عاجل : عادل الحارثي في قبضة الجنس اللطيف(نقاش)

نداء لأم الفزعات تعالي وجيبي وياك عدّة المضاربة :aasmas:

نرجع للأنوثه مرحبا يالغوالي

أخوي عادل لك ماطلبت وهذا الموضوع لكي لانخرج عن نطاق نقاش
أخونا الفاضل الأسد القاتل ولكن بالأمس اتصالي خانني في اللحظة
الحاسمة والآن تم نسخ ردودكم وتعالوا يالجنس الناعم وكل وحده تجيب
وياها سند (مشعاب أو مطرقة)
أوكلينكس عشان تمسحون دموعكم
إذا غلبكم عادل الهمه ياصبايا

		المشاركة الأصلية بواسطة : عادل الحارثي اقتباس
	أعذرني أخوي عن الإجابة ’’ لأن في ذلك قلب للفطرة حتى و إن كان على سبيل المزاح لكنك وقعت على جرح بحيث أنك بينت للجميع أن المهر مهما كان عاليا أم منخفيضا فليس بقيمة (( سعر )) للمرأة ,,, فإن علا علت المرأة ,, و إن انخفض انخفض قدر المرأة ,, و إلا لسبقنا عليه الرسول صلى الله عليه وسلم في زواجه من أمهات المؤمنين وهن خير النساء وفي تزوجيه لابنته فاطمة رضي الله عنها . و البعض تناسى أن أكثر النساء بركة أقلهن مؤنه كما جاء في الحديث الصحيح . لا أريد الإطالة ,, لكن للأمانة كان هذا الموضوع مؤرقني خلا ل الأسبوع الماضي ,, حيث أن أحد الجيران اليوم كانت ملكته و الشيخ قال كلام كبير بعد ما سمع المهر قبل و بعد التخفيض في نصح أهل البنت اتمنى أن يستفيدوا منه .. و ابن جارنا للتو متخرج من الدورة برتبة جندي و مطلع سيارة أقساط ,, وحالته صعبة ولما قرر يتزوج .. و اختار بنت خالته ,, وبعد مراعاة ظروفه تم تخفيض المهر المتعارف به بين عائلته من 100 ألف إلى 70 ألف ,, يعني بالله عليكم هو بيأخذ بنت فيها غير مواصفات البنات الثانيات !!! و إذا سألتهم قالوا و الله عشان الذهب !!! عزي لمن كانت تحكمه العادات الجاهلية ونظرة الجهلاء التي متى ما تتبعناه أردتنا المهالك . و الله من جهد قهر يعني وش فيها زيادة هالبنت ,, أنا مستعد أطلع معاه مصر و إلا الشام و أزوجه بنت الرئيس بأربعين ألف و حتى واجد بعد ,, تأخذلك وحده من ذيك الديار تجيك كيوت وبنت بمعني الكلمة ,, موب عندنا تجيك شايفة نفسها ومن يجي عمرها 40 سنة يجي فيها كل الأمراض ,, ضغط وسكر وكل شوي مراجعات بمستشفيات ,, والا كل أسبوعين ناطه بحلقك ودني السوق و إلا ودني أهلي ,, و ما فيها من الأنوثة شي ,, تغسل أيديها و تنشف بقميصها ,, وإلا لما تأكل تمر تبلل أصبعها بالقهوة ينقالها ماتحب شي يلصق بيدها ,, يعني أشياء واجد بس خلوني ساكت . بس أنا من خلال بحثي بهالموضوع اللي قاهرني موب بخل بس لأني أشوفه من إهدار المال أو من صرفه في غير موضعه . استغربت أن المهر ليس محدد من خلال الشرع بعكس الدية .. حيث أن دية المرأة نصف دية الرجل ,, ومستغرب اش الحكمة من ذلك آسف عالإطالة بس شي يقهر من جد ...

