ماخاب من هو يعشق إخوان بدوه!!!

قلبٍ تعنّا له ,, وقلبٍ عنا لك = والفرق شاسع بين عنوه وعنوه
جيتك وأنا ما ودّي إلا وصالك = وأنت الذي بين المخاليق نقوه
أنا بدونك ما بها شك هــالك = وإلا معك دنياي يا زين حلوه
ودّي أنا اسكن يا حبيبي خيالك = وما ابي أعكّر جو فكرك وصفوه
لو قلت أدوّر يا حياتي بدالك = من هو يسد فــ خانتك ,, وأنت منوه
أنا وقلبي والمشاعر حلالك = ويوم انتخى قلبك ,, لقى فيّ نخوه
واللي خلق زينك وصوّر جمالك = كنت أحسب إن الحب في القلب نزوه
لين افترقنا واصبح الليل حالك = من ظلمته والشـــوق لا شـــك بلوه
تبي الصراحة ما قهرني دلالك =لان الدلال يزيد في القلب نشوه
اللي قهرني زلةٍ في مقالك =وهي زلة لسانك عن ألفين هفوه
يا كيف أبقوى بس ( ربع ) احتمالك = وهقوتك فيني ماهيب أيّ هقوه
أحلف بربي ما قدرت أتمالك = نفسي ,, واشوفك صايرٍ فيك قسوه
يا صاحبي تبغى جواب لسؤالك = دامك معي ماعاد أبي أي ثروه
لو يجحدك عمك وجدك وخالك = لاصير لك دون المخاليق عزوه
خذ الكلام اللي تحطه في بالك =(( ما خاب من هو يعشق إخوان بدوه ))

		المشاركة الأصلية بواسطة : اقتباس
	يا كيف أبقوى بس ( ربـع ) احتمالـك=وهوتـك فينـي ماهيـب أيّ هـقـوه أحلـف بربـي مـا قـدرت أتمـالـك=نفسي ,, واشوفك صايرٍ فيـك قسـوه

الله يسلمك المنال الصعب.. ..

اختيار جميل جداً وعذب أختي المنال الصعب

لكن وددنا لو ذكرتي اسم الشاعر

الله يعافيك ويطول في عمرك

مشكوره أختي المستحيله وأخوي السلطان وطلبك على العين والرأس بس للأسف مالقيت المصدر المضمون لها...

صح لسان الشاعر اللي ابدع في القصيده

الجميله اشكرك اختي على الاختيار الرااائع

قصيده جميله جدا ورائعه

صح لسان قائلها

والف شكر للمنال الصعب لنقل الرائع .

سلمتـــــي المنــــال الصعب على القصيـدهـ الرائعــه ..

صح لسان الشاعر اللي ابدع في القصيده

ومشكور أخوي على نقلها