صدفة مرت عليه

للتواصل قصيده ارشيفه اتمنى ترتقي لذائقتكم

ياصاحبي قافي مرتـب ومـوزون=رهن الاشـاره مـن أنامـل يديـه
لاقلت وشبك قال ضايق و مفتـون=ياليت تنظمنـي علـى نـار حيـه
هات القلم عجـل عليـه ولاتهـون=وأكتب على العنوان بنـت ٍ غنيـه
قبلتها صدفه تمشـى علـى هـون=بين الـورود وبيـن حـي العليـه
فيها حلا زايد علـى كـل مزيـون=أستغفـر الله مابعـد شفـت زيـه
فيها وفيهـا شـي ماعنـه تـدرون=أخاف أنا العقـال تشرهـه عليـه
صبري صبر غزه على ظلم شارون=ركبت مع السواق وأحمـد ضحيـه
ياليت اهلها بزينها زيـن يـدرون=خايف عليها مـن نفوس ٍ دنيه
ياصاحبي قافي مرتـب ومـوزون=ويازين بدع القاف بـرض ٍ خليـه

يا مرحبا تراحيب المطر يا شاعرنا أبو سليمان
والله يحييك في منتداك بين إخوانك الشدادين
سرنا حضورك وتشرفنا بانضمامك إلينا
ودائماً ننتظر منك كل جديد وجميل

اخاف انا اعقال تشرهه عليه
يمكن كذا شطر
صح السانك
وبيض الله وجهك
لاكن نبي من جديدك
قريبأ انشالله
تحياتي لك

يا مرحبا يا أحمد سليمان الحربي
شاعر جزل ورائع ومبدع جداً وقلبك أخظر وأنتبه من حي الورود والعليا

شكلك من سكان تبوك : )

والله يسعدك ويوفقك وإن شاء الله يطيب لحروفك الشعرية الجميلة ولروحك الطاهرة المقام هنا

صح إلسانك ودمت سعيداً طيبا

,.
فيه خطأ إملائي أطلب تعديله ( القعال = العقال )

.