يبه وينك؟!

يبه وينك ولهت لنظرة من عينك .... يبه وينك اشوفه طوّل غيابك و من ودّاك .... ما جابك قالوا ما يدوم الزين و انا عندي أمل للحين .. و لا كني أعرفك وين يبه وينك عسى الداعي يبه بس خير عساك بخير .... مداين تكرم لعينك ... بس أرجوك علمني ... علمني .. يبه وينك سألت أمي عن رجوعك ... ولا كني أعرفك وين و قالت .. ما يدوم الزين و انا .. عندي امل للحين .. في رجوعك يبه بس تكفى علمني .... متى رجوعك يبه بس تكفى علمني . وش احلى من طلوع اثنين طلوع الشمس .... و طلوعك يبه وينك سألت امي ...... غيابك طال ولا كنّي اعرفك وين و قالت مثل ما قالت .. حسافه ... ما يدوم الزين ... مع كل هذا صدقني .. انا عندي امل للحين سؤالي عنك يالوالد .. صار كما الموال و اشوفه طال ... والله طال .. حزين .. بلحنه و حروفه ... يخاف .. يموت من خوفه ... و قلب ٍ كان اقوى قلب ... ضعف .. من قسوة ظروفه .. يبه .. ارجوك علمني ... تشوف اللي انا اشوفه انا اشوفك نهار و ليل ... في وسط المجلس تصلي .. و تدعي الرب ييسر لي .. يبه .. ما عاد بي من حيل .. وين الحيل و انا اشوفك نهار و ليل .. مع اني ادري ما ترجع غريبه .. بعدها تدمع .. عيوني من هموم البين و ادريبه مكانك وين مع َ هذا .. ارد و اسأل يبه .... وينك و لا كني اعرفك وين شبكت العشر في غيابك ... و من وداك ... ما جابك .. و لا ادري وش يخبي الغيب و جرح ٍ عذ ّب احبابك .... يبه ..عيّا يخف و يطيب يبه.. كل جرح في الدنيا .. مصيره بالدوا يلتم ... و لكن البلا من جرح .. نزف فرقاك ... بليّا دم و هذا الفرق في جرحي ... عجز يلقا الدوا دكتور .. انا جرحي غريب الطور ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبه ما تـلتم .. بس عندي امل للحين و لا كنّي اعرفك وين يبه .. ذكراك تفرحني .... في نفس الوقت تجرحني لا من جبت في طاريك ... دموعي غصب تفضحني .... يبه .. تذكر ليالي الصيف عرس الحي .. و رقص السيف و كرم قلبك معَ هـالناس .. كل ٍ كان في بيتك ضيف .. الا يا حيف .... الا يا حيف .. زمن قاسي .. اخذ مني بلا رحمه اخذ مني اعز ناسي و خلاّ لي سهر هالليل .. في عيني ضيف .. يبه وينك تعال و شوف ... كبرنا مثل ما تمنيت . درسنا كل ما حبيت .. نصلي مثل ما وصيت .. و ندعيلك في كل ظروف .. يبه وينك تعال و شوف .. صحيح الدنيا ما ترحم .. تجرعنا التعب انواع ... و لكن الأمل ما ضاع .. و انا عندي امل للحين و لا كني اعرفك وين يبه تذكر شطانـتـنا انا و اخواني و اخواتي ... معانا عيال حارتنا .. نلعب في زوايا البيت .. يبه ... والله انا حنيت .. لذاك الوقت في وجودك ... الا يا ريت ... الا يا ريت ... ترجع .. يا يبه حنيت .. حسافه الدنيا ما ترحم ... خذت منا سعادتنا ... خذتك بعيد .. و خلتنا يبه امي تذّكرنا ... بأيامك قبل ما تروح ... تناديها.. يا روح الروح .. تغازلها و تنظر لك .. مثل طفله ... ملامحها عشق مفضوح ... في ذاك الوقت .. كنا صغار ... معَ هذا ... كنا نغار .. عليها .. او بعد منها ... كنا نغار نحبك يا يبه ... ارجع مثل شمس الفجر .. اطلع حزينه الشمس في غيابك .. و نفس الحزن في احبابك .. واخاف الشمس من حزني .. تغيب و ما بعد تطلع يبه ارجع اذا لي خاطر فـ قلبك .. تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم .. لكن قلّت الحيله ... و يمكن مـ البطا ضاعت .. و قلنا يوم يبه سامحني باترخّص ... قبل ينشف حبر الأقلام .. كلامي بعده ما خلّص .. و لكن موعد الأحلام .. حان .. ولازم اوفي له.. بعد ما ضاعت الحيله .. اشوفك والوعد باكر اذا فكّر يجي باكر .. مماراق لي

ماراق لك راق لي
يعطيكي العااااافيه
دمتي بود

شكراً لهذه الانتقاء

وكلماتك فعلاً راقت لي

تحياتي

أخي الراقي

{بحة خفوق}

أسعدني مرورك
كلماتك الطيبة عطرة بطيبها كلماتي
كل التقدير لك سلمت يمينك
جزاك الله خيرا على طيب التواصل
دمتم بحفظ الرحمن
لكم جل إحترامي

أخي الراقي


{ أخصائي تربية }


أسعدني مرورك
كلماتك الطيبة عطرة بطيبها كلماتي
كل التقدير لك سلمت يمينك
جزاك الله خيرا على طيب التواصل
دمتم بحفظ الرحمن
لكم جل إحترامي

صح لسانك

يعطيك العافيه


ربي يسعدك يالغلا

		المشاركة الأصلية بواسطة : اقتباس
	مثل شمس الفجر .. اطلع حزينه الشمس في غيابك

والله فقد الأب ما ينسى مهما طال الزمن

سلمت يمناك غزلنا

غزل
التميز بكل مواضيعك مشهود
ونستمتع بقراءته وهذا الأب هو عمود
البيت لامات ضاع البيت وتغيرت ضروف الزمان
والمكان الله يرحم موتنا وموتاكم.
ينقل للقسم المناسب.

الله يحفظ والديناويرزقنابرهم
كلمات رائعه
الله يعطيك العافية ي الغلا

اليمه والله

والله يحفظ اباءنا ويرحم من مات منهم


يسلم ذوقك ي غزل ويسلمك من كل شر