الحق الذود..

السلام عليكم

كانت بنت محمد ابن حشيفان آل روق قحطان ترعى ابلها وذات يوم وهي مع ابلها اغارعلى الحي قوم واستاقوا البل وكان من بينها ابل بنت ابن حشيفان فلم تتمالك نفسها وجعلت تلوح بخمارها وتصيح فلحق قومها خلف القوم المغيرين وكان من بين جماعتها الذين لحقوا خلف القوم لفك البل مجري ابن ذيبان آل روق فجعلت بنت محمد ابن حشيفان تنخا محمد بن رثوان قائلة : البل يا محمد فكر محمد بن رثوان ومن معه على الغزاه واخذ لفارس محمد بن رثوان يحدا وهو على ظهر فرسه ويقول:

ياطير ياللي فوق فوق=ياللي ترفرف بالجناح
الحق مع اولاد ابن روق=عشاك من روس الرماح

وتمكنوا من فك البل من القوم فقال الفارس محمد بن رثوان الروقي القحطاني يصف ماحصل بهذه القصيدة:

انا هاضني فالظهر صياح ريبه=ومال ٍ غدوا به ذاهبين الحمايل
يامرقب الخفرات لعلك الحيا=يجيك من نو الثريا مخايل
حيثه نطحني فيك بيضا عفيفه=تنثر على الامتان سمر الجدايل
تزهم تنخا في رجال القبيله=من حب ذود ٍ لبسوها شمايل
تقول ذودي يامحمد غدوا به=اللي لهم قب السبايا رحايل
الصوب الايمن شبوا النار دونها=والصوب الايسر ماكسب له جمايل
حلفت ياذودك مايروحون به=الا ان راسي من على الخيل زايل
اخاف انا من هرجة ٍ وسط مجلس=اليا سولفوا مابين عي ٍ وعايل
ابوكم قوم ٍ ماعرفتوا وسومها=وسومها على جنوبها دلايل
دست السبايا بالسبايا ودبرت=لين استطاعت للعيال الجهايل
نطحتها خشم العريني تعمد=من ذلة ٍ من هرج قيل وقايل
دست السبايا بالمهند والقنا=لين اغتشاني من دمي وشايل
اليا رفعت الصوت لاولاد رايق=مثل الفحول اللي تدوس الشوايل
عرفت منهو تحتظي الخيل سابقه=وعرفت منهو لي بعيد ٍ يخايل
خلوا عدايلنا وقوف منها=تمطر عليها منشيات المخايل
ابهيت من اللي كنها دارج المها=لين اعطبوها مقحمين الفتايل
يانافدا اللي يوم عقرت عاضني=كبيرة الملقا قبا وحايل
عطية هذاب السرايا مجري =دز العريني من يمينه دايل
عطية اللي لابهراف مجلس=ولاهوب من بين الجماعه يفايل
ماهوب عذال ٍ الى فات فايت=ولا بمفلولو كثير العذايل
خيل ٍ تغذا للبلا وتنطح البلا=وخيل ٍ تغذا للردا والفشايل
قلته وانا كفي خضيب ٍ من الدما=كما كف حر ٍ ضاري بالفصايل
تسعين قاف من ضميري نقدها=نقد الدراهم في يدا كل نايل

من كتاب شعراء قحطان ...

مشكوره اختي الكريمه اسجل اعجابي

في القصه والقصيده الراااائعه

قصه جميله جدا
وقصيده اكثر من رائعه

اشكركي يالمستحيلة من الاعماق على كتابتها

دمتي بوود.

عبدالله انا الي اسجل اعجابي بتواصلك ونشاطك الله يحفظك

سيف الشدادين الله يسعدك يارب

فلانة تنخى

فلانة تنادي بحماس لرد العدو أو للنصر في الحرب

وبث الحماس في الفرسان أمر مطلوب

وإذا أتى من أنثى كان أثره أكبر وأوقع في النفس

بارك الله فيك يا المستحيلة

معروف ان تحميس الانثى وتواجدها هو الدافع الوحيد للرجل فلا اعتقد انه هناك ناجح بلا انثى .. السلطان يسعدني تواجدك

ولا ننسى المراة التي نخت عندما هجم عليها الروم عندما قالت وامعتصماه
فاجب المعتصم

صراحه أبيات وقصه جميله أستمتعت بقراتها



مشكورهـ .. يا .. المستحيله

طبعا من ينساها والصحابية الي صاحت في السوق قي سوق بني قين قاع اليهود وكانت سبب لجلائهم من المدينه..هي من جعل الرسول يقطع الهدنه ويجليهم ..ياهلا بك يالولهان