الجادل ..........لبن قضعان

الشاعر ضيدان بن قضعان من الشعراء الذين لهم حضورهم القوي في الساحه ولقد اخترت احدى قصائده وارجو ان تحوز على رضاكم::

يقول الشاعر:


الجـادل الـلـي يـمـر القـلـب شارعـهـا
بـيــن الحـنـايـا تـعــدي ماتطالـعـنـي.

تقفـي مــع الــدم بعـروقـي واتابعـهـا
واحس كنهـا علـى نفسـي توزعنـي.

قامـت تبعثـر غـلا وان جيـت اجمعـهـا
اضمـهـا واتـشـتـت لـيــن تجمـعـنـي.

بـيـن الحنـايـا تـثـنـي فـــي مرابـعـهـا
كنهـا تـقـول اتـحـدى مــن يطلعـنـي.

دام الـحـشـا بـيـتـهـا وانــــا مـدلـعـهـا
وش دخل القلب يزعل يوم توجعنـي؟

ولـيـا خــذا رمشـهـا رجـــل يطالـعـهـا
لـعـل رمـــش خـذانــي مايرجـعـنـي.

عيـونـة جـيـوش والـنـظـرة طلايـعـهـا
غارت بصدري وجاز لسيفها طعنـي!!.

ويوم انكفـت ليـن قلبـي مـن قلايعهـا
والصبر عـن خافقـي ماعـاد ينفعنـي.

مادهلـهـا القـلـب وعيـونـي مراتـعـهـا
امـوت فيهـا وهــي للـريـح تزرعـنـي.

ريحـانـتـي والـغــلا بالـقـلـب زارعـهــا
تشرب عروقـي وتروانـي وتشبعنـي.

كان النحل من رحيـق الـوردمشبعهـا
وانا شموخي من احلا شي جوعني.

ولـيـا تعـانـق خجلـهـا مــع تواضـعـهـا
عانقت ليـل علـى مسـراه شجعنـي.

لويـنـسـري ليـلـهـا سـريــت بـايـعـهـا
بشـر ولا اللـة عــن الـزلـة مرفعـنـي.

واصبحت من عقب ماني ضدها معهـا
ان ضاعت اضيع وان دلـت تسنعنـي!!

للـجـادل الـلـي شرايـنـي شـوارعـهـا
القلـب يقتـادنـي والنـفـس تمنعـنـي.

أختيار موفق ابو رايد

اشكرك ابن جربان على المرور تحياتى

		المشاركة الأصلية بواسطة : اقتباس
	بـيـن الحنـايـا تـثـنـي فـــي مرابـعـهـا كنهـا تـقـول اتـحـدى مــن يطلعـنـي. دام الـحـشـا بـيـتـهـا وانــــا مـدلـعـهـا وش دخل القلب يزعل يوم توجعنـي؟

ياحلوها والله .. صح لسان ابن قضعان شاعري المفضل..

		المشاركة الأصلية بواسطة : اقتباس
	واصبحت من عقب ماني ضدها معهـا ان ضاعت اضيع وان دلـت تسنعنـي!!

ياااه ما اقواها؟؟؟

تسلمى واشكرك على مرورك وهذا من ذوقك

		المشاركة الأصلية بواسطة : اقتباس
	لويـنـسـري ليـلـهـا سـريــت بـايـعـهـا بشـر ولا اللـة عــن الـزلـة مرفعـنـي.

مشكور ابورائدعلى النقل

أختيار موفق ابو رائد

يسلم يد الشاعر كلمات في قمه الروعه ومشكور اخي على طرحك

هذا دائماً تألق الشاعر الكبير ضيدان بن قضعان

قصائد حكم وحب ووفاء وشجاعة وكرم

أشكرك أخي أبو رائد على هذا النقل الرائع

ابوعزة .سلطان المشاعر . البرنس


هلاا وغلاا تحياتى لكم