ماني على المقفي كثير التحاسيف

ياورع مانزعل على الجار والضيف=اثنين ماننقل عليهم زعلنا
لو كان جانا من طرفهم تخاليف=الجار لو يخطي علانا احتملنا
والمجلس اللي يجلسونه ملاقيف=نصد من يمه ونرجع لاهلنا
نعرض عن اللي ينقلون السواليف=ونقفل الموضوع منا ومنا
ماني على المقفي كثير التحاسيف=وحنا على رب العباد اتكلنا
اشوف ناسٍ يجحدون المعاريف=ليت الليالي بالخفا علمنا
شهب الليالي مامشت لي على الكيف=سلط على الايام ماساعدنا
ايامنا فيها هبوب وزغاريف=يومٍ بها نضحك ويومٍ حزنا
لو كان يلحقنا ظروف وتكاليف=اليا عطينا للعطاء مانمنا
يامحرفين الهرج والكذب تحريف=لاعاد فالمجلس تسالون عنا
عسى السحاب اللي مزونه مراديف=يمطر من الباضه ليا ضلع عنا
ياكثر ماعديت روس المشاريف=سهران لين ان النجوم انتحنا
اشوف لي فالناس ضحك وعجاريف=يقلون حنا كل دارٍ وصلنا
الله يكافيهم جميع الصواديف=وعسى الليال القشر مايرجعنا
قصيدةٍ فيها نظمت المحاريف=وصخرتها لين البيوت استونا
تريحوا ياهل القلوب المواليف=وركابكم في الدرب لايتعبنا

وسلامتكم

عبيد بن سلطان بن غالب الشدادي

ابوعيد

صح لسانك


ابيات لايمكن ان يعبر عنها بكلام وانما هي تتحدث عن نفسها

تحاياي

والمجلس اللي يجلسونـه ملاقيـف
نصد مـن يمـه ونرجـع لاهلنـا
نعرض عن اللي ينقلون السواليـف
ونقفـل الموضـوع منـا ومـنـا
ماني على المقفي كثير التحاسيـف
وحنـا علـى رب العبـاد اتكلنـا

ابو عيد
صح لسانك ملاييين
جزالة بالمعني الصريح والحقيقي للشعر
وأسلوب رآآآآئع وجدته هنا حيث الصور
الشعرية المغنية عن الكثير من الكلام
تقبل مروري , دمت بخير ,,,

صح لسانك ملايين يابو عيد
ابيات رائعة
لاهنت اخوي

جزل جزل جزل يابو عيد

صح لسانك ملايين وبيض الله وجهك

والله يطول بعمرك يالغااااااااالي

وفي انتظار جديدك

الغربي

صح لسانك وعلاشانك اخوي ابوسلطان

قصيدة جميلة تحمل معاني سامية

وخصال حميدة بيض الله وجهك

تحيتي لك

ماني على المقفي كثير التحاسيـف _ - _ وحنـا علـى رب العبـاد اتكلنـا
اشوف ناسٍ يجحـدون المعاريـف _ - _ ليـت الليالـي بالخـفـا علمـنـا

أبو عيد

صح لسانك وعلا شانك

قصيدة جزلة من شاعر كبير

لاهنت

الله الله يا شاعرنا لكبير أبو عبيد
بعد طول الغياب تعود لنا بهذه الرائعة
وبهذه المعاني الطيبة والقوافي المتميزة
لا يسعنا سوى الترحيب بك وبعودتك من جديد
وننتظر جديدك دائماً معنا

أبيات جزلة
صح لسانك.............

هنا

كان للحرفِ هيبة .. توارت أمامها كل الكلمـات ..!!

بدءاً بالعنوان .. وانتهاءً بآخر كلمةٍ من هذه القصيدة ..!!!

صح لسانك ملايين على هذه الشامخه

الله لايهينك أخوي