المنهاج والطرقه

الله يصبحكم بالخير قصيده اتمنا ان تنال اعجاب كل من شرفني بقراتها

لاوا وجودي على المنهاج والطرقه=ومسر(ن) يهون على روحي بلاويها
مسر(ن) مهوب لضرماء ومنفوحه وعرقه=وام الحمام وحمام(ن) ساجع(ن)فيها
اليا نشاء القبلي ولاح وسمر برقه=وثعول مزنه سرا الرعاد قافيها
وجتنا العسوس بعلوم السيل والغرقه=من صوب دار(ن) يعل السيل يسقيها
نحرت قوت الهبوب وخذتلي زرقه=لايام لاعدها ولاحسب لياليها
سجيت رجلي بغرب الفج وبشرقه=اصابح ديار والاخري مماسيها
وحفرت قبر القصا والبعد والفرقه=وكحلت عيني بشوفت عين غاليها
غال(ن) عليه ومعاه الروح منزرقه=غروس عشقه ضمت والشوق مضميها
فيوز قلبي على لاماه منحرقه=وناره جنود المطافي ماتطفيها
ياطول حبه وياعرضه ويافرقه=عن حب ناس(ن) تناديني ولاوحيها
لعيونه اموت في المنهاج والطرقه= ولعيون غيره اعقل الساق واثنيها

صح لسانك يافهد مبدع كعادتك ولامانع من زرقة المذكور

صح لسانك فهد

وتسلم على القصيده وعلى قولة ابو عوض

لا مانع

فهد بن رزيق
الله يصبحك بالخير والعلم الزين
طبعاً سوف تعجب هذه الرائعة كل من قرأها
اسلوب راقي وإبداع مميّز تفرد به فهد بن رزيق
ما شاءالله عليك تقبل مروري
دمت بخير ,,,

		المشاركة الأصلية بواسطة : اقتباس
	فيوز قلبي على لاماه منحرقه وناره جنود المطافي ماتطفيها ياطول حبه وياعرضه ويافرقه عن حب ناس(ن) تناديني ولاوحيها لعيونه اموت في المنهاج والطرقه ولعيون غيره اعقل الساق واثنيها

الله الله وتستاهل عيونه للمنهاج والطرقة

وأكيد يافهد لامنك زرقت لديار الحبايب

ماراح تعد لياليك وأيامها لاقرت عينك

بديرة الحبايب تتوقف الساعات والثواني

وماتعرف حتى الأيام من حلاوة اللقاء

وياعل السيل يسقي هذيك الديار

وتسري لها بأقرب وقت

لاعدمنا هالجزالة ولاهي غريبة عليك

ترويض القوافي وعسف الأبيات

وصح لسانك مليون ولايسدون

وسلم قلبك وعلا شانك "

صح بدنك يابو فيصل والابداع في مرورك وفي الرخصه اللى جات في وقتها ولونها ثمانيه واربعين ساعه وماتكفي لكن بيض الله وجهك
تقبل تحياتي’,,,,,,,,,

صح بدنك اخوي الغالي غالي والله يسلمك ويبيض وجهك على تاكيد الثمانيه واربعين ساعه الى عطاني اياها ابو عوض
تقبل تحياتي,,,,,,,,

يا هلا والله وألف مرحبا بشاعرنا العذب
بن رزيق
والله يحييك في منتداك بهذه القصيدة الرائعة
واللي نقول لك عليها:
صح لسانك ملايين ولا عاد تبطي علانا

ابورزيق

صح لسانك وعلا شانك

قصيدة جميلة بجمال حضورك لاهنت

تحيتي لك

اخوي واعي شهاده اعتز بها والابداع في مرورك والله يبيض وجهك ويعطيك الف عافيه
تقبل تحياتي,,,,,,