آخر 10 مشاركات |
مختارات | عن أبي هُرَيْرَةَ رضي الله عنه قال: قال رَسُولُ اللهِ صلى الله عليه وسلم : "إنَّ الله تَعالَى قَال : مَنْ عَادَى لي وَلِيّاً فَقَدْ آذَنْتُهُ بِالْحَرْبِ، وَمَا تَقَرَّبَ إلَيَّ عَبْدِي بِشَيْءٍ أَحَبَّ إلَيَّ مِمَّا افْتَرَضْتُ عَلَيْهِ، وَمَا يَزَالُ عَبْدِي يَتَقَرَّبُ إلَيَّ بِالنَّوَافِل حَتَّى أُحِبَّهُ، فإذَا أَحْبَبْتُهُ كُنْتُ سَمْعَهُ الَّذِي يَسْمَعُ بهِ، وَبَصَرَهُ الَّذِي يُبْصِرُ بهِ، وَيَدَهُ الّتي يَبْطِشُ بهَا، وَرِجْلَهُ الّتي يَمْشي بِهُا، وَإنْ سَأَلِني لأعْطِيَنَّهُ، ولَئِنِ اسْتَعَاذَنِي لأُعِيذَنَّهُ" رَوَاهُ الْبُخَارِيُّ |
مواضيع ننصح بقراءتها |
|
||||||||||||||||||
تماديت بحضوري لين ضاقت مني الأنفاس
بعد التحيه والسلام .. ما أملك من القول : (أرجوا أن تلتمسوا لي العذر على هذا الغياب)
سلام الله عليكم يا بني عمي وتاج الراس=سلام يعمّكم ما أخصّ به شخص عن الثاني سلام من غلا صادق ومن خاطر كريم إحساس=عقب ماحوّل بقاع الهجوس وتلّ الألحاني أشوف الناس يرمون الملامه في ظهر (جسّاس)=وأنا أشوف إن ظلم (كليب) وإستعباده الجاني يشوف الناس في عينه وقدره في عيون الناس=مثل ما شافهم شافوه ، من زودٍ ونقصاني بعد طال الكلام وضاعت الوجهه على العسّاس=يجي للعقل وقفه تفرق الهادم عن الباني تهرّج يا ولد زايد تهرّج يا عريب الساس=وأنا خابرك مقطّع حق لا من خصّك العاني تجي مثل الأمل لاعانق إحساسٍ طواه الياس=يفزّ إلك الحيا مستبّشر وتخضّر الأغصاني ابن عم وحويت المعرفه والعقل والنوماس=ابن عمٍ عزيز وعزّك الله عالي الشاني ومن نسل الشيوخ اللي تروس الروس ما تنراس=زمان فات .. يوم إن المواقف حد شاماني أنا يامسندي ماقمت لك وأنا أبغي المجلاس=بدى !! واللي ركز راس البنادم فوق الأمتاني عليّه تحرم الراحه ولا يهنا الجفون نعاس=وأنا باقي بصدري هرج ما سمِعَته الآذاني يثور الهم ويضيق النسمٌ لا ذعذع النسناس=تسامرني جروحي والسهر يستوطن أجفاني خطاي إني بمكيالي وفيت وزدت بالمقياس=عطيت الناس وأسرفت بعطاي ولا أحدٍ أعطاني خذيت من البياض لنيّتي ، ولوجهتي نبراس=ولكن خاب ظني .. والعمر راح وتعدّاني تماديت بحضوري لين ضاقت مني الأنفاس=وضاق الشعر من شعري ، من حروفي وقيفاني بلشت بعالمٍ طول ألسنتهم فلّسفه وإفلاس=تعصّاهم مطاياهم ولو حطوا لها أرساني عقولٍ فارغه وحدودها فالحبر والقرطاس=تهيم ولا لها غايه سوى : (صح الله لساني) جلدت الذات لين إني تمكّن مني الوسواس=وقف بين الرجا والياس يكتبني ويمحاني صواديف الليالي والغثا والمرّ والأتعاس=مع اللي فات من عمري - من أحلامي لحرماني عساها لي زكاةٍ عن خطاياي وكفاية باس=وتكفيرٍ عن ذنوبي ، وتخفيف ، وغفراني قصرت رشاي عن عدّ الكلافه وإعتزلت الناس=وعلقت الرجاء باللي خلقني والعمر فاني فهد سفر
التعديل الأخير تم بواسطة ! سارة الغيد ! ; 27 May 2015 الساعة 02:48 PM
سبب آخر: تنسيق
|
26 May 2015, 06:00 AM | [ 2 ] | |||||||
عضو نشيط
|
رد: تماديت بحضوري لين ضاقت مني الأنفاس
صح السانك وبارك الله فيك لك تقديري وحترامي |
|||||||
|
||||||||
26 May 2015, 07:31 AM | [ 3 ] | |||||||
<img border=
|
رد: تماديت بحضوري لين ضاقت مني الأنفاس
الشاعرالمخضرم فهد سفر هلابك وهلابجديدك صح لسانك ملالايين ماشاء الله تبارك الرحمن حضور مميز وهلابك وهلا بعودتك لله درك تقييمي |
|||||||
|
||||||||
26 May 2015, 01:30 PM | [ 4 ] | ||||||||
مراقب عام
|
رد: تماديت بحضوري لين ضاقت مني الأنفاس
فهد سفر شاعر اﻹبداع الجزل ﻻهنت على هالقصيدة |
||||||||
|
|||||||||
26 May 2015, 06:40 PM | [ 5 ] | ||||||||
|
رد: تماديت بحضوري لين ضاقت مني الأنفاس
حيّاك أخوي
صح لسانك ملايين ولاهنت كل الشكر والتقدير |
||||||||
|
|||||||||
26 May 2015, 06:42 PM | [ 6 ] | ||||||||
مؤسس شبكة الشدادين
|
رد: تماديت بحضوري لين ضاقت مني الأنفاس
الله الله شاعر مبدع ومتميز وكبير يا أبو سفر والله يعطيك ألف عافية على هذا الحضور المميز والتواجد المشرف وصح لسانك ملايين واعتلا شأنك |
||||||||
|
|||||||||
27 May 2015, 07:00 AM | [ 7 ] | ||||||||
|
رد: تماديت بحضوري لين ضاقت مني الأنفاس
صح منطوقك يا شاعرنا لاهنت على القصيدة |
||||||||
|
|||||||||
10 Jun 2015, 08:42 AM | [ 8 ] | |||||||||||||||||||||||||||
شاعر
|
رد: تماديت بحضوري لين ضاقت مني الأنفاس
صح الله بدنك يالامير وعلى راسي لا عدمتك .. |
|||||||||||||||||||||||||||
10 Jun 2015, 08:48 AM | [ 9 ] | |||||||||||||||||||||||||||
شاعر
|
رد: تماديت بحضوري لين ضاقت مني الأنفاس
أختي الكريمه نوره .. صح الله بدنك الله يحفظك شكراً جزيلاً على هذا الثناء والحضور المميز . |
|||||||||||||||||||||||||||
10 Jun 2015, 08:51 AM | [ 10 ] | |||||||||||||||||||||||||||
شاعر
|
رد: تماديت بحضوري لين ضاقت مني الأنفاس
أخوي خيال الشدادين .. ولا أنت يابعد راسي ، وافي وافي |
|||||||||||||||||||||||||||