		المشاركة الأصلية بواسطة : عســــــــــولة اقتباس
	أخــــس طقم ألماس خير أن شاء الله هههههههه عادل مع احترامي الشديد ردك فيه احتقار للفتاه اش فيها بنت بلدك علشانها محشمة من الى يخييييييييييييه مافيها أنوثه والا البنات الكيوت اللي تقول عليهن حتى الستر ماتعرفه ...صارن ينطقن أنوثه هذا اللي يعجبك؟؟!!!!!!!!! والأمراض من الله لاتشمت على فكره زي ماتعافون البنات هم احنا مو اي رجل يعجبنا لاني موكل من لبس ثوب وشماغ قال رجال

		المشاركة الأصلية بواسطة : شوق شداد اقتباس
	عادل البنت اللي من برّا ماتلبس قميص ولايجيها أمراض وماعندها أهل تبي تزورهم!! آند مي لي عودة للتعقيب ..

		المشاركة الأصلية بواسطة : تــــرف اقتباس
	^ ^ أبيض وأسود معقوله تعرض نفسك ببلاش < ههههههههه صدّقت الوضع البنت أنا بصراحه بناقش عادل ببعض شغلاته اللي قالها وربي ياشباب اليوم مايعيقهم مية أو ميتين ألف وبما إنه مديون مديون مافيها شيء لاصارت مية ألف أنا بتكلم عن نفسي وعن عادتنا ياخي أبوي وبعظمة لسانه يقول شباب اليوم متدلعين ويقولون المهر غالي والمهر غالي ماشافونا زمان وهو ع العهد القديم مو حالياً والدنيا نار والأسعار طايرة زمان وبوقت أبوي يحلف إن زواجه من أمي كلّف عليه ميتين ألف كانوا يجيبون للعروس ذهب نسيت اسمه بس إنها تلبسه من راسها لرجولها غير قطع الذهب الثانية وغير المهر الأساسي وغير حركات العبايات اللي دابلة كبد أبوي للحين ويتذكرها ههههههههه يعني الرجال يعرس ولازم يهدي لحريم الجماعة كلهم كل وحده عباية وكسوة وخرابيط متلتلة تخيّل كم حرمة في الجماعة ضروري تعطيهم وإلا بيقطعون فيك هذا غير يوم الزواج والذبايح اللي قبله بأسبوع يعني خساير مالها أول ولا تالي يقول الحين وناسة الرجال لايجيب لها ذهب ولاشيء كلها مية ألف وخلصنا وحريم قبل كل هالخساير وبالأخير تجيك ببرقعها ههههههههه يعني احمد ربك واشكره إنك بتتزوج مثقفه ودلوعة وبنت حسب ونسب وكشخة ماخذيتها من البر عشان تقطع لك البصل وتجيك بقميصها هذي حركات قديمة الحين العجز تشببن وتطورن فما بالك ببنات اليوم وتقولي شامية وشامية ع بالك بتتزوجكم لسواد عيونكم لا والله ماتبي إلا فلوسكم ويمكن هي بعد ماخذه فكرة إن السعودي مايعرف يكشخ وماعنده حكي حلو وكل حياته مزنوق ومديون ومن نفسية دمار وعصبية تطلعها من طورها .. كل بنت عن بنت تختلف والمواصفات أكيد تختلف يعني ع بالك الدنيا كلها عايلة وحده ههههههههه ذهب إيش ياعادل الحين ألماس مو ذهب وكلها كم قطعه والباقي ملابس إذا البنت تشتري لبسة وحده لمناسبة عادية وتدفع فيها 800 إلى ألف مع مستلزماتها بالله عليك كيف بيكفيها المهر إذا كان قليل على كذا ماراح تلبس قدامك إلا قميص وريحتها بصل وبتغث كبدك فيه هههههه يعني اطلب المعقول تبيها دلع وتكشخ لك وتكون أحسن من الشاميات أنت دلعها بعد وبتلاقي النتيجة ههههههههه وش هالفال الأقشر الله يعين اللي بتاخذك وربي مرض الحريم منكم يالرجاجيل من وين يجيها السكر والضغط وهي كلها أنوثه ونعومة إلا من فعايلكم اللي تخلي الأنثى الناعمة أقسى مخلوقات الله يعني تبيلك حرمه لاتروح المستشفى ولا السوق ولا لأهلها ياخي أنت لاصبرت عن هالثلاثة كيف بتعيش تطلبون طلبات ولابالخيال بجد ياعادل مو منطق ولاعدل إن الحرمة تظل محبوسه شيء طبيعي بتحتاج سوق ومستشفى وتروح لأهلها إلا إن كانك أخذت شامية مقطوعة من شجرة مدري عاد يمكن يمشي حالها بس كيف بتكشخ لك وهي ماتروح السوق ! هههههههههه حسبي الله ع شيطانك وربي شكلك جالس تراقب شغالة حبشيه بعد لأن الاندونيسيات فيهن اتيكيت شوي وتتخيل السعوديات بهالشكل حرام عليك بجد ظلمت بنات ديرتك ولو تلف الأرض كلها ماراح تلقى مثلنا بس لاتتكبرون ع النعمة ثم نسوي اجتماع وندبل المهور 200,000 وتعرفون قدرنا زين يعني لاعاجبكم الخمسين ولاعاجبكم المية ماتبون وحده ووحده مجاناً

