آخر 10 مشاركات |
مختارات | جَمالُ الرُّوحِ هوَ الشَّيء الوَحيدُ الذي لا يَستطيعُ الزَّمنُ أَنْ يَنالَ مِنْهُ |
|
|||||||||||||||||
طريقة طبخ ذبيحة اهل حايل خطوة بخطوة بالصور
طريقة طبخ ذبيحة اهل حايل خطوة بخطوة بالصور سلمكن الله طبختي ذبيحه خروف نعيمي كنت نايمه عند امي الله يحفظها ويحفظ امهات المسلمين وكانت خيتو عبير القمر مسيره علينا من الشرقيه هي وزوجها فقرر ولد تميم ابو تركي ونعم والله يجيب خروف كامل علشان نغدي ضيوفنا فجابه وكان اختيار موفق فجيت لامي فقلت انا بطبخها بس تكفين يمه ابي نصائحك الحلوه لاني مهما طبخت وتفننت ما استغنى عن افضل نصائح الغاليه بسم نبدء وبه نستعين اول شي تفقدنا انا وامي المفطح زين وغسلناه ووضعناه في قدر واسع للاسف كان قدري شوي صغير تمنيت انه يكون اكبر بس الحمد لله تم العمليه وتككلت بالنجاح هنا دهنت كل الذبيحه بكركم والسبب بيكون لونها اصفر حلو هنا كملت وحطيت بهار مشكل وصرارحائل {فلفل ناعم احمر } وهنا حطيت البصل والطماط ماكثرت يعني 3حبات طماط وحبتين من البصل هنا صبيت ماء مغلي على المفطح تلاحظون من غير حمس للبصل والطماط هنا بتلاحظون اني اطبخ على فرن ايه فرن اهلي كبير والعين قويه تطبخ المفطح لصار مقاسه وسط هذا ياعزوتي اسمه حامض جوهر مدري وش يبي هالاسم واعتقد ان اسمه الفن ملح الليمون عموما حطيت قطعتين صغار يعطي طعم وتستوي اللحمه بسرعه منتج طبيعي ميه بالميه افضل من ماجي ابيض لقيته بمحلات بن منقاش وهنا الذبيحه المفطح بعد ساعه من طبخها هنا طبخت بصل مقشر ابيض بقدر بماء حار مع كركم وملح وخل ابيض شوي وتركته يغلي على نار هادئه هنا شكل الراس مستوي اقول لامي ياليت افتكينا من الراس ما احبه نهائي وحطيت على اللحم علبة صلصة وهنا منظر اللحم قبل مايستوي اغرف من المرق وارش ظهر المفطح الحين تدرون ليش ماكثرت بصل وطماط مع اللحم لاني جبت قدر الرز اصغر من قدر المفطح حطيت بصل وطماط وفلفل احمر قنابل عنقوديه وحطيت شوي ملح وبهار مشكل وحمسته قليل لمدة 5دقائق مابي الطماط والبصل تذوب هنا البصل قبل مايستوي كبيت مويته وحطيت باذنجان مثلجته باذنجان حائل وصبيت عليه من مرق اللحمه ووطيت النار عليه حتى استوى الباذنجان هنا شكل الباذنجان وهومثلج ممكن تستبدلين الباذنجان بحق القصيم الاخضر يهبل اناهنا مثلجه الباذنجان سلقته بملح وخل وكركم نص استواء علشان يقعد بنفس الطازج شكلا وطعمنا طبعا هذا جايبنه من حائل فدائما نحتاجه لاكلات حائل الشعبيه زي التمن هنا شكل اللحمه ذابت طبختها من 9ونص وطفيت عليها 11ونص اللحمه انهرت معي مره لانها كانت صغيره هريفي بس الله ستر مانكسر ظهرها وانا احطه على الرز هنا بعد استواء اللحمه خذيت مرق اللحم بعد ماصفيته وصبيته على الطماط اللي بالقدر الثاني للرز هنا بديت اكب الرز كان الرز كان رزي مزة بوندي كثير ومتخوفه هنا لما كبيت الرز الماء متساوي مع الرز خففت من الزيت اللي على الوجه وهنا بدء يطبخ على نار عاليه وانا واقفه عنده لما تشرب الرز المرق شوي وبديت اوطيه بالتدريج لمتوسط وبعد ذلك خخفت النار مره واطيه هنا لما نشفت مويه الرز عصرت ليمونه تعطي نكهه وتقول امي وتطول حبة الرز هنا حطيت كشنة البصل والزبيب مع ليمون اسود ناعم ونص اصبع زبده على وجه الرز وتركته الرز انطبخ لمدة ساعتين لاتقلن كثير الرز كثير ولازم ياخذا كفايته بالاستواء ونشوفة الرز من مرق اللحم ليكون نثري البيض المسلوق اختاري وشرائح الليمون والباذنجان والبصل وشوفن الفلفل بقشر الليمونه هذي النقطه اخذتها من اغلى حبيبه اختي هدى بحائل هي تحط فيلفله بارد وتحط بوسطها الفلفل انا حطيته بقشر ليمونه والحين جاء موعد الشكل النهائي لطبخ الذبيحة وهنا حطينا اللحمه وصفيت فصوص البصل وشلوق الباذنجان لااحد يستغرب مصطلحاتي الحائليه ما احب اغير لهجتي بتاتا وحطيت شرئح الليمون والبيض المسلوق بنات لا احد يستغرب كثرة الخضار اغلب اهل حائل كذا وحتى المطاعم يحطون الباذنجان والبصل وبعد يضيفون قرع وهنا حطيت الراس وفتحت فمه من اعلى وحطيت بدايو ظهر المفطح علشان المفطح يرتز ويطلع شكل الذبيحه حلو وهذا شكل صحن الذبيحه كامل وبالختام ماقول الاالف صحه وعافيه على اللي اكلوا الذبيحه واكيد من غير كلام بشهادة الجميع كانت طبخه لذيذة واللحم ذايب ذوبان وبالعافية
|
16 Apr 2019, 09:36 AM | [ 2 ] | ||||||||
مراقب عام
|
رد: طريقة طبخ ذبيحة اهل حايل خطوة بخطوة بالصور
ماشاء الله تبارك الله طبخ بيت وتفنن في محتوى الإضافات الغذائية. تشكرين نورة على مشاركتك |
||||||||
|
|||||||||
16 Apr 2019, 01:41 PM | [ 3 ] | ||||||||
عضو متميز
|
رد: طريقة طبخ ذبيحة اهل حايل خطوة بخطوة بالصور
مخلوط دجاج وذبيحة لكن الطريقة جميلة وتسلم يديك عليها |
||||||||
|
|||||||||
18 Apr 2019, 03:37 PM | [ 4 ] | ||||||||
مؤسس شبكة الشدادين
|
رد: طريقة طبخ ذبيحة اهل حايل خطوة بخطوة بالصور
طريقة جداً جميلة ولا هي غريبة على أهل حائل أهل الكرم والطيب والعلوم الغانمة وتسلم يديك يا نورة على النقل والاختيار |
||||||||
|
|||||||||