نداء الى قبيلة المصارير ( لاد الحبيبي )

العفو عند المقدرة من شيم الكرام"
الحمد لله والصلاة والسلام على رسول الله وعلى آله وصحبه أما بعد:

فيكفي في فضل إعتاق رقبة مسلمة قول النبي صلى الله عليه وسلم: من أعتق رقبة مسلمة أعتق الله بكل عضوٍ منه عضواً من النار حتى فرجه بفرجه. متفق عليه من حديث أبي هريرة رضي الله عنه.

يناشدكم اخوكم حشان بن عبدالله بن حشان النتيفات من خلف القضبان وقد حكم عليه بالقصاص بان تقومو وتسعو في عتق رقبته التي عتقها بيد بني عمه ال جريس المصارير وهم من اهل العفو والصفح والعفو عند المقدرة من شيم الكرام وان شاء الله انهم قادرين على ذلك ومن هذا الموضوع اناشد انا كذلك بهذه القصيدة التي اسال الله ان ينفع بها وان تكون سببا في عتق رقبته وهي من كلمات / شافي بن راشد النتيفات

يافكري المعهود في كل ميدان=اليوم يومك والمواقف ثقيله
فرايدا سويتها والوعد حان=ولاخير في اللي مايجيب الجزيله
يقولها شافي على لسان شفقان=وانخى هل الوقفة شيوخ القبيلة
شيوخ خطلان اليدين اهل الشان=اهل الفعول الطيبات النبيله
انخا الدواسر كلهم دون نقصان=من دون خص انخا قبيله قبيله
زايد وتغلب من زبنهم له اكنان=ماخاب من يلجالهم وتحميله
زايد وتغلب لاعثا الوقت ثم شان=الكل منهم مايخلي دخيله
زايد وتغلب محزم دوم مليان=ياسعد منهم عزوته وتعنيله
زايد وتغلب لاعنا كل فسقان=يرجع ماحصل غير طعم الفشيله
حشان ينخاكم ورا الباب منهان=ماله ورا القضبان حيل ووسيله
مديون يرجي العفو من عند ديان=من عند صبيان الحبيبي نخيله
لاد الحبيبي مروية حد شامان=اهل العشر عشاقة المستحيله
تكفون يالاد الحبيبي علشان=اعتاق نفس ماندور بديله
واللي عفا فاجره على الرب غفران=اجر وغنيمة وانتم اهل الفضيله
شي مقدر والسبب نزغ شيطان=وابليس سوا له سوايا مهيله
تكفون يال جريس في نفس حشان=عقدا مضاله ماتهنا بليله
تكفون يال جريس مافيكم هدان=ماله سواكم لاملاذا وحيله
تكفون يال جريس لو كان ماكان=افعالكم بالطيب ماهي قليله
تكفى يابن هادي ترا كلنا اخوان=فرج فرج لا يارجا من يجيله
فرج فرج ياعز من جاك حيران=والحمل جاير من سواتك يشيله
بوجيه ربعك والقبايل ومن كان=له وجه يدخلبه ويمنا طويله
نطلبك عفوا عنه ياطير حوران=ولا ترد اللي رجاكم يخيله

وهنا بصوت المنشد المبدع فهيد النتيفات
[/QUOTE]

ارحب ارحب ملاييين ياشافي شاعر كبير ونفتخر بك بينا واشكرك جزيل الشكر على استجابتك للدعوتي وهذا ان دل فهو يدل على طيب راسك وساسك
وصح السانك مليون ولايسدوون والله يعجل بفرق المسجون والله يبيض وجهك
تقديري وفائق احترامي

مرحبا اخوي مليون ياشافي
قصيده جزله من راس جزل صح السانك ملايين والله يعجل بالفرج
على كل مسجون
تقبل مروري

		المشاركة الأصلية بواسطة : بدر الشدادي اقتباس
	ارحب ارحب ملاييين ياشافي شاعر كبير ونفتخر بك بينا واشكرك جزيل الشكر على استجابتك للدعوتي وهذا ان دل فهو يدل على طيب راسك وساسك وصح السانك مليون ولايسدوون والله يعجل بفرق المسجون والله يبيض وجهك تقديري وفائق احترامي

الله يبقيك ياغالي وحق علينا تشريف دعوتك
وتلبيتها واشكرك جزيل الشكر على مرورك الرائع

		المشاركة الأصلية بواسطة : الشقاوي اقتباس
	مرحبا اخوي مليون ياشافي قصيده جزله من راس جزل صح السانك ملايين والله يعجل بالفرج على كل مسجون تقبل مروري

صح الله بدنك واشكرك جزيل الشكر على مرورك الرائع والمشرّف للقصيدة

صح لسانك خوي شافي بيض الله وجهك واسئل الله يخارج سجينكم آمين قريبا لابعيد

كفو
كفو
كفو

والله يا شاعرنا المبدع
والله يوصل ندائك إلى أهل القتيل ويعفو ويصفحو
وأنت الله يجزاك كل خير ويجعل ذلك في ميزان حسناتك
وصح لسانك ملايين

		المشاركة الأصلية بواسطة : موسى أبو مشهور اقتباس
	صح لسانك خوي شافي بيض الله وجهك واسئل الله يخارج سجينكم آمين قريبا لابعيد

صح الله بدنك واشكرك جزيل الشكر على مرورك الرائع والمشرّف للقصيدة

		المشاركة الأصلية بواسطة : السلطان اقتباس
	كفو كفو كفو والله يا شاعرنا المبدع والله يوصل ندائك إلى أهل القتيل ويعفو ويصفحو وأنت الله يجزاك كل خير ويجعل ذلك في ميزان حسناتك وصح لسانك ملايين

ماعليك زود ياغالي

واشكرك على مرورك وصح الله بدنك

شافي
ونعم والله وبيض الله وجهك
وعسى الله يفك كربة السجين
ويلقى من يقف معه في موضوعه
ويطلع قريب بإّذن الله