		المشاركة الأصلية بواسطة : البارونه اقتباس
	عااااااااااااااااااااااااااااااااادل خييييييييييييييييييييييييييييييييييير انا احتج>>>>لا ياشيخه بس من جد برد عليك بحكايه ان ليه الدين ماحدد المهر لان الزمن يتغيرحتى نفوس البشر اما حكايه انك تاخذ بنت من برا <<لا تكفى عاد الللي ميتين عليكم طيب لو البنت تقول باخذ لبناني ولا مغربي وش بتردوووون..........؟.؟ والمهر تكريم للمراءه لان الرجل قادر يشتغل برا البيت اما هي بنيه الجسم ماتساعد <<سبحان الله <<<مقهووووور بقوووووه المهم هاذا رايي الشخصي

		المشاركة الأصلية بواسطة : نور الفيصل اقتباس
	ياجماعه خذو الموضوع من باب الفكاهه مجرد دعابه لا اقل ولا اكثر كلنا ندري ان المهر تكريم للبنت لكن هنا الموضوع Just laughed وانا من المنطلق هذا برد لو انا بدفع المهر اعتقد بجلس سنيييييييييييييين وسنيييييييييين ما تزوجت لاني ههههههههههه بسير على كل بيوت خلق الله بخطب وتمقل في عيالهم استدبار وستقبال واعمل اختبارت بهلوانيه واقيس مستوى النشاط والخفه لعريس المستقبل وبعد التفحيص والتمحيص واذا لقيت ضالتي سواء بالسعوديه ولا خارجها وقتها بعطيه المهر بصدر رحب

		المشاركة الأصلية بواسطة : نور الفيصل اقتباس
	هههههههههه عادل انت يا اما متأثر بالأفلام السودانيه ولا معرس على سودونايه والله النشبه السنعه وين حنا بأدغال افريقيا تبلل صوابيعها بالقهوه وتنشف بملابسها انت متاكد انها بنيه اخاف خواتك مزوجينك السواق وقاصين عليك علشان يستفيدو من وراء هالزيجه روحات على السوق كل ما طنت بروسهم

		المشاركة الأصلية بواسطة : شرواي حلم اقتباس
	اشوف انك رحت غلطاه اخوي عادل معا البارونه وترف وعسوله ونور ماشاالله عليهم عليهم تصاريح تسلخ الوجه بس الي مره ترف الله يعطيها العافيه تموت بالنقاشات مادري من وين تجيب الحجج والكلام الي يقنك يعني يقنك انا مسميها سفيرة العنصر النسائي بس من قالك تناغشهم اما على الموضوع فعلاً جميل الحين انتم يالبنات دورو على اصحاب الدين والاخلاق وخلوا جمالنا اخر شي لا وربي اشوفكم عند الكلام بس عند الصدق اقرب مخرج واحنا ماذليناكم بس هذا انتم يالحريم ابي كذا وابي كذا واذا اعرست قالت حبيبي تبيهم تسدد فيهم دينك الحياه تعاون وينك عن الكلام هذا اول ماجيت اخطبك بعد ماتحملت الدين تقولين الحياه ايه يوم عرفتي ان هذا مستقبلك لامفر قلتي الحياة تعاون اما على قولت ياترف انه ابوك يقول كنا نصرف اكثر لا في ذمتي بس يبي يخفف على اخوانك شدة الواقعه والا اذكر مطلعين شايب بالتلفزيون يقول انا معرس على ثلاث بزوليه وحده اعطيها هذي هم بعد مده رحت اخطب وقلت مهري زوليه وافقوا لين اخذ ثلاث انا لو يجي اليوم الي نشرط فيه تدرون وش ريال بس عشان يسجل فالعقد واحد يبيهم يصدقون لانه عارف ماراح يجي اليوم الي يصير فيه الكلام هذا فعلى الله يصدقون ويطلبون ريال وادري مافيه امل بس وش بطلب بقول عطيني الي في جيبك وجيبي الي بالصراف وخذي قرض لاين اخليكم تعرفون قيمت الرجل وربي لتبطون اقول الحياة تعاون عشان اردهم وعلى فكره ارفض انظره الشررررررررررررعيه لاني استحي وهم لو يبون ياكلونك اكلوك الله ادري بتجي ترف تمشي ميتين عشان ترد بس عادي اختي الله يعينا على تصريحاتكم ويوم جاء الدفع المهر قلتوا احنا حريم وانتم الرجال ولا نقدر نطلع من البيت منتوا تقولون نبي حقوقنا مثل الرجال يالله هذي وحده من السؤليات

