|
||||||||||||||||||
ختم القبيلة
السلام عليكم ورحمة الله وبركاته كنت أتمنى أن أشارككم إحتفالية العام التاسع ولكن الظروف تجبّرت عدنا لكم من جديد بكل جديد وأتمنى أن تقبلوني أنا وقصيدتي وأن تنال أعجابكم وترتقي لذائقتكم الصبح يحمل في جبينة حكايات = وخوافي الأٌقدار ماهي قليله يعلم بها الجبار رب السموات = والعبد ماله فالمقادير حيله تعيش ناس وناس من ضمن الأموات = وأحوال تغيير بيومٍ وليله ودي أهلّ الدمع من كل ما فات = مير البلاء من دمعةٍ مستحيله أدري بأن الناس هاذي مقامات = ومحدٍ يعيش بشيء ما ينتمي له أنا عرفت أختار بعض العلاقات = لكن بعضها لعنبوها فشيله مثل الوجيه اللي عليها قِناعات = يضحك و سمْ الداب يملأ شليله وألاّ الضعيف اللي تعوّد على هات = أصبح غني والحمل يمكن يشيله ما عاد باقي له سوا بضع حاجات = والبشت ، والشيخة ، وختم القبيله غاسل يدي من مثلهم سبع مرات = ما من وراهم عز والاّ حصيله ما يعرفون إن المراجل مروات = ومن منطق الرجال تعرف دليله تركتهم من عز شيمة ومن ذات = ما تقبل نفوس الرجال الذليله أخذت من كنز الحياه القناعات = وداويت بالصبر الجروح العليله والله ما أتعب للذهب والجنيهات = وأنا أدري إن الرزق ربي كفيله من تجربة عمري تهون المهمات = آقف لها وقفة عميل لعميله تأخذ بنا الأيام صولة وجولات = العمر يمضي ، والمسافة طويله بخوض في دنياي كل الصعيبات = وأعطي دروس لكل جيلٍ وجيله وأقطف من أفكاري نوادر جزيلات = ويسيل وادي مابعد سال سيله الشعر عندي مثل راع الأمانات = وأصبح على ما في ضميري وكيله لـ/ الدين حق من البيوت الثقيلات = تردع نصير الشرك ويّا زميله الدين واحد ،، ليه كثر الديانات = والفرق واضح بالعقول النبيله وإن جاء مجال النصح خطيت الأبيات = الشعر حكمة فالبيوت الثقيله مضرب مثل عند البدو والحضارات = مثل السحاب اللي تكوّم مخيله والمدح والتقدير والإحترامات = لأهل المقام العال وأهل الفضيله ويستأهله راع اليدين الكريمات = ويخسأ البخيل اللي يدينه بخيله وإليا طرق قلبي غرام البنيّات = كتبت في وصف الهنوف الجميله شعر الغزل للعاشق أحلا ملذات = إليا إستصاب من العيون الكحيله حطيت للعقّال بعض العلامات = وألاّ الهبيله ،، طول عمره هبيله هاذي حكابة صبح ضمن الحكايات = وخوافي الأٌقدار ماهي قليله يعلم بها الجبّار رب السموات = والعبد ماله فالمقادير حيله أخوكم الشاعر / فواز البلاهدي الحارثي
|
24 Nov 2012, 06:58 AM | [ 2 ] | ||||||||
|
رد: ... ( ختم القبيلة ) ...
حياك الله وبياك شاعرنا لاهنت ع القصيدة الرائعة صح لسانك واعتلى بالخير شانك |
||||||||
|
|||||||||