اشراف الاردن تحرم عيشها في رغد

بسم الله الرحمن الحيم

هذه القصيده رد على قصيدة الشاعر سلطان بن وسام الهاجري

اشراف الاردن تحرم عيشها في رغد=ان كان ما تحتمي اللي في قصر بيتها
سلطان يابن الهواجرليت حبرك قعد=في محبره عن علوم جات واوحيتها
اسمع كلام الشريف اللي يقوله سعد=بيبان الاجواد ياسلطان دقيتها
تبغى تلاقي الاسد والنمر مع هالفهد=يانافخ الكير نار الحرب شبيتها
زادك بصل يوم غيرك كان زاده شهد=وعقدتك ياعاقد العقدات حليتها
لكن صبرك على نفسك يجيك الرعد=في ديرتك لين تترك دار حليتها
وش قربك يالضعِيف يم دار الاسد=ماقلت يالله تكفينا وخليتها
الغل في وسط قلبك مجتمع والحسد=سلطان لحيتك للحلاق بليتها

قصيدةالشاعر \ الشريف سعد بن علي بن عمرو العبدلي الهاشمي
(راعي الهدلا)

أبيات قوية


لكن ياليت تذكر لنا مناسبة القصيدة و تعرف لنا بالشاعر و بالهاجري لأني والله لجهلي ما اعرفهم


لاهنت يابن متعان

حياك الله أخوي
ابن متعان
ويا هلا بك معنا بهذه المشاركة
ونتمنى أن تفيدنا بالقصة كاملة
والله يحفظك

البقأ اخو عادل الحارثي والاخ العزيز السلطان الموضوع كان رد على قصيدة الشاعر \سلطان الهاجري والتي بدا فيه بقول
( انكان الا شراف عجزو عن حماية رغد \) والقيصده موجوده بين جماهير الشعر \ اخوكم الشريف سعد العبدلي

انا مع اخوي عادل
ياليت تقول مناسبت القصيده وقصتها اذا موجوده عندك
والقصيده فيها تحدي جميل
شكرا لك من الاعماق

صح لسان علي العبدلي

والله لا يهينك يابن متعان نبي قصيدة سلطان عشان عرف وش الهرجه

لآهنت يالغلا

صحـ اللهـ لسانـ الشريفـ ولا هنتـ يا بنـ متعانـ قصيدهـ جميلهـ ورد الشريفـ اكثر منـ رائعـ
انا سمعتـ القصيدهـ فيـ اليوتيوبـ بسـ هذا ردهـ اكبر منـ الليـ تحتويهـ قصيدة الهاجريـ
لكنـ شكلهـ فهمها غلطـ<<<<<ههههههـ

مشكوور يأبن متعان على النقل المميز

وصح لسان الشعار


تحياتي