آخر مواعيدي

		المشاركة الأصلية بواسطة : فارس الضويّان اقتباس
	قصيده قلتها في زواج مشاري ابن حماد ابن سلطان الله يوفقه في حياته الجديده .. واتمنى له كل خير وهو رجال ٍ ويستاهل .. تقريبا راح على زواجه شهرين اضفتها لديوان وقلت مرّه وحده مر إبها على المدونه : p واليا انشدوا والشعر جاله مجاله=قل فارس ابن فهيد جاه وقصدها سالمين ..

ونعم مليون بك يابوفهيد وصح السانك جزل وافي ويستاهل الممدوح
اعذب الود

والله انك تحرجني بطيبك يابعدي
ماعليك زود وانت تستاهل الطيب كله
لاهنت يا بدر ..

		المشاركة الأصلية بواسطة : فارس الضويّان اقتباس
	قصيده قلتها في زواج مشاري ابن حماد ابن سلطان الله يوفقه في حياته الجديده .. واتمنى له كل خير وهو رجال ٍ ويستاهل .. تقريبا راح على زواجه شهرين اضفتها لديوان وقلت مرّه وحده مر إبها على المدونه : p سلام ياللي كل ضلعن رقاله=تسليمتن هلّيتها في وعدها يوم ان كرتك شال اسمي لحاله=واجب علي وابشر بها ياسعدها والله لانوّخ من بكار الجزاله=ابيوت شعرن هاجسي لك سردها مبروك ياللي ماندوّر بداله=مبروك ياللي كل وقفه حصدها حمّاد ابوك ومدحته في خصاله=هدّاج تيماء والمكارم حشدها مواقفه يشهد لها كيس ماله=وسطوته من هو بقى ماشهدها لا جارت الدنيا يردد سهاله=في ليلتن ظلماء تفجّر رعدها رح قل لأبوي فهيد منهم خواله=نعمن بكم والنعم دبّل عددها وانت العريب اللي كريمن سباله=كنك الغيوم اللي تساقط بردها اغلى نياقك كان جات الجماله=من طيبتك تذبح لضيفك ولدها في ذمتي يالضيف ياطيب فاله=بيت الشعر وخيام ثابت وتدها وجوّن ربيعي والاباعر قباله=لا والله الا هموم صدره طردها وضحن شناحن طيّبات السلاله=من طيب اهلها ماتفلّي وحدها خافوا عليها من عيون الحثاله=لامرّت الناقص يقوم يحسدها وصلّوا على محمد امين الرساله=واقولها واللي عقدها فردها لا ياسعد واجب علي اعناله=صاحبك حي وليلته مارقدها واليا انشدوا والشعر جاله مجاله=قل فارس ابن فهيد جاه وقصدها سالمين ..

حي ذا العين يا فارس

صح لسانك وبيض الله وجهك على القصيدة الجزلة وابن سلطان يستاهل

والله يديم عزكم يالاد شداد

* موقف :
كنت اسولف لي مع زميل وكان موضوعنا عن النعومه في الشباب
وان (الناعم بصوته وتصرفاته) ليس برجل والغريب عند ضربه لمثال:
ان في السابق الرجل (شنب وزقاره ماتطفي و24 س بلوت للفجر)
مع اني ماشوف ان المثال له علاقه بالرجوله !


& ابيات :

بعض المواقف تنسّى بس بعضها ماتفوت
................ لين خيمة هاجس البال امسّ اطنابـــها
يارفيقي والبشر عقب ماتحيى تمــوت
................ الحاجه اللي بيننا .. خابرين اسبابـــها
والله اني شارهن والحشا مل السكــوت
................ مير المواضيع القديمه لا تفك ابوابـــها
المهايط والشـوارب والزقايـر والبلـوت
................ الله يلعن خامس اللي للمراجل جابـــها

		المشاركة الأصلية بواسطة : اقتباس
	المهايط والشـوارب والزقايـر والبلـوت ................ الله يلعن خامس اللي للمراجل جابـــها

كفو والله أعجبني هـ البيت
صح لسانك عليه لين ترضى
ولو المراجل كذا كان ع الدنيا السلام

ولاجديد سِوى عذب الشعور
ولو بنكتب لين باكر مابنوصل لـ حجم جزالتك يـ المبدع ~

فيصل ابن مهرس
انت امير وجدك امير
والطيب من راعي الطيب
ماهوب مستغرب صح بدنك ..
يااااااامرحبتين ومسهلا

/


تــرف
ماعليك زود وصح بدنك
وانا والله لو بكتب لين عقب باكر
ماراح اوصف امتناني .. لك
ياااااامرحبتين ومسهلا

يامهرّج بالقفا .. هاك مخلاص الكلام
اترك علوم الناقصين ولاتصدّق شورها
،
ان كان ماجبت الجزل ياعليّه بالحرام
اني لاكب القافيه .. وأستبيح بحورها

لو العذر يشفي الصدور المغابين
قلته .. ولا كان بـ دقيقه تأخّرت
.
لانتس على خصلة جديلتس تسلّين
وانا على ضيق المحاني تضيّرت
.
لو تسمعين الشور ليتتس تنامين
بتقوم هالدنيــــا وانا ماتعذّرت

كيف تعقد حجاجك يوم جتك الهموم
...................... وانا ( خويّك ) ورب بيت فيها ملام !!
،
خذني ذخاير حزامك لانصوك الرخوم
...................... وانت خلّك ورى ظهري ، ترد السهام !!


//

متصفح رآئع بروعة قصائدك

دمت كما تحب