لماذا هذا التجاهل يا أعضاء منتدانا الأعزاء؟!

السلام عليكم ورحمة الله وبركاته
اظن هذا الموضوع من باب العتب وعدم إصابة المجتهد بالإحباط
بالنسبة لشللية والأحزاب لا أظن لها وجود في منتدانا إن شاء الله
فيه نقطة مهمة من كانت ردوده تنحى منحى أخر عليه أن يتقيد بصلب الموضوع
فالموضوع يتحدث عن إحباط المجتهد وقتل الموضوع في مهده
بالنسبة لي فاليعذرني الجميع على قلة تواجدي ومشاركاتي في أي مواضيع
أو أي فعاليات فما يشغل البال وكثرة التفكير فيه يؤثر على الحالة النفسية
ويقلل من تفاعلي وتواجدي في المنتدى
فلولا معزة بعض الرجال وتقديري لهم ما وجدتموني هنا
وفي الأيام القادمة لا اعلم ماذا سيكون
على العموم أختي معزوفة الرحيل وأختي جواهر
اقدم اعتذاري لكما لعدم مشاركتي في الفعاليات التي أقمتموها
نقطة أخرى لا أعلم لماذا الموضوع هنا

أول شيئ أنا أشارك في كل الفعاليات

والدليل الأوسمه اللي تحت أسمي غطت على أوسمة المنتدى الرسميه


وفيه فعاليات ماأبي أشارك فيها المجامله مي حلوه ماأقول أنا مشغول وإلا نسيت وإلا ماشفت

أنا إنسان حر ولا أحد له علي كلمه ولا أحد يقدر يغصبني

إذا فيه ناس ماأبي أشارك معاهم بكيفي وشيئ راجع لي

كذا من ربي اللي أحس فعاليته طرحت قبل كذا في المنتدى أو نفس السناريو ليش أشارك بتكون ملل وطفش ومعروف رتمها

وإذا فيه فعاليات توها تطرح وفكرتها أول مره تمر علينا أكيد بنشارك إلا إذا صاحب الفعاليه ماينطاق هذا شيئ ثاني







ملاحظه: لا فرق بين أعجمي ولا عربي إلا بالتقوى

ولا عندنا أحزاب أو جماعات للمعلوميه بس

فيه مشرفين ومشرفات ليسو شدادين ولا من بني الحارث كافه وهذا دليل على مساواتنا للجميع ومافي أحد أفضل من أحد

		المشاركة الأصلية بواسطة : معزوفة الرحيل اقتباس
	شوق يكون في معلومك اني شاورت السلطان في موضوعها وكمان في الجوائز واستعد وكان معي الاخ طارق واشكره على التثبيت والتنبيه للحلقات الماضية

عساكِ على القوة .. والله لايهينهم ويعطيهم العافية

دام شاورتي أبو عبدالله ليش تحطّينها على روس المشرفين !!

		المشاركة الأصلية بواسطة : اقتباس
	وانا حطيت الموضوع في قسم النقاشات لكل الاعضاء وليس للمشرفين والادارين لان هناك قسم لهم لوبغيت انا ابي كل الاعضاء يشوفونه واستغربت من نقله الى هذا القسم وانا متاكدة انه راح يروح مثل ماراحت غيره

تواجده بقسم النقاش مامنه فائدة

فقط زيادة كلام وإتهامات دون التوصّل لحلّ

أنا عاملة حساب الزوار اللي يدخلون ويشوفون الموضوع

ماأظن حلوة في حق منتدانا يآخذون عنه فكرة لاتليق به من موضوع واحد

		المشاركة الأصلية بواسطة : اقتباس
	وانت ياشوق ماشوفك الا بالنقل او الحذف او التحرير

الله يعينك ياشوق ماتدرين من وين تلقينها هنا من معزوفة

وألاّ من اللي معك فالخاص

اخذي راحتك على الآخر وش أسوي مادام الله خلقني وسيعة خاطر

وآخذ المواضيع برحابة صدر






..

هدفنا خدمة المنتدى مو ليش ماشاركتوا والا ووينكم وتحطون كل شئ على رؤسنا يالمشرفين !!

