تغطن يا حريم المعرس بيدخل

هلا بكم جمــــيع ويعطيكم العافيه ع النقاش الجاد ووجهة نظركم الطيبه
بس أنا من راأيي ما فيها شي يدخل المعرس وكل واحد له حريه شخصيه
وازيدكم من الشعر بيت بعض أعراس يدخلون اخوان العروس معها ورقص ع الكوشه ,,**

عجب والله
لكن كل حر في رأيه
واللي يرضى بالقليل يجيه بكرة الكثير
وقالوها الأولين:
من دون في دون حتى تهلكون ...!!!

عجيب اخوانه يرقصون معه
ماهذا السخف هل هي نقص في الفكر
ام شياء اخرر
ومن يرضى بذالك فعليكم بالتعجب وتركه
لانه في النهايه سيعلم ماهو الصح والغلط
لكن اعتقد لان يتغير جهلهم المزمن
فأريد ان تقولو لهم سلاما سلاما

ياسقراط المنتدى اهنيك على نفسك الطويل
في النقاش ماشالله عليك يابعد كبدي
لاهنت يابونايف

		المشاركة الأصلية بواسطة : مسافرة والجو غيم اقتباس
	هههههههههههههه ابد والله حضرت عرس بس ابشركم ما دخل المعرس بس فيه معرس ثاني بداله "تصوير العروس من الممر إلى الكوشه " بعدها انشغلت وماصار لي فرصه افتح الاب توب .. ع العموم يعطيك العافيه أخوي بندر ما قصرت

أهلا بك يا مسافرة

أنتي شاهدتي الحدث عن قُرب ماشاء الله

بمعنى أنكِ أنزلتي الموضوع فقط لـ ترين تحضرين أو لا تحضري

حياكِ الله ولا تفعليها مرة أخرى فهنا فتوى لا أدري من أين أتت يقولون في حُكم الزاني

.
.
.
.
.
.
.
.

		المشاركة الأصلية بواسطة : بدر المشيطي اقتباس
	ياسقراط المنتدى اهنيك على نفسك الطويل في النقاش ماشالله عليك يابعد كبدي لاهنت يابونايف

لبى قلبك يا بدر المشيطي ,,

دائماً ما تُغدقني بكرمك ونُبل روحك وحروفك ,.

شكراً لك

قويه ذي بحكم الزاني لا يا خوي تكفى لا تقول شيء إلا ومتأكد منه بدليل من القران او السنه
ودخول المعرس الحين صار شيء عادي >>عادي ولا توماتيك نياهاهاها دعابه
لأن المعرس يكون مشغول مع العروس و أهل المعرس ينبسطون معه مو بس هل العروس تفرح!!!
وحياك بندر مره ثانيه ..

قلتو ان هالعاده كانت موجوده قبل 8 سنوات طيب هالجيل من وين جابها
لاتلقون اللوم عليهم وأهم متوارثينها كـ عادة عن حسن نية يعني كل اللي
كانو قبل 8 سنوات و9 كانوا مطاوعه
مايطالعون بالحريم والحريم كلهم كانو يتغطون عدل !

حسستوني ان حريمنا الحين مايتغطون بالقاعات لادخل المعرس صدق بالكويت أجزم إن
هالحركة حرام لأن أغلب الحضور مايتغطون والرجاجيل يدخلون مو المعرس لوحده لازم
اخوانه وخواله وعمامه معه
إلا أبوه مايدش عاد مدري وش الحكمه
وفيها رقص وتصوير وشغلات توجع القلب حتى المعرس صار يرقص مو بالعرضه عند
الرجاجيل وبس
إلا حتى بزفته عند الحريم لارقصو اللي معه رقص معهم كم دقيقه لكن بالرياض
لو حصل يدش المعرس لوحده ودخلته كلها ماتتعدى عشر دقايق مجرد ماينتهي تصوير
دخلته وسلام أهله عليه يطلع
.
.
.

ضاق صدري يوم قريت إن دخول المعرس حرام توي أعرف هالحكم ع بالي لاتغطو كل اللي بالقاعه
مافيها شي لو دش المعرس لوحده لأن المعرس عساه يشوف عروسته عدل من الربكه كيف بيطالع
الحضور مافي أمل

والحركة الجديدة اللي عندنا أصلاً العروس بكبرها ماتروح للقاعة وتصير منصتها وكوشتها ببيت أبوها ويجونها صاحباتها وأهلها واللي هي تبيهم وتصير حفلة مصغره عندها والوقت اللي
بيدش فيه المعرس كلهم يروحون للقاعه قبل يدش بدقايق ومايبقى عندها إلا أمها لأن
ماله داعي المعرس يسلم ع عروسته قدام العالم ويكونون عرضه
لكل الناس أحسها بقوة احراج خصوصاً لاصار فيه تصوير ويضطرون يجلسون
وقت كثير بالقاعه يكونون لوحدهم أفضل ~

موضوع جميل تشكرين عليه أختي ~

انا ضد هالشي يعني ليش ينزف المعرس اش نبغى فيه
اهم شي العروس وبس ....
اما تميلح العريس عند الحريم شي موب زين

انا عن نفسي اشوف مافي داعي لدخول العريس على النساء وهذا رأي الشرع قبل العرف والعادات وبعدين في ناس كثير اعرفهم بعد دخول النساء للبوفيه يزفوعريسهم ويفرح هو واهله وحبايه وتكون ليلته بما يرضي الله ورسوله

ارفض هذة الطريقه وبشدة اذا دخل العريس القاعه عند
زوجته ما يخرج الا والحريم بدأو غيبتهم
واذا رجعو البيت ينسون يتكلمون على العروسه
لان العريس دخل
وفي هذا الزمن ( لا رجال يرحم حرمه ولا حرمه ترحم رجال )
الا من رحم ربي
ــــــــــــــــــ
مشكوووورة على طرحك للموضوع