احدٍ منامه سرير وخد مزيونه

السلام عليكم ورحمة الله وبركاته

باقة ورد لكم جميعاً في هذا الصباح الجميل

مدخل

في صمتي (حكي وعلوم)

(هدف مفهوم)

يعز اللي فهم صمتي

وفي هرجي ( رمز ملغوم)
( ألم مرسوم) ندر اللي سمع هرجي

أنا إنسآن بالفطره
:

أعيش واكسب الخبره
:

وأنشّف من القلم حبره

:
وأداري دمعتي بستره
:

ولا مليت من صبره

:

ولا عآنيت من قهره

:

وظلآمي يدحره فجره

:

وزلآتي تزيد طُهره

:

يقول إن الشقاء مشؤوم

قدر محتوم ،، يسلم رأسي بأمره

وجبينك يآفتى مختوم،، درب مشؤوم،، يداري بالسكر خمره
:
ولا بآقي مغز إبره
:
كأنك يآلفرح قطره

:
تلوث بالبكآء عطره

:
شخط سطري وكتب سطره

::

وضآق من الحزن صدره

:

وكسري ضآق به جبره

:
وكلامي أنقلب عبره

افكار راسي مع الايام مجنونه=والصوت يالابتي واضح ومسموعي
لكن علمي بداء ينحال من دونه=يقلون طعنا وانا ماينعلن طوعي
هذا قرارٍٍ خذيته لاتردونه=دام ان قلب المعنى صار مفجوعي
اسراري امست عن العربان مدفونه=من دونها درب فيه السير ممنوعي
احاتي القلب والخاطر ومكنونه=من عقب علمٍ وصلني صرت مجزوعي
يقلون قسمتك لك ماهيب مضمونه=روح نصيبك وحظك صار موجوعي
بعد الصبر ماوقع فالراس حجونه=تحمل اللي حصل في طول الاسبوعي
ياناس قلب المعنى لاتلومونه=دام الحزن بعد فرقا الخل مشروعي
من بعد ضاع النصيب وخابت ظنونه=الله يسامح عشيقه نزل دموعي
وقع على العقد واقرابه يهنونه=وان همومي تشكلي مية نوعي
اضحك وابارك ونفسي منه مغبونه=واقول ياعيد صرت اليوم مخدوعي
(احدٍ منامه سرير وخد مزيونه=وانا منامي على كف وعلى كوعي)

مخرج

كانك تصدق مايقولونه الناس

الناس حتى اللي بقبره حكوا به

تحياتي لكم جميعاً

الغربي

الغربي

صح لسانك وبيض الله وجه على مدخل القصيده وعلى المخراج كلها
تعلو علو نجهم سهيل في السماء وفقك الله

صح الله السانك وبيض الله وجهك ع القصيده الذي تعبرعن ما بنفسك



هونها يابوعبيد الله يرزق بأطيب منها ان شاالله

وأقولك الأمور طيبه بس تخرج ويسرها الله

		المشاركة الأصلية بواسطة : خيال الشدادين اقتباس
	الغربي صح لسانك وبيض الله وجه على مدخل القصيده وعلى المخراج كلها تعلو علو نجهم سهيل في السماء وفقك الله

صح بدنك يابو مشعل

ولاهنت على حضورك المميز

تحياتي الغربي

وهل لغير فيض المشاعر الا هذا الابداع
او هل لصدق الاحاسيس الا هذه الونات
صح لسانك ودمت مبدع

ياناس قلب المعنى لاتلومونه
دام الحزن بعد فرقا الخل مشروعي
من بعد ضاع النصيب وخابت ظنونه
الله يسامح عشيقه نزل دموعي
وقع على العقد واقرابه يهنونه
وان همومي تشكلي مية نوعي
اضحك وابارك ونفسي منه مغبونه
واقول ياعيد صرت اليوم مخدوعي
(احدٍ منامه سرير وخد مزيونه
وانا منامي على كف وعلى كوعي)

صح لسانك يابو عبيد



وهونها ياعزيزي وماكثر الله الا البنات

اللي خلقها خلق غيرها وبيعوضك الله


ويمكنها خيره يالذيب

يا هلا والله بشاعرنا العذب الجميل الغربي
والله يحييك يا ولد عمي بهذه القصيدة
التي هي كالسيل في قوتها وكالمطر في جزالتها
صح لسانك ولا هنت يا الذيب

وقع علـى العقـد واقرابـه يهنونـه=وان همومـي تشكلـي ميـة نوعـي

اضحك وابارك ونفسي منـه مغبونـه=واقول ياعيد صرت اليـوم مخدوعـي

(احدٍ منامـه سريـر وخـد مزيونـه=وانا منامي على كف وعلى كوعـي)

الغربي
قلم جميل وفكر رآآآقي
وشاعر عبقري ومبدع وظروف قاسية
وجدتها هنا وصورها لنا هذا العبقري والمميّز دائماً
سلم راسك يابو عبيد وعساهم لك فدا ,تقبل مروري
دمت بخير ,,,

صح لسانك يابوعبيد

اعجبني هذا البيت

يانـاس قلـب المعنـى لاتلومـونـه
دام الحزن بعد فرقا الخـل مشروعـي

ولم

افهم هذا البيت
بعد ضاع النصيب وخابت ظنونه
الله يسامح عشيقه نزل دموعي

شلون عشيقة نزل ليش ماقلت نزلة

عمومآ صح لسانك واعتذر عن الفضول

^
^

تدري وش فهمتها يارعد <<ساعة تقراها وتحاول تستشف الحكاية

أمممم توقعت والمعنى في بطن الشاعر لكن ظنتي يوم قال عشيقه مايقصد

نفسه لأن الغربي شاعر كبير وماتعيقه القوافي أو تخفاه ياإنه بيلف ويدور بالمعنى

ويبعد الشبهه عن نفسه وإن الموضوع يخصه أو الأقرب لفهمي إن السالفه واحد عاشق

وحده وماصارت من نصيبه وشكى لعيد أحزانه وتفتقت جروح الغربي وتذكر له موقف كان خامد

وتفجّر لحظة ماشكاله الشخص وقال الله يسامح عشيقه نزل دموعي <<متعوب ع التحليل هذا وخلك

تقول غلط <<تمزح ترى

وبعدها تتابعت الأبيات وإن الحزن مشروع على فرقى الخلان وضيّعتنا ياعيد حتى أنا أشكلت عندي

بعض الرموز وفلت من مصيده ذكائي الشعري هالمره

صح لسانك مليار وسلم قلبك وعلا شانك "