عاجل : عادل الحارثي في قبضة الجنس اللطيف(نقاش)

		المشاركة الأصلية بواسطة : اقتباس
	وشف كل جلسه من التعديلات بكم لو تحسبها بتصك 20 او 15 الف هذي بس التعديلات

الله يصلح قلبك الحين بغيتك من أنصارنا تخربينها <ميته ضحك على أم الفزعات

حشا 20 ألف تعدل نفسها بهذي ماألوم عادل يوم يقول السعوديات والسعوديات

أتوقع إنهن يتبعن حركة برنامج تأهيل للزواج وينخدعن بالإعلانات والدعايات

فيروحن مو قصدهن تعديل بقدر ماهو تزيين لأنه مستحيل هالمبلغ ينصرف على تعديل

فقط فالكل يستغلهن لاقالوا عرايس وبدي سوي لك هيك وبدي سوي لك هيك لحد مايخفون

بعقلها ولو شافت نفسها بالمرايه بتتأكد إن مايحتاج لها إلا كرستالة بأسنانها وتطلع توب

هههههههه ..

		المشاركة الأصلية بواسطة : اقتباس
	>> ( مية - عشرين = ثمانين ) وهذا ما تفتقده البنات الشاميات << أنا ما قلت شي هي اللي قالت بعظمة لسانها لذلك مالي شغل بهالنقطة

أنت ع بالك التعديل يغيرون ملامح البنت ويجيبون لها خشم جديد وفم حلو وعيون وساع لا ماله دخل

مثل ماقلت لك حريم يركضون ورى الإعلانات وبيدها مبلغ فتدخل في التجريبات وبالأخير هي هي لاهم

زايدينها جمال ولاهم نازعين منها شي شين

وبعدين أنا وياك السوريات جميلات لكن مو كلهن صحيح فيهن دلع ونعومة وحكيهن ينقط عسل يمكن

بس بنات بعض المناطق وأنا أبخص فيهن < متكيه الأخت عند السواريه

المهم فيه ريف سوريا بناتهن يجيبن المرض لاكشخه ولاأجسام ولاحتى بياض صحيح فيهن احترام

للرجل وخوف منه لأن رجاجيلهم ملاعين لكن لو خذت سعودي بتشيخ عليه لأن السعوديين مافيهم

مثل حزم وقسوة رجاجيل سوريا وأنا أتكلم عن القبائل السورية المحافظة ماعندهم دلع للحرمة

تبي من بنات حمص وحلب بتلقى جميلات لكن مستحيل تتكيف مع الرجل السعودي ..

المهم فيه بالمقابل بنات من السعودية قمة في الدلع والعذوبة ويااااكثرهن فلاتعمم هالفكرة

أنا ماأنكر إن فيه سعوديات كأنهن رجاجيل لانعومة ولادلع ولاحتى منطوق عذب بتلاقي عربجية

يمكن ماتتعامل وياك إلا بالهواش وتنكد عيشتك بس هذي بتكون معروفة مستحيل أحد ينخدع فيها

الكل يعرف البنت لاصارت أنوثه أو كأنها رجل ..

السوريات حلوات والسعوديات أحلا وأحلا وبعدين أنت طالع رجاجيل سوريا بتتأكد إن بناتهم طلعوا

كذا لأن العرق دساس والأب مسئول عن الجينات كمان يعني بالله عليك لاصار الأب جثه والزوجة

برميل تبغى بناتهم يكونون كتاكيت كل الإثنين لازم يصيرون حلوين عشان إنتاجهم يكون أحلا

فحتى الرجال له النصيب الأسد من خروج بنات السعودية إلى هالشكل اللي أنت تتكلم عنه ..

وبعدين بجد بجد فيه بنات يكونون مزيونات ومشهود لهن بالجمال وتتزوج واحد جيكر وتتحطم

بعيالها يكونون ماخذين من أبوهم الشين وماخذوا منها إلا شيء بسيط يعني حتى أنتم سبب

في الإنتاج

		المشاركة الأصلية بواسطة : اقتباس
	وموشرط تكون المهور الغالية سبب بالزواج السعيد بالعكس ياما ناس تزوجواببساطة وعايشين بسعادة و بركة و ألفة ما تتصورينها لكن و والقران و السنةنزلت و احامها و تشريعاتها و سننها صالحة لكل زمان و مكان لا احد يقوليزمان أول مو مثل الحين لأن هذا شي تقريبا كفري ان ننسب اي شي من القران والسنة بأنه غير صالح لهذا الزمان