وبالنسبه لفعالية صوره ومثل من المفترض تبليغي أنا أو أحد مشرفين القسم من قبل طرح الموضوع وقايله هالكلام بالقوانين عشان ماينظلم العضو هو وموضوعه والا صارت القوانين اللحين مجرد برستيج للقسم وبس !!لو مبلغتني قبل أو أحد المشرفين معي عشان نبلغ السلطان أو أحد المراقبين أما يحطه في التنبيهات أو نحذفه لانه مكرر أكثر من مره !! وأنا أي فعاليه تصير بقسمي أحاول قد ماأقدر أني اشارك فيها واحاول أنها تكون ناجحه بكل المقاييس




للمره الاخيره أي فعاليه تصير بقسمي ولا عندي خبر فيها أو أحد المشرفين بتنحذف على طول !!

عشان ماتجون وتقولون ماحد شارك ووينكم يامشرفين القسم وماأدري ليش !! بلغونا عشان ننسق لكم ونحط الموضوع بنرات على قولتكم واللي بيشارك حياه واللي مو مشارك مو غصب والله ...


عموما جواهر ومعزوفه جهودكم ماأحد ينكرها والله يعطيكم العافيه بس لو فيه فترات أو على الاقل المشرف يكون متواجد

المنتدى في الفترة الأخيرة

يزخر بالعديد من الفعاليات

بدون تنسيق في تتابعها وأغلبها بوقت واحد

فعاليات المنتدى قبل , فعالية كل فترة

وبنر إعلاني تلاقين الكل متواجد ومتفاعل

كانت عندنا فعالية " كُتب بقلمي " كانت من أنجح الفعاليات

لأنها من اعداد قروب من 8 عضوات أو اكثر ما أتذكر زين

وشاملة لجميع أقسام المنتدى

ووقت انطلاقها كان الكل متحمس لها

أنا صارت بقسمي فعاليتين ولا أحد استشارني فيها

رد واحد ما رديته سكتّ ومشيت ما أبي مشاكل !

والله لو أحد استشارني لأكون أوّل المشاركين

وأحاول باللي أقدر عليه في نجاحها

صحيح جهودكم تستحق الشكر ولا أحد ينكرها

بس التشويق للفعالية بشيء يجلب الفضول عند العضو مطلوب .

يعاد الموضوع إلى مكانه في النقاشات بواسطتي
مع تعديل العنوان ليكون أعم وأشمل
وسوف يكون تحت رقابة المشرفة
شوق شداد
من أجل عدم خروجه عن مضمونه وحتى لا يصبح
مجرد تبادل اتهامات من هنا وهناك

أرجو أن يكون الموضوع والنقاش فيه من أجل الفائدة
ومن أجل أخذه كتجربة من أجل إيجاد بعض الحلول لبعض المشاكل

أتمنى من الجميع المشاركة فقط لأجل الفائدة
ولا غير الفائدة

ماأدري وش أقول صراحة > طيري بس


حبيت أمر وأترك ليا أثر ولا أنا تواجدي هنا مو كثير


شكراً لكم جميعاًً ماقصرتوا ..,

لاحظت من تغيير العنوان إنكم ظنيتوا إنا نقصد الشدادين خاصة
لا والله ما كان هذا القصد
كلمة الشدادين كنا نقصد فيها أعضاء منتدى الشدادين عامة
على أساس هذا اسم المنتدى ..

.

.

		المشاركة الأصلية بواسطة : اقتباس
	إذا فيه ناس ماأبي أشارك معاهم بكيفي وشيئ راجع لي كذا من ربي اللي أحس فعاليته طرحت قبل كذا في المنتدى أو نفس السناريو ليش أشارك بتكون ملل وطفش ومعروف رتمها وإذا فيه فعاليات توها تطرح وفكرتها أول مره تمر علينا أكيد بنشارك إلا إذا صاحب الفعاليه ماينطاق هذا شيئ ثاني