		المشاركة الأصلية بواسطة : أم الفزعات اقتباس
	اخوي عادل طااااااااااااااااااااااااااااااااااااااااااااااااا ااط اوووووووووووووووووو بالله اسحب جلنط ودحدر ايه وبعدين انت وش دخلك في ولد جيرانك تزوج بسبعين ولا ميه تبي تسحبه برا وتوهقه وتخلي بنت خاله تعنس واذا عنست يمكن تسبب مشاكل في المجتمع واذا سببت مشاكل تقولون ليش هذي المشاكل واذا ... <<< تلايطي ولا يكثر اييه ووشو اللي خلوني ساكت واذا احنا ماعجبناك طيب خلاص لا نشوفك متزوج سعوديه رح تزوج المصريه اللي انت تقول (كفوك والله) وترى مردك لنا الاسد القاتل ههههههههههههاااي عاد تخيل تنقلب الايه ونصير احنا اللي ندفع المهر ونجتمع احنا وخوياتنا ونتكلم في المهر وتنط وحده وتقول روحي مصر ولا الشام و خذي ولد الرئيس احسن لك من هالسعودين ولد رئيس وسعره رخيص بفققققققققققققققققققققققققع وجهها لاني ماارضى بغير السعودي وما احب اشوف احد يقلل من شأن الشخص السعودي فديتهم والله كلهم ^_^

		المشاركة الأصلية بواسطة : عادل الحارثي اقتباس
	أسـتأذن أخوي الأسد المقاتل في هذا الرد و من ثم سأكتفى إلا إذا أنشئ موضوع مستقل ,, لا أستغرب حالة الإنكار هذه فالمعروف أن المرأة تخفي عيوبها عن الرجل بقدر المستطاع ,, وكلامي كان هائم ولكن يبدو أنه أصاب من به طاقة استقطابية هائلة ,, المهم ما علينا !!!!!!!! أختي ألماسة معك ان التعميم لغة الجاهل ,,, لكن ما ذكرت مشاهدات عن بعض العادات في عدد من القبائل أختي شوق شداد ,, أقصد أن الشاميات نظامهم الغذائي صحي و يعتنون بصحتهم ,, و عالرغم من هذا كله مهرهم معقول يعني لو مرضوا اللي كنت بتحطه بالمهر تعالجهم فيه !!! أختي ترف الله ينصر دينك ,, أشكرك في تأيديك في موضوع أن العادات القبيلية الجاهلية هي سبب رئيسي في العزوف عن الزواج ببنت البلد ,, يعني أبسط الحلول أتزوج من وحدة عائلتها قليلة ما عندها خوات ولا خالات ولا عمات عشان تخف علي التكاليف !!! أو أتزوج من برا ,,, يعني نفس اللي يقول لا تتزوج من برا ولا راح أخفف عليك التكاليف ’’’ يعني شلون ما أتزوج !!! و من ناحية أن البنات يختلفون لذلك تختلف تسعيرتهم فأنا أقول أجل هذه الميزة أصبحت نقمة على هذه الفتاة ,,, فتنتظر فارس الأحلام إللي ييدفع الغالي والنفيس عشانها ,, وإلا تروح لمواقع زواج المسيار !!! << ترى أعجبتني سالفة الاندونيسة اللي تشرب قهوة لا يكون اسمها بس ميري بنت فيحان بن محماس خخخخخخ بالنسبة لكلامك أم الفزعات صحيح ,, بس اللحين طلع الذنب وكل هالمشاكل اللي بتصير على الرجال يوم تعنس البنت مو على أهلها يوم يرفعون السعر !!!

