ليت الليالي تخبر الروح وش صار؟

ليت الليالي تخبر الروح وش .. صار
وتخاطب القلب الشقي .. بالصراحة
يرتاح بال اشغل النفس ..... محتار
حتى الجسد ما ذاق بالدار .... راحة
والعين ترسل دمعها مثل .... الانهار
مثل البحر للي يريد ........ السباحة
والا انا همومي هدت الحال واكثار
من كثرها ضاقت علينا .... المساحة
وش ينفع المهموم لو كان .... صبار
سهران ليله والبلا في ....... صباحه
هم يسافر به والاخر ...... بالافكار
عزاه للي ماهتنا في ......... امراحه
اسباب من ناموا عن الحق .. والكار
كار المراجل والادب ..... والسماحة
خابت ظنوني واشتعل خافقي . نار
واصبحت مثل الذيب تدمي جراحه
يلعق ادمية وانقطع كفه ..... وطار
ياكل جنوبه طاح يوم ..... اجتياحه

القارظ العنزي

أبدعت في هذه القصيدة المعبرة يا أبو فيصل
شاعر مميز وفالك الطيب وصح لسانك على
هذا الابداع الشعري الرائع

صح بدنك سمو الشدادين
حفظك الله ورعاك يا رب

جميل جداً يا شاعرنا العزيز
أبو فيصل
والله يبيض وجهك على حضورك المشرف معنا
ومشاركاتك المتميزة وصح لسانك

والاجمل هو مرورك الأروع
ايها السلطان القدير لاهنت
ولا هان منطوقك يالعزيز

أحييك اخي العزيز من القلب
نص شعري متميز لغةً و بوحاً
قرأت أبياتك بشغف
ورأيتها تعكس روحاً رقيقةً شفافةً تقف وراء
كل حرف و كلمة
تحياتي القلبية لك

تحياتي لك ايها المتزن الذوق
مرورك وحضورك وتقييمك
شهادة نعتز بها ووسام اضعع
على صدري فلا تحرمنا
من حضورك المتميز متزن