أنا معاك ياإحساس مو شرط المهر سبب سعادة ولاجدال على هالنقطة ولاشرط إذا كان قليل تكون تعاسة

ممكن يسعدون أكثر والعبرة تعود على الزوجين وانسجامهم وألفتهم مو على مهرهم سواء قل أو كثر "

وإحنا تكلمنا عن اختلاف الزمان عن اختلاف الأشخاص مو التشريعات أو الدين بل هو صالح لكل


زمان ومكان أنا تكلمت إن الرسول والصحابة مافيه أحد يوصل لمكانتهم الآن ومافيه بنات بالوقت الحالي


ممكن يوصلن لربع الصحابيات ..

		المشاركة الأصلية بواسطة : اقتباس
	وقضية أنك تقولين أن ابو البنت يقول ريال وشيمة و بعدين الرجال يضرب صدره هذا سيناريوا متفق عليه علشان الأبو يخرج بالصور المطلوبة أمام الآخرين و أعطيك مثال

وأبو هالبنت لو المعرس كانت عنده شجاعة وقال المهر خمسين ألف أو أي مبلغ مستحيل يرده "

		المشاركة الأصلية بواسطة : اقتباس
	اي شخص اقل من المتقدم يبي يتقدم حق أختها أول شي بيجي بباله أن المهر 120000 يعني مثل ما قلتي شي معروف عند الرجال الفلاني و المعرف لا يعرف يعني ما يحتاج ابو البنت يقول 120000 الف لأنه معرف من السابق

مثل مافيه مهور محدده بخمسين ألف ومتعارف عليها مستحيل إنك بتخطب بنت وإنت متعارف عندكم خمسين وتقول لأبوها المهر عشرين مو صح خلاص مثلها مثل المية والمية والعشرين شيء متعارف
عليه ومسلم به

		المشاركة الأصلية بواسطة : اقتباس
	وعلى قولتك أن حنا يالرجاجيل الي ساكتين على هالشي لا والله ما سكتنا و المهر عندنا 50000 متعارف عليه على قولتك وناس كثير ما يقدرون عليه

طيب اللي مايقدرون ماشوفهم سوو اجتماعات جادة وناقشوا هالقضية مع كبار القبيلة بشكل
جدي واتفقوا على شيء يرضي الجميع "

		المشاركة الأصلية بواسطة : اقتباس
	أفضل للبنت تعيش مع رجل راتبه 5000 او تحول مصدر رزقهم الوحيد الى 2500 صراحة بهالنقطة انا مو مستعد اتزوج وحدة من بدايتها ما اهتمت بظروفي

أكيد الأفضل إن راتبه 5000 لكن البنت ماتقدر والولد بعد مايقدر أحس إنه شي مفروغ منه محد يقدر

يغيره والإهتمام بظروف الزوج مو وقت الملكة والخطبة لأن عادتنا تحتم علينا كذا لكن إذا انتقلت معه

لبيت الزوجية أكيد بتتنازل عن أشياء كثيرة وبتراعيه أكثر ومو شرط يكون المهر السبب في الضائقة

المالية أنا أعرف وحده قريبة بقوة لي عايشة ولاأميرة عند أبوها تزوجت ولد عمها وهو على قد حاله

تنازلت عن حتى أبسط حقوقها لدرجة كانت لاصار فيه زواج وهو لازم يعين ماتحضر عشان ماتكلف

عليه وتحسسه إنها ماتبي تحضر زواجات وإنها تكرهها عشان بس ماتحسسه بالتقصير وبالمقابل

لو تشوف حياتها الماضيه ممكن محد يصدق إنها رضت وتأقلمت على وضع ماكانت بيوم تتخيل إنها

تعيشه والسبب يرجع لتقدير المرأة لوضع زوجها ولحبها له ولتضحيتها في سبيل سعادته وبالمقابل

وربي هالنوعيات واقعه وشاهدتها بنفسي تجيك وحده بنت فقر وحياتها على قد حالها ببيت أبوها

وتزوجت واحد بطران أو حتى ع قد حاله وتلاقيها كل حياتها فلوس بفلوس وماترحم زوجها وهمها

الوحيد إنها تاخذ منه أكثر شيء تقدر عليه والسبب يعود إنه ماهمها وتعتبره جيب متنقل تاخذ منه

وقت ماتبي وإلا كيان الرجل مايفرق معها والعاطفة ممسوحة من حياتها الرجال عندها يعني مصدر

رزق ويدفنها بالفلوس بأي طريقة وإذا صار مديون أو مامعه نكدت عليه عيشته يعني الوضع يعود

لتفاهم الزوجين ومحبتهم لبعض اللي تخليهم يتنازلون عن أشياء كانوا مستحيل يتنازلون عنها يوماً ما .

