رائعة للشاعر مصلح بن عياد

بسم الله الرحمن الرحيم


كتــــب الشـــــــاعر الكبير : مصلـــــــــح بن عياد المــــعتبي الشــــــــــلوي الحـــــارثي
فريده من فرائد الشعر ورائعه من روائعه قل ان ينسج على مثلها الا ان يشاء الله وهذه القصيده التي سوف نوردها ليست مجرد قصيده بل وثيقه تاريخيه اطال الله بعمره هو ابرز شعراء قبيلة الشلاوى خاصة ومن بنى الحارث او بلحارث عامة في الماضي والحاضر.



الا يــاالله يــارب العـبـاد
تنجيني من الظلـم وظلامـه

سقاك السيـل يـادار الشـلاوى
يادار اهل المـروه والشهامـه

اهل قـب المهـار المسرجاتـي
منزحة الجموع عن الجهامـه

تنومس ركضـة الخيـال منهـم
ليا طار العقال عـن العمامـه

ليـا ردوا لمنقـوش الهـنـادي
صليب الراي يرجع عن كلامه

واهل صبح الـدلال المكرماتـي
ونجرٍ يحـرم النايـم منامـه

ليا قاموا صـلاة الفجـر الاول
سنا ضيانهم يجلـى عسامـه

ليا حلـوا علـى مقطـان عـدٍ
تقول معسكـرٍ بنـوا خيامـه

مجاندهـم عباريـد الثمـيـدي
حرام الرجل فيهم من حزامـه

ليا واقـوا بهجفـات الكراسـي
تعشى الذيب في جال العدامـه

ليا جا دون مقرعـت التـوادي
نهاراً فيه نومـاس ورخامـه

تنـادوا بالاسامـي واستعـزوا
مثل مايستعـز السيـل قامـه

من ابن الحارث الجمع الرزيني
من الخمره جنوب اليا تهامـه

بن الحـارث مقابيـس المنايـا
مخيلاً فيـه ربـان وعسامـه

عوراف عند حزات العـوارف
خصومٍ عند حزات الخصامـه

لـيـا جانامداعيـنـا بحـجـه
نقضنا حجته واخطـا سهامـه

الاياقشر من صـادف غضبنـا
اليا طاح الصويب من المسامه

ثلاث بدان في سبعـة بـوارق
على سبعة شيوخ اهل الزعامه

ابـن هريـس قيـدوم السرايـا
عسى في داخل الجنه عظامه

اخـو حمـده كعـام العايليـنـا
عدوه يغتشي جيشـه ملامـه

وابن عايش ودوخي بـن مهلـج
وابن حريش خيـال الجهامـه

وابن رماح فـي مقـدام سربـه
اهل بندق واهل عز وكرامـه

وابن مهرس على القطر الشمالي
وريع النجد شرقيـه وشامـه

ليا صدر مـن الباضـه مسنـد
يضد الخصم في ريع الندامـه

يفزع له عند الضـده مريسـي
عقيد القوم في غزوة سلامـه

ليـا بيشـن مـع الآد القرينـي
دول بنيوس قاموا من مقامـه

اهل عربٍ تحيل القـوم عنهـا
ليا من الفرنج ارهوا طعامـه

واهل ميسان وانصح والفراعـي
واهل بيضان والصخره ودامه

قرايـا ناصـره قـومٍ رويــه
من المقرح اليا حدباء تهامـه

رجال وبندقٍ صافـي خشايـب
من البلجيك منقوش العلامـه

بريمان الحنيـش اللـي نجبهـم
كلامٍ صدق ماهـو بالتهامـه

وابـو علّيـه المشهـور منهـم
وابن ختـام حـرٍ باهتمامـه

واهالي تـرج بتـران المحـازم
هل البندق اليا زاد انحطامـه

ولا ياكـم عميـلٍ شمتـوا بـه
بنوا فوقه من الطيـه ردامـه

تراهـم بالنسـب منـا وفيـنـا
مثل سيفٍ نصابه من لحامـه

انا مالي شكر في مـدح ربعـي
مع الشعار لي هيبـه وهامـه

بدون قصور في جمـع القبايـل
وكلٍ لـه مقامـه واحترامـه

وانا من جملة الشعـار الاوسـط
من الشعار الاوسط في كلامه

احوف القاف واحكّـم ضميـري
وانظّـم كـل شـئٍ انتظامـه

واسوق القاف سوق اهل الركايب
واقوده قود سمحان بخطامـه

واشوم عن الرزيلـه والهزيلـه
ما احب من الكلام الا سنامـه

ليا قالوا هـل المجلـس وقلنـا
وجا لرجل هيبـه واستقامـه

ليا وجـه سـوال النـا هرجنـا
ولما سال مـا قلنـا علامـه

ونجلس مع رفيعيـن المجالـس
ونكسب من مجالسهم غرامـه

غرامة فايـده ماهـي خسـاره
سعة خاطر وضحكه وابتسامه

ولن جانا كبيـر النفـس قمنـا
وخلينا لـه المجلـس يلامـه

كبير النفس مالـي فيـه رفقـه
لو انه يدفع الضلعـان امامـه

سقى الله دار سمحين الضمايـر
بعيدين السدود اهل الشهامـه

مدلهـة الرفيـق اليـا تـأثـر
منجية الدخيل مـن الرغامـه

ليا جاهـم مسيـر رحبـوا بـه
تراحيبٍ تجزّي عـن طعامـه

ليا من البخيـل ارخـى دناقـه
تحت عشٍ مثل عش الحمامه

ورضي الله عـن امـة محمـد
شفيع الخلق في يـوم القيامـه

علـى الله اتكلنـا واعتمـدنـا
في مبدء الكلام وفـي ختامـه

[/CENTER]

من ابن الحارث الجمع الرزيني
من الخمره جنوب اليا تهامـه

بن الحـارث مقابيـس المنايـا
مخيلاً فيـه ربـان وعسامـه

عوراف عند حزات العـوارف
خصومٍ عند حزات الخصامـه

لـيـا جانامداعيـنـا بحـجـه
نقضنا حجته واخطـا سهامـه

بيض الله وجهك يا سهم القصيد وصح لسان ابو فهد وطول الله في عمره. حقيقة اختيار موفق تشكر عليه.

تقبل خالص تحياتي
ابن سلمان

الله يعيطك العافية يالبلاهدي

قلبت القسم الشعبي فوق تحت

هههههههه

صح لسان أبو فهد وبيض الله وجهه

بيض الله وجهك







وصح ألسان بن عياد







وهو شاعر غني عن التعريف






ولاهنت اخوي سهم القصيد ولك تحياتي

يستاهل أبو فهد كل خير

ومشكور يا ابو عمران على

تفضلك وثنائك وتواجدك المستمر

صح لسان الشاعر ... ولا هنتوا جميعا

صح لسان مصلح شاعر كبير

مشكور اخوي على حسن

الاختيار تحيتي لك

الأخ العزيز ( البرنس ) مشرف المنتديات العامة

حقيقة ماني فاهم معنى ردك ( قلبت القسم الشعبي فوق تحت )

كلما اتمناه ان اكون قد قلبته للأحسن , وإن كان عكس ذلك فلا املك إلا أن التمس العذر منك ومن جميع الأعضاء والزائرين ,
واسلم عليكم ,,,,

تحياتي للجميع
ابن سلمان

صح لسان مصلح شاعر كبير

مشكور اخوي على حسن

الاختيار تحيتي لك

بيض الله وجهك

وصح ألسان بن عياد

ولاهنت اخوي سهم

بارك الله فيك