		المشاركة الأصلية بواسطة : خيال الشدادين اقتباس
	أخي عادل كلامك فيه البلاغه من جد ولكن الزواج من الخارج اي من خارج القبيلة وليس الدولة فيه تفاهم أكثر لأن بنت العم والخال والجده والجدات إذا حصل اي مشكلة صغيره قالت لأهلها فعل وسوى وقال وقلت وصارت مشكلة عنيفه أما من خارج القبيلة فهي الأفضل حيث إذا غلطت وغلطت بتتحملون غلطهم أكثر وبيكون هناك صبر من قبل الزوجه وبيكون العيش أفضل من القرب وهذا مجرب مع كثير من الناس وغير كذا المهر قليل وميسر ويصبح زواج ناجح بكل المقاييس فلكم الزواج للطرفين من ذكر وأنثى وعليكم بالمسيار تراه يقرمششششششششششش التحايا

		المشاركة الأصلية بواسطة : عادل الحارثي اقتباس
	أولا ,, أعتذر للأخ الأسد المقاتل إذا كان ردي غير مسار الموضوع ,, ثانيأ ,, أشكركم .. ألماسة ,, عسولة ,, شوق شداد ,, ترف ,, البارونة ,, على تعليقاتكم اللي صراحة استمتعت بقرائتها و تحمست للرد عليها بس أخاف يزعل أخونا الأسد المقاتل ,, لذلك اتمنى ممن لديه الصلاحية منكم أن ينسخ الردود ويجعلها في موضوع مستقل ,, حتى يكون النقاش في مجال أوسع .. ألماسة حساسة ,, شوق شداد .. انتظر تعقيبكم أكرر أسفي أخوي الأسد المقاتل ,,

حياك ياعادل يعني تبغى تتهرب من الردود هذا الموضوع

وهذانا متواجدين يالله تعال قول اللي عندك

ونقبل بالفزعات مع عادل

		المشاركة الأصلية بواسطة : اقتباس
	أختي ترف الله ينصر دينك ,, أشكرك في تأيديك في موضوع أن العادات القبيلية الجاهلية هي سبب رئيسي في العزوف عن الزواج ببنت البلد ,, يعني أبسط الحلول أتزوج من وحدة عائلتها قليلة ما عندها خوات ولا خالات ولا عمات عشان تخف علي التكاليف !!! أو أتزوج من برا ,,, يعني نفس اللي يقول لا تتزوج من برا ولا راح أخفف عليك التكاليف ’’’ يعني شلون ما أتزوج !!! و من ناحية أن البنات يختلفون لذلك تختلف تسعيرتهم فأنا أقول أجل هذه الميزة أصبحت نقمة على هذه الفتاة ,,, فتنتظر فارس الأحلام إللي ييدفع الغالي والنفيس عشانها ,, وإلا تروح لمواقع زواج المسيار !!! << ترى أعجبتني سالفة الاندونيسة اللي تشرب قهوة لا يكون اسمها بس ميري بنت فيحان بن محماس خخخخخخ

ياهلابك ياعادل يعني أنت بتأيد الزواج خارج البلد بسبب العادات القبيلية الجاهلية لكن عفواً أنا ماقلت كذا

قلت بعض القبايل متعارف عندهم المهر الفلاني ويصير عادة ويتعودون عليها ممكن أنا أستغرب إن فيه

بعض القبايل مهورهم 40000 والبعض يستغرب 120000 وهي كثير وعند قبايل كثيرة ومو قبايل

بعد أحيان تكون العايلة الفلانية من هالقبيلة مهور بناتهم ماتقل عن مية ألف أو مية وعشرين ألف

ويكون الوضع عادي عندك قدرة تناسب هالعائلة وتدفع هالمهر تقدم ماعندك مو مجبر تاخذ منهم

بتلاقي اللي مهورهن أربعين وخمسين ألف وبتلاقي اللي تدفع لك المهر بعد ..