		المشاركة الأصلية بواسطة : اقتباس
	لكن انا رجل عصامي

أحيي فيك هالعصامية ياإحساس بجد شيء حلو ويارب يرزقك بوحده تراعيك وتقدر لك هالعصامية

بس لاتتحطم لأنك ماراح تكتشف تقديرها ومراعاتها إلا بعد الزواج لأن البنات عندنا غير عن الشاميات

ع قولة عادل يعني الشامية بتجلس معك وبتقول مابدي مهر خاطري بشبكة وأنا بدي ياك وبحبك يعني

عندهم الحب هو المهر والسعادة وهالنقطة صائبة مية بالمية لكن السعودية حبت وإلا ماحبت وحتى

لو إنها تزوجت حبيبها وقريبها ماتقدر تقوله هالأشياء لأنه مايشوف رقعة وجهها إلا بيوم الشبكة

والوضع انتهى ومستحيل بيقولها شيء أو هي تتجرأ تقوله شيء فلنرضى بواقعنا رضينا أم أبينا

		المشاركة الأصلية بواسطة : اقتباس
	خلاصة القول ارجع واقول ان مهر بنت 120000 شي في ظلم للطرفين مستقبلا وليس حاضر ليش ما نبداء حياتنا حبة حبة مع بعض و نرقى بمستوانا المعيشي اكثر و اكثر مع مر السنين ليه من البداية ندمر اساساتنا بديون لا لها اول ولا تالي والدين على قولتهم يجر الدين

والله أنا أتمنى إن المهور ماتكون بهالقيمة الفلانية لأن المرأة بتتضرر كمان بعد زواجها وبتكون

حياتها وياه قائمة على ديون ولازم هي ترضى وتتعايش هالعيشة والمصيبة لاصارت مو متوظفة

جد بيتوهق الرجال لوحده والله يعين مافيه سعودي شاب مو مديون والدينه مو عشان العرس وبس

حتى لابغى سيارة أو أثاث أو أي شي بالله راتبه بيحقق كل طموحه مستحييييييل "

		المشاركة الأصلية بواسطة : اقتباس
	وبالأخير اريد سبب واحد منطقي وعقلاني يبرر أن الرجل لا بد أن يتكبد الكثير من العناء و التعب و الديون لأجل إكماله نص دينه يعني هو بلأخير مو الانثى مستفيدة من هالزواج بنفس قدر إستفادة الرجل ..؟

الرجال قوامون على النساء والنساء تستفيد مثل استفادة الرجل لكن المرأة ماتدفع لامهر ولاتجيب

شقة ولاتشتري سيارة ولاتقضي للبيت كل هالأشياء مسؤول عنها الرجل عشان كذا هو اللي يشقى

بس وين اللي تقدّر !

شكراً لك إحساس

		المشاركة الأصلية بواسطة : اقتباس
	و قد يضطرون إلى التدين من أكثر من مصدر أو إلى انتظار الشرهات ( الترفد ) في سبيل توفير المهر و إكمال نصف دينه و هذا مما لا شك فيه قد يؤثر بطريقة أو بأخرى على حياته الزوجية المستقبلية

عادل بقولك شغله مو أنتم تدفعون المهر وبيوم الزواج تقبضون العينيات اللي توصل لمية ألف وأكثر بكثير

منها يعني ربي يعوضكم لاتشيلون هم

		المشاركة الأصلية بواسطة : اقتباس
	شخص من الناس عمره 25 تخرج من الجامعة أو من دورة عسكرية برتبة جندي أو ما شابهها أو موظف في قطاع خاص براتب قليل لا يتجاوز 5000 ريال قد تزيد ألف أو تنقص ألف ,, وفكر في الزواج و من سوء حظه ان ينتمى إلى قبيلة مرموقة تتباهى بغلاء المهور لديها ,, أبيكم تعطوني أيسر الطرق اللي بإمكان هذا الشخص عملها من أجل توفير مية ألف اللي طلبها عمه من أجل تزوجيه بنته

ياخذ دينه مثله مثل غيره يدفعها للعروس ومثل ماقلت لك بيجيه عينيات توصل لمئات الألوف ياخذها

ويدفعها لدينة المهر كمقدم وبينتهي دينه لاتكبرون المسائل

		المشاركة الأصلية بواسطة : اقتباس
	و كذلك عطوني سيناريو بسيط للتكاليف اللي راح يتحملها و الوسائل اللي راح يتبعها هذا الشخص البسيط من أجل توفير المهر وبعد ذلك التفكير في تكملة بعض أمور الزواج من إعداد حفلة زواج و تأثيث شقة ولا يهون شهر العسل !!!!

