تسيدي فالحال!!

الاخوه الكرام اداري واعضاء
(شبكة الشدادين الرسميه)
اعد الله اوقاتكم بكل خير
اطرح بين انضاركم هذه القصيده المتواضعه امل ان تحوز على رضاكم و
والسلام عليكم ورحمة الله وبركاته

تسيدي فالحال يافكرة الحال=بنات فكري كلبوهن عذرى
عديني اكثر من جهودك بما قال=كذا تعمق حيل لاقصى المدارى
أياك واللي مايفق لك بالاجمال=ياهاجسي ولاحوالي المحارى
ماعندك اكثر من تجمل بالامثال=من حيث تطريها العباد وتطارى
ماعندك اكثر من تكرم فالاسبال=للمقبله حتى ترد أعتبارى
ماعندك اكثر من كلامك والافعال=توافق النيه بكل اختصارى
ماعندك اكثر من شنب قد الاشكال=من يقبل العادي عليه ايتوارى
ماعندك اكثر من عطاء راح مانال=غير الاسف ياللاسف والمحارى
ماعندك اكثر من تطمع بالارسال=يلفت نظر للي نظرها وجارى
اهل المفضل حددو درب الافضال=والدرب الايمن دربها والقرارى
واللي نقاها فالمواجيب رجال=زبنت عن دربا يحدك يسارى
ورجال يومي بك على كيف ماقال=تفكيره الارعن لدرب الخسارى
ورجال مايدناك لاصرت فعال=من لايضرك مايسرك نهارى
ورجال مايصلح لمثلك والانذال=اسواء عبادالله عليها تجارى
ورجال يبغى غربله قبل تشتال=جمايله ولاتحط الخيارى
الوقت غير وجه الانسان لاشكال=وجا عن نهار المعركه بالمهارى
امطر سما دنياك ياطيب الفال=غصبا عنه مارضاك ولاتدارى
كذى تبي ولاتفحط بمدهال=بدل يقدم رد وجهك غبارى
من قلك ان الوقت بالحيل بطال=ولافيه بطالين وسط الجحارى
ياعنك ماغير من الوقت مثقال= ولاختلف ليله ولابالنهارى
اهله كمو البطال باطل ومازال=للخيل باب وللضعيف انتصارى
لاتذكر الرحله ليا صرت رحال=حاول تفقد من بعيد وتدارى
احيان تتنفس هقاويك ألأمال=وياكبرها لافرعت بالمزارى
ممكن تكون اقرب فضنك على البال=وانت البعيد ابعد من امرك مجارى
حاول تعمق داخل النفس وتنال=اللي يقودك مايعدك حوارى
ولاتصدق كل ماجاك معوال=انك تلحقت الدفاء والمثارى
في طاعة الله خل لك حق مدخال=بعيد عنها لن يكون انتصارى
حليل من يجهل وربى لجهال=لاجت تحقق في كلامه تقارى
واليانصت يصد ويدور اشمال=ولايخلي له دليل وموارى
نزل وحط ويبطي الوقت ماطال=غير الفقر لوحط فكر الفقارى
منين يجمع للسلف والفقر جال=وماحد مفرش لك مع الفقر دارى
يقعد بها أطمرها ويلقاله اجيال=لوكان ملى ذولي اللي حضارى
جواب يبغاله قبل يبدي اسؤال=وسؤال يبغى له جواب أعتذارى
والمال يحي ميت البال الاعطال=والعلم صحح للصحيح المنارى
لحم البشر كله يقدم لك اوصال=وجهلك مع الوصله مجاز أختيارى
لكن ترى انك ماتجملت بجمال=وماقام بالضعفه مقام الوقارى

[/poem]

لاتذكر الرحله ليا صرت رحال=حاول تفقد من بعيد وتدارى
بيت عن قصيده لمن يعي ويتفكر
لله درك ياجزل البيان
دائما مبدع
تفضل بقبول فائف الاحترام

حياك الله يا أبو فهد
ولا هنت يا شاعرنا
ما قصرت وبيض الله وجهك

		المشاركة الأصلية بواسطة : جزل البيان اقتباس
	جواب يبغاله قبل يبدي اسؤال=وسؤال يبغى له جواب أعتذارى [/poem]

هذه كفيلة بالهدف

شكرا لك أخوي جزل البيان حقاً نصائح مهمة

دمت سعيد ~

صح لسانك وبيض الله وجهك

ربي يسعدك

صح لسانك أخوي
والله يعافيك ويسلمك
دمت..