وسالفة العائلة وخواتها وعماتها وخالاتها وحريم جماعتها هذي كانت من طبايع فخذنا يالمطران أيام زمان مو الحين الحين عساه يدفع ميه وعشرين أو مية ألف والوجه من الوجه أبيض

طيب التكاليف اللي تتكلم عنها مو مليون عشان تقول ياكثرها كلها مية ألف قيمة سيارة مو جديدة بعد لااشتهيتوا صرفوتها ع أشياء تافهه ولاصارت بالحرمه تستخسرونها يعني تبغى حرمة ببلاش ماتجي

		المشاركة الأصلية بواسطة : اقتباس
	و من ناحية أن البنات يختلفون لذلك تختلف تسعيرتهم فأنا أقول أجل هذه الميزة أصبحت نقمة على هذه الفتاة ,,, فتنتظر فارس الأحلام إللي ييدفع الغالي والنفيس عشانها ,, وإلا تروح لمواقع زواج المسيار !!!

أنا ماقلت يختلفون وتختلف تسعيرتهم قلت البنات يختلفون عن بعض بغض النظر عن المهر المهر يرجع لطبايع وعادات قبيلتها مو لشيء ثاني وأما خلها تدور فارس الأحلام وتنتظره وإلا تتزوج مسيار فيه اللي يدفع ماوراه ودونه عشان يظفر ببنت الشيوخ والحسب والنسب والجمال ومتواجدين وبكثرة ويدفعون 120000 ألف بعد غير تكاليف حفلة الملكة والزواج وغيرها وغيرها يعني عادي بنلاقي اللي يدفع مثل مابنلاقي اللي مايدفع والزواج مو قائم على كثرة المهر أو قلته ولاالبنت تكون جميلة يكون مهرها عالي وإذا كانت متوسطة الجمال ينخفض لا كل الدعوة شيء متعارف عليه وأزيدك من الشعر بيت فيه بنات أعرفهم وقريبات لي مره مهورهن مية وعشرين ألف وكل جماعتنا عارفين إن بنات فلان غاليات لأنهن جميلات وبنات شيوخ وكل عيال الجماعة يتمنون يناسبون هالرجال ويقولون لو ندفع ميتين ألف مو خسارة بس هن يوافقن علينا !وتزوجت منهن كم وحده وبنفس المهر وعادي جداً من حقهن كيفهن جميلات وبنات شيخ ويحق لهن يتشرّطن مدلعات ببيت أبوهن ومايبغن يعيشن عيشة أقل من حياتهن واللي قد هالعائلة بيخطب منها مو الحين لما تناسب بنت أمير غير لما تناسب عائلة عادية وهذا الشيء متعارف عليه لاأنا ولا أنت اللي حطيناه شيء لازم نسلم فيه

		المشاركة الأصلية بواسطة : اقتباس
	ادري بتجي ترف تمشي ميتين عشان ترد

مثل ماتعرف يالشرواي بنات السعودية دلوعات مايمشون ميتين :$

		المشاركة الأصلية بواسطة : اقتباس
	بس الي مره ترف الله يعطيها العافيه تموت بالنقاشات مادري من وين تجيب الحجج والكلام الي يقنك يعني يقنك انا مسميها سفيرة العنصر النسائي

ههههههه حياك ياشرواي حلم والحجج والكلام اللي أجيبه واقعي بس أنتم تبغون تقنعونا بشيء مستحيل

أما سفيرة العنصر النسائي < ماتت ضحك قدها ترى بنت مطير

		المشاركة الأصلية بواسطة : اقتباس
	اما على قولت ياترف انه ابوك يقول كنا نصرف اكثر لا في ذمتي بس يبي يخفف على اخوانك شدة الواقعه والا اذكر مطلعين شايب بالتلفزيون يقول انا معرس على ثلاث بزوليه وحده اعطيها هذي هم بعد مده رحت اخطب وقلت مهري زوليه

ههههههه لاوربي أبوي صادق متخسر على أمي ميات الألوف عشان كذا ماتزوج عليها

للحين من الصدمة هههههههه كل مابغى يفكر بالعرس طرى ع باله رضاوتها وش بتكون

وتعوّذ من الشيطان ههههههه أما اخواني راحت عليهم 120000 ألف الله لايعوق بشر دافعينها دافعينها وإن خفضوا عشان القرابه مية ألف بس عادي خلهم يحسون بقيمة الحرمة وإنها مو رخيصة عشان يدلعونها

