كحل وناظرين

اخواني واخواتي الكرام في منتديات الشدادين
تحيه طيبه
اطرح امامكم هذه القصيده المتواضعه راجي
ان تحوز على رضاكم

قم ياخليفه جهز الشنطه ورتبها تمام=وخذ ثوبك القلاب والغتره وخذ طاقيتين
خذ بدلت الكوره وخذ كوره ولا تنسى الحزام=واستودع الحاره وملعبها وخذلك لفتين
وسلم على الوالد وبلغ ست الاحباب السلام=ووقف على الاطلال واندبها وهل الدمعتين
سافر من الطايف وشب النور في جنح الظلام=وعود الى الطائف وفي جعبتك كحل وناظرين
وارسم على اطراف السما سجه تلوح ابها الغمام=وامحي على ها الارض عجه دام كل الارض طين
ولع من جروحك فتيله ياخليفه للامام=واحطب من انفاسك شعور يوصلك للا خرين
ياذيب خل النور يفهم وش معاناة الظلام=لاشققت جيبه مساحة ضو وتعتم مبين
ودثر معاناتك وثقفها الحلال من الحرام=والغي مواساتك لنفسك مثل كل الكادحين
الدرب تتعرج ممراته ولن معك استقام=الوقت موحش ياخليفه وانت سيد العارفين
كل الظروف الي تحوطنا يحوطها العتام=وان جيت تنشدها منين ترد لاتنشد منين
وان كان تبغى الشور عدل كل فقره في النظام=واترك زمان الضحك مع غالي ومع عبدالمعين
وارحل بعقالك مادام الدرب بارح للامام=وسط مجانينك ليا ثارت على الجنب المتين
ماكل من شافك قوي يفرح ليا شافك مظام=الناس لاحست بضعفك ياخليفه تستهين
ياطول قامات الصديق وقربها وقت السلام=وياقصرها لاصار في صدرك وصدري انين
كم ناس تذكرهم بقلبك اصبحو ناس لئام=وكم ناس تنساهم وهم لك ياخليفه ذاكرين
وان ضاق صدرك ياخليفه ياخليفه قوم نام=وكبر لك مخده يسار وكبر مخده يمين

ايييييه ياحطاب الليل

انا اشهد انك كفيت وفييت في المعنى والقصيدة

مبدع ولا غير مبدع تكفيك كلمة الااذا فيه اكبر من الابداع حاجه

فا انت من اصحابه

صح لسانك

ياذيب خل النور يفهم وش معاناة الظلام
وانا اقول وجمهورك يقول
ياحطاب اصدح بالشعر الجزل يالجزل في كل الأنحاء الاقطار
لاهنت يابن رزيق
وشهادتي فيك مهدور دمها
بيض الله وجهك
تقبل فائق احترامي وتقديري

رعد الجبوب
صضح بدنك
شكرا على مرورك الراقي والجميل
تفضل بقبول فائق الاحترام

اخوي بدر المشيطي
لك مني جزيل الشكر
على مرورك الراقي
وطرائك العذب
تفضل بقبول فائق الاحترام

ليست والله متواضعة
فأنت شاعر متمكن وجزل أخي
حطاب ليل

افتقدناكم كثيراً أنت وشاعرنا جزل البيان
ما هي عادتكم تطولون علينا
وصح لسان ملايين

صح لسان وبيض الله وجهك
جزل ولا يجي منك غير الجزل
تحياتي

اخي السلطان
شكرا لك على مروروك الراقي والجميل دائما
مرورك يسعدني ايها القائد القدير
غيابنا لم يكن طويلا لاننا لانستطيع ان نذهب بعيدا عن هذا البيت الكبير
المتسع للكل ومن جا ماابطى وارجو ان تعذرني اذا تاخرت
شاكر سؤاالك واهتمامك وحرصك على الجميع
تفضل بقبول فائق الاحترام

المجادل
اشكر مرورك الراقي
واطرائك الجميل
تفضل بقبول فائق الاحترام

صح لسانك ياحطاب ليل
وسلم بنانك وانتضر خليفه لعل وعسى
تقبل تحياتي