لا ضاق صدري رحت يم الشدادين

هذه القصيده كتبتها في قبيلة الشدادين وانا لي طلب عندهم ياليت يلبونه

لاضاق صدري رحت يم الشدادين=سقم الحريب وطيبين المبادي
لباسة الخوج الحمر فالميادين=فهودٍ مغذاتٍ نهار الطرادي
فعولهم ماتنحصى فالدواوين=ياللي تبا تحصي على وين غادي
ذول الرجال وملحقين الملخين=كم واحدٍ منهم غليل الفؤادي
دقلاتهم تشبع طيور وسراحين=ومن بعدها تشبع طيور الحنادي
واليا بدوا من فوق روس الضلاعين=مثل الذياب اللي تبا كل وادي
لطامة العدوان زبن المجنين=ذباحة الحايل كعام المعادي
زبن الدخيل اليا انتخى فالشدادين=عون الضعيف اللي عليهم ينادي
سقم الحريب مطوعين السلاطين=بفعلوهم ماهي علوم ودوادي
يقودهم شيخٍ يضد المعادين=على القدا ولا على غير قادي
عجير بن مهرس طويل الذراعين=اليا غزى يغزي الديار البعادي
عقايره سرد الرمك والبعارين=مرن يصبح قوم مرن هجادي
قيدوم اهل هجنٍ من البعد عانين=يثنون طلاب الخطأ بالحدادي
حريبهم يشكي من الهون والدين=لاجا نهارٍ فيه قدح الزنادي
ياما رعوا قطعانهم واكثر الضين=مرباعهم في كل دار وبلادي
ربعي بني الحارث على الضد صافين=عز لبعضهم فالليالي الشدادي
ربعي وربعي مرجحين الموازين=اهل الكرم واهل الصخا والقنادي
ياللي تبا تشقر عصانا على وين=ريح وهيد ماحصلك مرادي
ربعي بني الحارث رجالٍ مسمين=عساكم فدوتهم ياورث الرمادي
حنا ذرانا للرجال العزيزين=مثال الجبال اللي طوال المبادي
سقم العدا ومطوعين الشياطين=انشد قبائل نجد لن كنت غادي
وصلاة ربي عد نبت البساتين=على الرسول المصطفى خير هادي

اخواني أعضاء ومدراء منتديات قبيلة الشدادين القصيد الحقيقه لايوفي بحق قبيلة الشدادين وانا حبيت انزل هذه القصيده وحبيت اجمعها مع موضوع اردت ان انزله عندكم في هذا المنتدى وهو طلب منكم ان تأتوا لنا بأوصاف الشيخ عجير بن مهرس وأوصاف شيوخ الشدادين وشيوخ بني الحارث حتى نقدر نكمل فالكتاب اللي اناسويته وانا ابغا اوضع صور لشيوخ بني الحارث امثال عجير وشرار وابن عاتق ومقبول بن هريس حتى يكتمل الكتاب والكامل الله سبحانه وقلت هذي مالها الاعيال الشدادين وانا واثق تمام الثقه انكم ستأتون بالمطلوب

اخوكم/سطام محمد الجياشي الحارثي

مرحبا بك أخوي سطام وأن شاء تلقى مطلوبك عند أخوانك الشدادين .

كفوا ياالجياشي قصيدة جزلة ووافية من رجالٍ وافي وماعليك زود يالذيب
ويستاهلون ألاد شداد هالمدح00
قصيدة شامخة عانقت عنان السماء بجمالها وروعة شاعرها ؛؛؛


تقبل مروووووووووري ياسطااااااام

يا هلا والله ومرحبا تراحيب الأمطار

يا سطام

وصح إلسانك مدد بلا عدد

وبيض الله وجهك قصيدة جزلة وأنت راعي الجزلات

وأما عن أوصاف شيوخنا إن شاء الله تجد من يفيدك

وأنا بصفتي راح أبحث وإن شاء الله أجد ما يفيد

ودمت بود

غالي يا أبو محمد وجيت عند مغلينك

صح لسانك يابن العم ولاهان راسك يابن شاهر

وبالنسبة لطلبك إن شاء الله ما حنا بمقصرين معك في اللي نعرفه

والصور التي لدينا هي لكلاً من

الأمير الفارس شرار بن مهرس " راعي البواضا " و " أخو فاحا "
الأمير الفارس عايض بن مهرس " أخو صالحه "
الأمير محماس بن عجير بن مهرس
الأمير محماس بن شرار بن مهرس " أخو سارة "

رحمهم الله جميعاً

والأمير علي بن محماس بن عجير بن مهرس حفظه الله

وإذا تباها أنزلها لك هنا في الموضوع هذا ما عندي مانع

أنت يا أبو محمد غالي ولا نرد لك طلب وحنا بنساعدك في اللي نقدره

مدام العلم يخص تاريخ قبيلة بني الحارث وناموسها

والله مالها الا انتم يالشدادين من غير قصور باحد

اما بالنسبه لكلام الاخ فيصل بن مهرس

ايه الله لايهينك نزلها وحنا نبغا اوصاف

شيوخ بني الحارث شلاوى وبنيوس وناصره

علشان ناخذ الاوصاف ونرسم صورهم

ونضع صورهم في كتاب بني الحارث اللي

انا مسويه وبيض الله وجيهكم

على ماتقدمونه تجاه القبيله


وصحت ابدانكم جميعاً وبيض الله وجيهكم

على المرور الرائع والشيق

اخوكم ومغليكم/سطام محمد ضيف الله الجياشي

يا هلا والله بشاعرنا أبو محمد
والله يحييك من جديد في منتديات ربعك الشدادين
كفيت ووفيت يا الذيب وما عليكم زود يا ربعنا
وونعم ببني الحارث كلهم

القصيدة من أروع وأجمل القصائد التي قيلت في الشدادين
وما هو غريب عليك مثل هذا التميز ولا هذا الابداع


وأبو زايد إن شاء الله بيحقق طلبك
وإن شاء الله نشوف كتابك مطبوع وصادر في أقرب وقت
وتهدينا منه نسخة
وعساك على القوة والعلوم الغانمة كلها
والله يحفظك ويرعاك

والله يالسلطان انت تستاهل عيني ماهوب الكتاب وبس

لكن حنا نبي التفاعل بيننا كمنتديات بني الحارث

الشلاوى وبنيوس وناصره

حتى نحقق ماهو مطلوب بيننا

وانت فاهم مااقصد يالغالي

عالعموم نبي التفاعل منكم جميعاً

وسأصدر كتاب آخر

باسم شعراء بني الحارث

والله ولي التوفيق

صح لسانك ياسطام الجياشي
وقلت قصيدة جزلة فيمن يستحقون
المدح أول وتالي , وبيّض الله وجهك
دمت بخير ,,,

صح لسانك يابو محمد وبيض الله وجهك

قصيدة شامخه بشموخ شاعرها

ومطلوبك ان شالله ان ابن مهرس لباه

وحنا ماحنا مقصرين معك ان شالله

باللي نقدر عليه

تقبل تحياتي الغربي