بتكلم عن نفسي فرضاً مهري كان مية ألف أو أكثر وزوجي مو ذاك التجارة ودفع لي المهر بدينه

ويكون عندي خبر بذلك وش تبيني أسوي أتصل عليه وأقول عطني رقم حسابك برجع لك نصه !

مابيدي شيء إلا أمر واحد ممكن أساعده فيه ويحب يده ظهر وقفى ممكن أتنازل عن حفلة الزواج

اللي بيخسر عليها مئات الألوف ودبلات المهر لأن سيناريو تكاليف الزواج مو سهلة كفاية القاعة

اللي بتكون 40 ألف أو أكثر غير الطقاقات اللي أقل سعر لهن 8000 غير عشاء الحريم وغير

فخفخة التقديمات من بداية حضور المعازيم لخروجهم يعني لاصار زواجه عادي مو مفخفخ فيه

بيتكلف أكثر من مية وخمسين ألف لو أنا اختصرت عليه وقلت خل زواجك للرجاجيل وأنا بكون

ببيت أبوي وحفلة خاصة لأناس معينين أو حتى جناح بفندق ماراح يكلف عليه كثير بكون تنازلت

عن شيء كبير وبيكون المهر شيء تافه عند تكاليف الزواج ..

بكذا بكون ساعدته بدون ماأقلل قيمتي وهالشي بيكون من صالحها وصالحه هو فكته من مصاريف

زواج الحريم أما سالفة المهر مستحيل تفاصل فيها وهي مفروغ منها ومتعودين عليه لأن المجتمع

حواليها بيستنقصون زوجها وبيتكلمون وحكي الناس لايطاق ويأثر على الطرفين "

شكراً لك ياعادل

		المشاركة الأصلية بواسطة : عادل الحارثي اقتباس
	أبيكم تعطوني أيسر الطرق اللي بإمكان هذا الشخص عملها من أجل توفير مية ألف اللي طلبها عمه من أجل تزوجيه بنته (( أو خلونا نقول أن عمه ما طلبها بس المتعارف فيه أنك تدفع هالمية ألف و انت ما تشوف الدرب حتى لو ما قالك شي أو لو قالك ريال وشيمة رجال لأنهم ممكن ينقدون عليك وتصير هرجة بين الناس !!!! )) و كذلك عطوني سيناريو بسيط للتكاليف اللي راح يتحملها و الوسائل اللي راح يتبعها هذا الشخص البسيط من أجل توفير المهر وبعد ذلك التفكير في تكملة بعض أمور الزواج من إعداد حفلة زواج و تأثيث شقة ولا يهون شهر العسل !!!! كذلك عطوني سيناريو بسيط لحالة هذا الشخص بعد زواجه و إلى متى راح يسدد في الديون وهل حياته راح تتأثر بذلك ..؟؟ عدة أسئلة ياليت ألقى لها اجوبة من الأعضاء سواء شباب او فتيات ,,,

اول شي
هلا والله باخوي عادل والحمد الله ع السلامه (مابغيت تجي ^_^)

وثاني شي
اذا والله الرجال طلب مهر اكبر من دخلك تقدر تقوله الزواج قسمه ونصيب وشكلها مو من نصيبي
ورح دور لك غيرها ووحده من بنات الجماعه مو تروح تدور لك وحده من برى

اما انك تقول الحل انك تتزوج وحده من برى

انت كذا ماحليت المشكله
انت كبرتها وكبرتها زياده بعد ...
بتكون افكاركم مختلفه
وعاداتكم وتقاليدكم مختلفه
وكل شي مختلف
حتى التربيه ماراح تكون صح ...
واذا جبتوا اطفال بعدين اي عادات وتقاليد راح ياخذون ؟؟؟؟!!!!
عاداتك وتقاليدك والاصول السنعه
ولا عادات وتقاليد المدام ؟؟؟