		المشاركة الأصلية بواسطة : اقتباس
	وعلى فكره ارفض انظره الشررررررررررررعيه لاني استحي وهم لو يبون ياكلونك اكلوك الله ادري بتجي ترف تمشي ميتين عشان ترد بس عادي اختي الله يعينا على تصريحاتكم ويوم جاء الدفع المهر قلتوا احنا حريم وانتم الرجال ولا نقدر نطلع من البيت منتوا تقولون نبي حقوقنا مثل الرجال يالله هذي وحده من السؤليات

هههههههه بدينا من الحين بالهروب من النظرة الشرعية ليه ماعندك ثقة بجمالك ياشرواي ههههههه

والله بيني وبينك لاتقول إنكم ماتشوفون زوجات المستقبل وتدفعون دم قلوبكم وأنتم ماشفتوها مستحيل لأني لو إني رجال بدفع أوكيه لكن شايفها شايفها وياكثر الطرق اللي تخليني أشوفها بدون ماتدري

صحيح النظرة الشرعية مو حرام لكن الكثير يتحفّظ منها وإن البنت مو سلعة تعرض وتباع يكفي وصف الأهل والكل يعرف الزين من الشين أنا أخوي قبل يتزوج خليته يشوف عروسته بدون ماتحس هي بشيء وبدون ماأحرجها سويت لها مقلب وله مقلب لحد ماشافوا بعض بالصدفة يعني فيه ألف طريقة وطريقة تخلي الشاب يرتاح نفسياً ويقتنع من جمال عروسته "

طاااااااااااااااااااااااااااااااااااااط
اووووووووووووووووووووووووووووو

تكش طع <<< تفتح باب السياره وتسكره

مرحبا ترف

جيتك وجبت معي المعدات

بس وين عادل
وش عنده غطس يوم لبيتي طلبه

شكله انخرش

<<<<< هذا المستخدم خارج نطاق الخدمة


يقصد ماله دخل في المهور <<< مأذون أنكحة بس ههههههههه

ابوقف لجوار عزيزي عادل
في نقطة معينة المغالاة بالمهور
و
مجرد سؤال لترف
120000 الف واتزوج بنت بكل هالموصفات ؟

يعني لو اني منذ نعومة أظافري اعيش بكنف عايلة غنية و ما اعرف اعتمد على نفسي حتى لو بنشرت سيارتي ( في واحد صاحب لي ولد قبايل ابوه تاجر اتصل علي قال إحساس والله ما اعرف الكفرة كيف تنزل او حتى اغراض الرفع و الفك وين مكانها وقال انه بيطلب سطحة قلت له لازم واحد يعلمك وجيت و خليته يكرف بيده ) انا ما الومه الوم والده بهالنقطة لأنه ماخلاه يعتمد على نفسه بيوم ابوه خطب له وحده مهرها 100000 و ابوه تكفل بكل شي الولد ماعليه الا انه يخلص جامعة و كل اموره بعده متسهله يعني اني ما اقدر ادفع هالمبلغ ماني كفو للعائلة الفلانية و اني دفعته فأني كفو للعائلة الفلانيه فهني لهم طريقة تفكيرهم الضيق جداً
احب اذكر ان مهما كان رجال من مواصفات فما راح يكون اي شي يذكر لجوار النبي صلى الله عليه و سلم تزوج و زوج ببساطه تامة و إذا جاني رجال قال لازم تدفع المبلغ الفلاني علشان تتزوج بنتي راح اقوله بملء فمي خل بنتك عندك دام المسأله فلوس
لا تقولين لي المسالة مو فلوس ياترف
لأني متأكد لو أن اي رجال بمعنى الكلمة يتقدم حق بنته و يقول له ياعمي انا ماعندي مهر غير 60000 راح يقول له اقضب الباب اما لو جاه ولد ابوه المدلل بشيك 120000 راح تتسع إبتسامته بإتساع الأفق سعادة .

