اهل النواميس

صبحكم الله بالخير وكل عام وانتم والمسلمين اجمعين بخير وصح وسلامه,,,,اعايدكم بقصيده لم اجد في قصايدي مايجاريها في المعنا والمبنا والجزاله واري انها احق من قصايد الجديده بالنشر وعساها عيديه مقبوله وانشالله تنال اعجاب الجميع ,,,
وهي من قصايد ابن عمي الشاعرالكبير فهد بن مسفر الشدادي

ياذيب شب النار لاهل النواميس=ياذيب والله شبت النار نوماس
هذا الحطب والبن والهيل في الكيس=قهو الرجال وخلنا نقعد الراس
في مجلسٍ مادنسوه اللساليس=ولاتربع فيه واشي وبلاس
يازين لاهبت علينا النسانيس=شمايلٍ ومن الصبا جاى نسناس
فوق الجمر صفر الدلال المراويس=وغروس نخلٍ تنطق بفن غراس
يومن ولد الاش نوره فوانيس=نور القمر والنار فيها التوناس
لاشٍ على بابه يحط الترابيس=ومراجله من دونها الفين ترباس
في ذمتي انه من رخومٍ مفاليس=ولو راس ماله بالملايين هلاس
ويالعنبو مالٍ ورى لحية التيس=هذاك لو تنصاه تبلش وينحاس
نهاره اقشر مثل ليله كوابيس=ومن شاف حاله قال يحطب على فاس
ماقول انا اللى للضيوف انحر العيس=والله ماني في الرجال اكرم الناس
ولاقول انا عنتر ولاقول انا قيس=انا فهد طلبت الاهي هي الساس
اكره وجيهٍ عابستٍ معابيس=دائم على الطرقي تعبس تعباس
دنيا غروره قبلنا غرة ابليس=شريت غاليها وجربت الافلاس
وعداد ماخط القلم في القراطيس=صلو على اللى بالصبر حطم الياس

فهد بن مسفر الشدادي الحارثي

فهد ونعم بك وابن عمك فهد
وصح لسانه وبيض الله وجه
على هالقصيدة التي بها الجزالة
وقوة المعنى

اللهم صلي على نبينا محمد وعلى آله وصحبه أجمعين

.
.
الله الله عليك يا فهد بن رزيق يالكفو يالرائع يالمبدع ,.
قصيدة جميلة جداً وعاد عيدك يالطيب سنين وآجد وانت بخير وسلامة وإيانا أجمعين

أعجبني كل شيء في القصيدة واخص بالذكر تواضع الشاعر في أبياته ولم يمتهن مدح نفسة كـ باقي بعض الشعراء .
.
صح إلسانك مدد بلا عدد

خمس نجوم لعيونك

صح السانك ياغالي مبدع كعادتك ياشاعرنا
اخوي فهد هل البيتين منك
رح للوليد أن صفط فى المملكه حوته=وصنصيره اتوجه لمكتبه وحداني
مع دخلته حيها من دخله وفوته=فر الدريشه وقام يلد الاعياني

فهد بن رزيق
شكراً من الاعماق
على نقل هذا الابداع
من ابن عمك
نتمنى ان نراه بيننا
في هذا المنتدى الشامخ
قصيدة من عيون الشعر
ولا يتقن صياغتها الاالكبار
دمت كما تحب

ونعم بحالك ياخيال الشدادين وصح بدنك ووجهك ابيض ياسنايدي والجزاله والعلم الغانم انت من اهلها والله يعطيك الف عافيه
تقبل تحياتي,,,,

ماعليك زود يالنايف والله يبيض وجهك على كل كلمه قلتها في حقي وحق القصيده وحق شاعرها ومثلك من الطيبين رايه يهمني واعتبره تاج على راسي
تقبل تحياتي,,

صح بدنك يابدر المشيطي والله يبيض وجهك على المرور واما البيتين اى بالله انها لى وهي من قصيده طويله في الوليد
تقبل تحياتي,,

لاشكر على واجب ياشاعر المنتدي وياكثر الشعرا المبدعين اللى مقصرين في حقهم رغم ان قصايدهم درر تستحق النشر والاشاده بها وانشالله يطاوعني ويكون لديه الوقت الكافي وبيض الله وجهك على المرور الراقي
تقبل تحياتي,,,

كفو والله يا أبو رزيق
وونعم بك وبولد عمك وبكل ربعنا آل شداد في الحدب
وصح لسان شاعرنا على هذه الطيبة المتميزة
وودنا والله بالمزيد من هذا القصيد