وانا ضد ضد ضد وبقووووووه ضد ان السعودي ياخذ من برى
احس اكثر اللي ياخذون من برى يا شياب او سكارى او اغنياء رخوم ولحست مخهم هالمصريه
مدري السوريه الين تزوجها (واسمحولي ياللي ماخذين من برى بس هذا اكثر اللي انا اشوفه)

		المشاركة الأصلية بواسطة : عادل الحارثي اقتباس
	بالنسبة لأختي ام الفزعات ,, فأنا أوافقها بأن المهر قد يرتفع في سبيل بعض الترقيعات و التحسينات ( ساونا ,, مكياج ) والتعديلات في الفتاة التي قد تصل إلى عشرين ألف >> ( مية - عشرين = ثمانين ) وهذا ما تفتقده البنات الشاميات << أنا ما قلت شي هي اللي قالت بعظمة لسانها لذلك مالي شغل بهالنقطة و اعارضها في نقطة انها انكرت على اخوي أبيض و اسود في كلمة ( سعر ) والله يهديها رجعت تناقض نفسها و تشبه مهر الفتاة بالسلعة اللي ترتفع مع ارتفاع العقار و الحديد والرز !!!!

والله يا اخوي التعديلات كل وحده لازم تسويها
سواء كانت سعوديه
مصريه
شاميه
سودانيه
من اي جنس كانت لابد من هذي التعديلات

والشاميات ياطويل العمر عندهم حمام سونا جاهز وطبيعي ^_^
اللي يسمونها عندهم الحمام (الله يكرمكم)
اللي في باب الحاره عرفته ؟؟؟؟
وقبل يتزوجون تلقاهم مسنترين عنده
الزوجه وجماعتها كلهم مو بس هي لحالها بعد


وعلى معارضتك


<<< تحك راسها وماتدري وش تقول


وشسمه


يلعن اووم الفزعه



ياربيه



وش اقول

عادل تبي نكته ؟؟



<<< تحاول تضيع السالفه


وش اقول




ايه



تعال


طوط طوط طوط طوط طوط طوط

انقطع الخط

<<< كانت بتقول السبب بس انقطع الخط

		المشاركة الأصلية بواسطة : تــــرف اقتباس
	الله يصلح قلبك الحين بغيتك من أنصارنا تخربينها <ميته ضحك على أم الفزعات حشا 20 ألف تعدل نفسها بهذي ماألوم عادل يوم يقول السعوديات والسعوديات أتوقع إنهن يتبعن حركة برنامج تأهيل للزواج وينخدعن بالإعلانات والدعايات فيروحن مو قصدهن تعديل بقدر ماهو تزيين لأنه مستحيل هالمبلغ ينصرف على تعديل فقط فالكل يستغلهن لاقالوا عرايس وبدي سوي لك هيك وبدي سوي لك هيك لحد مايخفون بعقلها ولو شافت نفسها بالمرايه بتتأكد إن مايحتاج لها إلا كرستالة بأسنانها وتطلع توب هههههههه ..

ههههههههههااااااااااااااااااااااااااااااي

الله يرجك
ابلعيها طيب

وبعدين تعالي
هذيك الليله اقل شي كم راح تدفع
اقل شي 5 الاف
تصوير
و
مكياج
وما ادري ايش
والتعديلات اللي قبل
مثل ماقلت
سونا
مساج

بدي كير ومناكير
وتصبغ شعرها وتقصه
... الخ
وسواليف وما ادري شنو


بس انتي مافكرتي زين قبل تجاوبين ^_^


وارجع واقول من جديد مهب رجال اللي يرد رجال عشان فلوس

		المشاركة الأصلية بواسطة : اقتباس
	وبعدين تعالي هذيك الليله اقل شي كم راح تدفع اقل شي 5 الاف تصوير و مكياج

ههههههههههههههههه راحت علي صحيح يوم الزواج الحرمة تدفع أكثر من كذا

نسيتي الكوشة وماحسبتي فستانها يعني بتدفع عشرين ألف وهي مغمضة

مثل ماحسب قرقوش مصاريفهم مصاريف يوم الزواج للبنت :

3000 مكياج مع تسريحة

فستانها على أقل تقدير 8000

كوشتها من مجاميعها 5000

مسكة وردها توصل 1000 لاصارت كيوت وكرستالات

التصوير الفوتغرافي مع الفيديو بعد التخفيض 3000

هذا غير لو بغت تسوي حمام عطري قبل زواجها بيكون 2000

والحين بعد صار ضروري هالحمام العطري للجسم والشعر لأنه يبقى نص شهر

ماتروح الريحة يعني مصاريف مايعرفها الرجال وكل شيء غالي بهالوقت والحرمه

تسوي كل هالشغلات هذي لمين يعني أكيد لعيون زوجها "

