صحيح ما كلٍ وجد ما تمناه

أحبائي في منتديات الشدادين
أسعد الله أوقاتكم بكل خير
إليكم هذه المشاركه المتواضعه
أتمنى أن تنال على إعجابكم واحظى بنقدكم الهادف وتقبلوا تحياتي

هلت دموعي فوق خدي سكايب=إليا ذكرت اللي على البال طرياه
انا اشهد انه غير كل الحبايب=شكله ومنطوقه وطوله وممشاه
اللي على متنه يهل الذوايب=جديلٍ اشقر ماش مثله وحلياه
يضفي ليا هبت عليه الهبايب=ريح الشمطري فيه والعود يزهاه
والوجنتين اللي بها الدم رايب=كل السعاده شفتها في محياه
والعسل من فوق الشفاتين ذايب=الله يحلو العسل من شفاياه
اليا ابتسم يشفي جروحٍ عطايب=صف الجواهر كلها في ثناياه
من دون خلي بالي اليوم طايب=اجوز عن كل العرب وتنصاه
اتعب على شانه وحث الركايب=من شان ابي قرب الحبيّب ولاماه
مير البلا قفى لعين الصلايب=طال الزمان ولا قدرت اكسب رضاه
من طيلة الفرقى غدى الراس شايب=صحيح ما كلٍ وجد ماتمناه
لن مت حطوا فوق قبري نصايب=يمكن يجي المحبوب صدفه ويلقاه
خلاص انا عن سكة الحب تايب=حب البني مسموم والموت فاتلاه

وسلامتكم

سالم وغانم

صح لسانك يابوسلمان ملايين

ولاهنت ولاهان مغليك

قصيدة جميلة

تقبل مروري

دمت بحفظ المولى عز وجل

صاحب السعادة مشعل سعدا بشعرك وتواجدك وكل متطرحه هنا من شعر ومواضيع كلها بناءه وتشكر عليها.

مشعل الجعيد


نص رائع كروعة شاعرة وأبيات تدل على مقدرة شعرية لتقديم الأفضل


كن بخير يا صديقي

صح لسانك شاعرنا القدير مشعل الجعيد
نص جميل يستحق الإشادة

		المشاركة الأصلية بواسطة : ياسر الشدادي اقتباس
	سالم وغانم صح لسانك يابوسلمان ملايين ولاهنت ولاهان مغليك قصيدة جميلة تقبل مروري دمت بحفظ المولى عز وجل

ياسر

لا هنت على مرورك الكريم

صح لسانك اخوي مشعل والله لايهينك

مبدع بقصائدك دائماً لكن هالمره الابداع طاغي

تقبل مروري

		المشاركة الأصلية بواسطة : خيال الشدادين اقتباس
	صاحب السعادة مشعل سعدا بشعرك وتواجدك وكل متطرحه هنا من شعر ومواضيع كلها بناءه وتشكر عليها.

خيال الشدادين
سعادتي اكتملت بمرورك الكريم

خلاص انا عن سكة الحب تايب
حب البني مسموم والموت في اتلاه
اخوي مشعل يقول الشاعر الكبير سعد بن جدلان
من ذاق خمر الهوي من رعابيبه
والله ان يكد النواصي بيض ماتابي
وانا اقول اللى قال قصيده مثل قصيدتك الرايعه حتي لوقال ابتوب فهي من وري قلبه ,,,صح لسانك ملايين على ها القصيده الجزله اللي ماتجي اللى من شاعر جزل
تقبل تحياتي,,,,,,

		المشاركة الأصلية بواسطة : محمد المريري اقتباس
	مشعل الجعيد نص رائع كروعة شاعرة وأبيات تدل على مقدرة شعرية لتقديم الأفضل كن بخير يا صديقي

روعة النص اكتملت بمرورك الكريم

تحياتي