إذا أمّنته على السر باقه = مار إنتبه لا عن خفاياك يعلم
أدنات ما خرب مزاجه وعاقه = يكفيك شوف العين والخافي أعظم
أبعد عنه ما دام تقوى فراقه = تراه دايم جمع الأنذال يهزم
ناسِ يحطون الرذاله عشاقه = ولا حسبوا للطيب والمدح والذم
يا عنك ما حطيت معهم علاقه = وإلي قنص بالبوم والتبع يندم
البيت ما يصلح بليا رواقه = والثوب ما يصلح لباسه بلا كم
الرجل تنفع قومته وإنطلاقه = يعطيك أشارات الوفاء في المقدم
شوفه عزيز وشوفتك له شفاقه = وإن جاك من ظيم الزمن ظيم ساهم
رفقت وفاء ما هي برفقت ملاقه = قرماً لحزات الصعوبات سلم
أوصيبه أهل الفهم وأهل الخذاقه = وألا القلوب العمي ما تنتعلم
ولأحدٍ ومن وقته عن الاصطفاقه = كم وأحدٍ عقب الحلا جرع السم
وكم وأحدِ منها تثالع فلاقه = وكم من مباني شامخاتٍ تهدم
منها يجوز العبد يطلب عتاقه = من من يحل الكود ويفرج الهم
يا رب ما للعبد قدره وطاقه = إلا بفظلك يالعظيم المعظم

وسلامتكم

رحم الله الشاعر عايض الشدادي
وبيض الله وجهك على طرحها
أخوي فارس
ولاهنت

و جهك أبيض أخوي نواف

والحقيقه مثل هذه النوادر كل شاعر أو متذوق يحرص عليها

ولك كل الشكر

رحمة الله على الشاعر عايض

ومشكور اخوي فارس على هالنقل المميز ونحتاج منه الكثير

الله يا أبو عايض

رحم الله شاعرنا الكبير عايض بن شجاع وجعل مثواه الجنة

ووفقك لكل خير

ونتمنى أن تضيف لنا المزيد من قصائد الشاعر عايض بن شجاع

أبشرو بكل خير أنا مستعد

ولكن ودي لو يكون له ديوان شعري وتوضع فيه كل قصائده

ولكم كل الشكر

رحم الله الشاعر العلم عايض بن شجاع الشدادي وأسكنه جنات النعيم

ولاهنت يا فارس على نقل القصيدة

‏ الله يرحم الشاعر


مشكور فارس الشدادي


على طرحك للموضوع

الله أكبر
هذا قصيد الحكمة
يرحم الله قائله ووالديه والمسلمين
ويعافي ناقله ووالديك يافارس الشدادين
وأوافقك الرأي أن يكون لذلك الرجل الشاعر عايض بن شجاع
ديوانه

الله يرحم الشاعر : عائض الشدادي
قصيده جزله وفي قمة الروعه
الله يعطيك العافيه أخوي فارس
ولاهنت يا الغالي

تحياتي

... المحـــــكوم ...