الغريق بما إنك تكلمت بصراحة مطلقة .. أنا برضو بتكلم بصراحة مطلقة ..
محد مُجبر يرد على أحد
والعتب على الأحباب فقط .. أما من يعادينا ولا يطيقنا ما فكرنا حتى بعتابه ..
( ما أحد سوى فعالية إلا أنا ومعزوفة مدري أي وحدة فينا ما تطيقها ! )
وللعلم .. أنا طرحت فعالية جديدة على المنتدى .. وقبل طرحها استأذنت السلطان
وكان فيه تنبيه عليها من قبل بالاعترافات
وسويت موضوع كـ طلب من الأعضاء يشاركون فيها
يعني ما فيها أي خلل عشان يجي أحد ويقول قديمة ومملة
أو أحد يقول كان لازم ترتيب .. لأني نسقتها مع مؤسس المنتدى
وهي فعالية ( من صاحب هذا الخط ) .. لكن لا تفاعل + تجاهل !

لكن من ردك هذا أقول .. إن بعد مشاكلي اللي صارت مع بعض الأعضاء هنا
لاحظت الجفاء من أعضاء ثانين كدفاع عن أعضاء تمشكلت معاهم !!
وهذا قمة الظلم للمعلومية ..
وهذا يسمى ( هجر الريبة ) وهو أشد أنواع الهجر ..
إنك تهجر أخوك وتجافيه بدون ما يدري وش الأسباب ..

وإنت أحد هالأعضاء .. وأولهم ..

أنا ما جيت لمنتديات الشدادين أدور المشاكل .. ولا أسبب فوضى
وكل شخص أخطأت بحقه أرسلت له رسالة اعتذار بنفس راضية
ولا شلت بقلبي على أحد .. سواء ً اللي قبل الاعتذار أو اللي ما قبله

اللي يعرف جواهر .. يشوفها بكل المنتديات كذا
بنشاطها
وفعاليتها
ومجهودها الشخصي ..

الموضوع هذا طرحناه كـ عتب لا أكثر ..
لأنكم دائما ً تتعذرون بالانشغال أو عدم التواجد ..
لكن نشوف مواضيع ثانية .. ما انشغلتوا عنها
كنا نتمنى قليل من الإنصاف لا أكثر ..

لكن بعد رد مشرف هنا .. ويعتبر أحد واجهات المنتدى
ما أقول عرفنا
لا
أقول تأكدنا من السبب الحقيقي .. واللي كان مضايقنا
وحنا اللي نحاول جاهدين نصفي النفوس
لكن .. لا زال في بعض القلوب علينا شي
وهذا والله يصعب علينا الاستمرارية هنا

رغم المشاكل لا زلنا نقاوم
لأنا لنا رغبة بالاستمرارية
وإلى الآن أقول قلبي متعلق بالمنتدى
وأبيه
لكن متأكدة بيجي يوم يخلينا ننفر منه حتى لو ما كان فيه سبب
لأن الأسباب الأولى واللي لا زالت بقلوب البعض ما زالت

وهذا حال أغلب الأعضاء في المنتديات
وأقول هالكلام من تجربة خاصة

فأتمنى إن النفوس تصفى .. خاصة ً من الأعضاء اللي ما بينا وبينهم أي شي
وماخذين المسألة مجرد دفاع ..

الله المستعان !

		المشاركة الأصلية بواسطة : اقتباس
	لكن .. لا زال في بعض القلوب علينا شي وهذا والله يصعب علينا الاستمرارية هنا

يافتاه النفوس فيها شي ولا مافيها شي خليها صفر ع الشمال , لن نراضي و لن نعتذر لـ احد سوا اخطانا ام لم نخطي

لن احنا في عالم افتراضي لايمكن ان نعول عليه ولن نحمله اكبر مما يحتمل

و
اهم شي الاستمتاع ,,, فقط الاستمتاع ,,


اكتب مايفيد وارد علي ما يفيد واضرب القبيح في وجه المليح متي اريد



اتمني لكي الاستمرار

الله يسعدك يا قرقوش .. ليت منك عشرة أعضاء ..

صح هذا عالم افتراضي .. لكن محاسبين عليه .. !

وإلا من ناحية الحياة الخاصة .. الحمد لله ما أربط حياتي بالنت
من أول ما أسكر الجهاز أنسى اللي فيه .. ولا أربطه بحياتي ..