		المشاركة الأصلية بواسطة : اقتباس
	وارجع واقول من جديد مهب رجال اللي يرد رجال عشان فلوس

ويخسي يكون رجال وماظنتي فيه نوعيات كذا والله لايكثرهم إذا كانوا موجودين

,’

نقآش قميل ورآئع ..,

و بصرآحه لا توجد لدينا مثل هذه القوآنين

عشآن كدآ مآ حتفلسف كتير ..,

و كلام إحساس و عادل دخل مزآجي<<معروف عني إني مناصرة للرجل دائماً

كلامك ترووفه قوود ماشاء الله عليكي بس في شي مادخل مزآجي

حكاية لو إنو وآحد عآرف إنو البنت اللي حيخطبهآ من اللي مهورهم عآآليه

يبطل يتقدم لهآ يعني ..!!

طب فرضاً يحبهآ و مايبغى غيرهآ

يسيبهآ أو يجلس يجمع ف المهر حتى ما يشيب شعر راسو

..

إيوآ و خلوني اقولكم حكآية خآلو

هوه كآن يحب بنت الجيرآن و كآن صغير شويه ويتيم ولسآ يدوبك يشتغل

و اللي يحبهآ مهورهم عآليه

بس ابوهآ اتفهم وضعو وزوجهآ بـ 15 ألف بس

وحبه حبه سآرت احوآلهم كويسه

ودحين عآيشين مبسووطين الحمد لله

و جآتهم بنوته زي القمر

,,

وعلى فكره يآ عادل

ترى حركآت السونا و المونا و الجلسآت

الشآميآت وغيرو بيعملوهآ بطريقتهم

هيه شي لكل القيرلز والحريم

و مهمآ زآدت أو قلت زي ما قآلت ترووفه مآ حتغير في البنت شي

مجرد إهتمام وعناية

و القيرلز بيهتمو سواء عرآيس او غيرو بس لما تكون عروسه بتهتم زيآدة

وكل بلد ترى لهم ثقافتهم الخاصة و طقوس عناية وتزيين للعروسه قبل الزوآج ,


,’

معليش سؤال اخير



اذا ربي عطاك عمر وجاتك بنت وصار عمرها عشرين
وجاك واحد بيخطب بنتك
وقالت لك بنتك واصرت ان يكون مهرها 200 الف ولا ماراح تتزوج ابد

وش راح تسوي في ذيك الساعه ؟؟
تغصبها ع الزواج
ولا تخليها تعنس

1/ بعضهم ماراح يسمح يزوج بنته بالغصب خلاص مهرها 200 يعني 200
2/وبعضهم راح يزوجون بناتهم بمهر معقول وحتى لو بالغصب (لانه بخاف ع بنته)

في الحاله الاولى اقدر اقول ان الاباء هم السبب اللي خلى المهور ترتفع ^_^
في الحاله الثانيه اقدر اقول ان الاباء هم اللي ساعدوا الشباب في الزواج

يعني


ليش الاباء مايصيرون كلهم مثل الحاله الثانيه عشان تكون المهور معقوله


يعني


انتم السبب

اتمني اني صاحب بنك استثماري عشان اعطي كل شخص يريد الزواج قروض ميسره


لمده 60 سنه وتسقط مع الوفاه عن الورثه




فرصه للامنيات تمنوا




انا مؤيد للجميع بدون استثناء والله يوفق الجميع ,, حسبتكم مرعبه ترف




فاصله بيضاء ,,, اسمر عبر

^

^


و أنا أتمنى إني عميل عندك على الأقل 60 سنه تكفي لـ السداد


بس سؤال يمديني أتمنى مره ثانيه و آخذ قرض ثاني









فاصله بيضاء ,,, أبيض ربش >> ما يقلد أحد >>

جزاك الله خير ، موضوع مثير للإهتمام

ترى شفت الصفحة الأولى وحبيت أرد بقصة
حصلت في عصر عمر بن الخطاب رضي الله عنه ، وقد خطب عمر وتكلم في زيادة المهور وأن فيها مبالغه فقامت إحدى زوجات الصحابة وذكرته بقوله تعالى (( وءاتيتم إحداهن قنطارا )) النساء 20

فسكت عمر بن الخطاب رضي الله عنه ولم يقل شيئا وكان وقافاً عند كتاب الله
ولعل في هذه القصة منفعة للجميع