البارحة ليتني قفيت

البارحة ربي كتب لي ومريت=دربٍ عليه بروق الأحباب لاحت


جيت المكان اللي جمعنا وخفيت=وقامت جروحي للجوارح وصاحت


ياليتني في لفة الدرب زليت=كان العيون من الدموع استباحت


التم غيم الدمع من يوم لفيت=وورقا القصيد لشوفة الغيم ناحت


وضحكت ما أبغي الناس تدري يبالفيت=لكنها غصبٍ على العين ساحت


حارت دموعي في عيوني وصديت=وأرمشت مابيها تبين وطاحت


وعقبه برق في العين براق .. واسقيت=خدي ووناتي بصدري تلاحت


وأنا أحسب إني في فراقه تشافيت=وان عبرتي من مدخل الزاد زاحت


اللي يحسب إني على البعد سجيت=والا ان عيوني للرقاد استباحت


ياليتني من قبل لا أحبه اقفيت=والا ان دروبي عن دروبه تناحت


أهون علي من البكا والتناهيت=وأشلا من سدودٍ على الناس باحت


عرفت كيف الحي يفرق عن الميت=وعرفت قيمة نعمتي يوم راحت


قولوله اني عقب بعده تدانيت=ورجلي عن دروب المعافين شاحت


البعد نار وطاعة العذل كبريت=يقصر على بعده .. ترى الكبد فاحت

قصيدة رائعة صح لسان الشاعر
الله يعطيك العافية

هـــــــلا رعد وشكراً لك على المرور والتنسيق

قصيدة رائعه صــح لسان من قالها

وكتبها وتسلم يد من نقلها

عســـــولة من أجمل الاقلام كتابة

مشاء الله تبارك الله يعطيك العافية أختي

أخوي فيصل شكــــــــــــراً لمرورك الطيب

اختي عســــولة.,,
قصيــــدهـ رااائعه.,,
صح لسان شاعرها وتسلم يمين ناقلهااا.,,
ويعطيكـ الف عافيه ع القصيدهـالرائعه.,,
لاخلا ولاعدم.,,

أحترامي..

مجدي الشدادي

هــــــــــــلا أخوي مجدي شكراً لتواصلك الطيب

الله يحييك يا عسولة من جديد
بهذه القصيدة المختارة الرائعة
ولا هو غريب عليك التميز
وتسلم يديك والله يعافيك

هـــــــلا والله بأبو عبدالله.......أشكرك على مرورك العذب

صح السان الشاعر المبدع ابن فطيس وسلمت يمين المبدعه عسوله