ردي على شاعر مجهول !

بسم الله الرحمن الرحيم

السلام عليكم ورحمة الله وبركاته ..

جاءتني رسالة خاصة من أحد أعضاء منتدانا وهو العضو صدى المواجع عبارة عن بيتين تعبر عن معناها ، قال فيها :

تكفى يابن مهرس ترى الموت جاني = ابيك تفزع لي على هن ابن هن
غرون سلب عقلي ودمر كياني = وعليه قلبي منحمس حمسة البن

وأنا لا أعرف هذا العضو وعندما طلبت منه إخباري باسمه امتنع ولم يجاوبني ، فرديت عليه بهذه الأبيات واتمنى انها تصل إليه :

يا مرحبا باللي كلامه لفاني = لو كان ما اعرفه ولا ادري ولد من
لكن بجزلات المثايل نخاني = نخوة دريك ٍ حده الموت واغبن
وساعة سمعته ششت مثل الحصاني = وفزيت واقف كن تشعاني الجن
مار المصيبة صاحبي ليه كاني = مدري من آيات البدايد وابن من
بيـّن لنا اسمك يا عريب المجاني = وباقي مطاليبك تراهن يهونن
وان كان تشكي حب صافي الثماني = ( وعليه قلبك منحمس حمست البن )
ابشر بخلك يا هذا المودماني= وأنا معك بالمال والحال والفن
أقود لك جمع ٍ يشوق العياني = جمع ٍ يدك جبالها مع سهلهن
بالاد شداد القروم الذهاني = دفاقة الدم الحمر في المكاون
ونجيبها بالمال وألا السناني = حتى عيونك بالمنام ايتهنن
واللي نخانا ما يشوف الهواني = يبشر بمطلوبه ويفرح ويمتن
هذي طبوع جدودنا من زماني = وعوايد الجدان ما ينتخلن
والحب ما عذرب شيوخ اقحطاني = ولا عذرب الفريس شلاعة السن
البيض لقلوب الرجال امتحاني = يا ويل من راحن بقلبه ولا جن
وكم من شجيع ٍ صاطي ٍ صيرماني = أمسى على جمر الغضاء من سببهن
وقبلك وليفي بالموده كواني = وعليه قلبي يقرع اقراعة الشن
لكن ربي عن غرامه هداني = ولا عاد لي في الزين شف ٍ ولا ظن
انكفت عنه انكاف هجن ٍ سماني =هجن العقيد اللي مع الريع هفن

محبكم / فيصل بن مهرس

زين يا أبو زايد
جاء من يردك لنا ويخلينا نشوفك
بعد كل هذا الغياب وهذا البعد
الله يبيض وجهك يا صدى المواجع

ولا هنت يا فيصل ولا هان غاليك
باختصار يا ابن مهرس
منتداك بحاجة لك أنت وبدر وكل الرجال
اللي ابتعدوا عنه بدون سبب ...!!!

كفوووو والله ياابن مهرس وبيض الله وجهك

على الرد الجزل وصح لسانك

ومشكور اخوي صدى المواجع ابيض وجه

وتحياتي لكم

فيصل
والله قصيدة تحمل المعاني السامية
الله يبيض وجهك شاعر ودائم
شعرك نتابعه ونطلب المزيد لأنه
يحمل في طياته الطراز القديم
وفقك الله

صح السانك يابن مهرس والسان صدى على هالبيتين الجزله

كفووووووووو
يابن مهرس قول وفعل
صح لساااااااااااانك حتى ترضى

		المشاركة الأصلية بواسطة : السلطان اقتباس
	زين يا أبو زايد جاء من يردك لنا ويخلينا نشوفك بعد كل هذا الغياب وهذا البعد الله يبيض وجهك يا صدى المواجع ولا هنت يا فيصل ولا هان غاليك باختصار يا ابن مهرس منتداك بحاجة لك أنت وبدر وكل الرجال اللي ابتعدوا عنه بدون سبب ...!!!

ارحب يا أبو عبدالله

وأنا يا سنايدي ما تردني ألا ظروف الدراسة والبعد

وعلومي عند أبو عبيد يعلمك بها

ولاهنت يا بعد راسي

حي بوزايــد وحي ماجاب راع العلم الوافي

صح لسانك ملايييين قصيده جزله من راس جزل

لاهنت لاهنت لاهنت

		المشاركة الأصلية بواسطة : أبن جبري اقتباس
	كفوووو والله ياابن مهرس وبيض الله وجهك على الرد الجزل وصح لسانك ومشكور اخوي صدى المواجع ابيض وجه وتحياتي لكم

اررررحب يا فارسنا وكفوك الطيب

والله لا يهينك يا سنايدي

		المشاركة الأصلية بواسطة : خيال الشدادين اقتباس
	فيصل والله قصيدة تحمل المعاني السامية الله يبيض وجهك شاعر ودائم شعرك نتابعه ونطلب المزيد لأنه يحمل في طياته الطراز القديم وفقك الله

ارحب يابو مشعل ووجهك ابيض يا سنايدي

ومرورك يشرفني