بالنسبة للولد راح تكون الزوجه مجرد لعبة جديدة اقناها له والده

بالنسبة لوالد البنت مجرد صفقة جديدة حققت أرباحها لتلحق بصفقات أخرى ناجحه في شتي المجالات

بالنسبة للبنت حافظت على مستوى معيشتها الرغيد


لا ادري كيف ستنجح علاقة زوجية كان اساسها هش

شكرا لأن الموضوع انفصل كنت احتاج إدراج هالمداخلة

		المشاركة الأصلية بواسطة : اقتباس
	احب اذكر ان مهما كان رجال من مواصفات فما راح يكون اي شي يذكر لجوار النبي صلى الله عليه و سلم تزوج و زوج ببساطه تامة و إذا جاني رجال قال لازم تدفع المبلغ الفلاني علشان تتزوج بنتي راح اقوله بملء فمي خل بنتك عندك دام المسأله فلوس لا تقولين لي المسالة مو فلوس ياترف لأني متأكد لو أن اي رجال بمعنى الكلمة يتقدم حق بنته و يقول له ياعمي انا ماعندي مهر غير 60000 راح يقول له اقضب الباب اما لو جاه ولد ابوه المدلل بشيك 120000 راح تتسع إبتسامته بإتساع الأفق سعادة . بالنسبة للولد راح تكون الزوجه مجرد لعبة جديدة اقناها له والده بالنسبة لوالد البنت مجرد صفقة جديدة حققت أرباحها لتلحق بصفقات أخرى ناجحه في شتي المجالات بالنسبة للبنت حافظت على مستوى معيشتها الرغيد لا ادري كيف ستنجح علاقة زوجية كان اساسها هش

لا أزيد على كلام أخوي إحساس واثق حرف
وأتوقع أن من ترضى على نفسها أن تكون قيمتها مستعرة كقيمة أسعار البقالة اللي ( جنب بيتنا )
فلترضى بعيشتها مهما كانت ولا تتضجر منها .. سواءاً كُسرت أو ابُتليت



اللهم ارزقني ببنت الحلال
اللي ترضى أن أكون لها زوجاً .. من حيث طباعي وتفكيري وطريقة عيشي
وأن ترضى هي بها تمام الرضى وتحمد الله على ذلك .. سُعداً لها

واللهم لا تبلاني بتلك البنت
التي ترضى بما أقدمها لها من نقود تكسي جسمها حريراً وذهباً وترفاً دون وجه حق
وعلى حساب أن أكون مديوناً لأجل أن ترضى هي .. بؤساً لها


وشكراً

يا جماعة الخير


أقلهن مهراً أكثرهن بركة












بس ع الطاري..!!


أمس ملجة وحدة من أهلنا مهرها كان 20 ألف بس ..!
ابوي المغفور له الشيخ زايد كان حدد هالمهر عندنا في الإمارات..!
وطبق فترة .. بس بعدين صار اختياري ..
ربعنا لما طلبوا اهل العريس يعرفون قيمة المهر قالوا لهم اللي تحطونه نحن راضين فيه .. نشتري رجال!
وفعلا تسجل بالمحكمة 20 الف!

















بس هذا مب معناته ان العريس ارتاح وما عليه مصاريف ..!!
بس اللي بيصرفه بيصرفه بكيفه وعلى هواه خخخ وهو ما قصّر احليله!
سوى حفلة ملجة صرف عليها بالألوووووف
كانت روعه!
ما يندرى شو بيسوي في حفلة الزواج


كله طبعا على هوى العريس ..


العروس وأهلها ما طلبوا شي يذكر غير المتعارف عليه ما شاء الله عليهم :bye:





















متابعة ضرابتكم بصمت ^^

لا أُزيد على كلام أخواني إحساس و حاتم



و كفو و الله يا بنت زايد اللي يشتري الريجيل , الريجيل يشترونه




المرأه معروف ديتها خمسين ألف ريال فما بالكم بالمهر إنما هو صداق مثل ما ذُكرَ في كتاب الله








و إذا زاد عن الخمسين معليش أسمحوا ليّ ترى أبوها باعها




و أنا أورد لكم قصة واحد أعرفه تمام المعرفه تزوج بمية ألف بس خطط لها صح بعد ما تمّ الزواج بسنه تقريباً نقل جهت عمله بدال ما كان فالغربيه نقل للمنطقه الشرقيه و بعد ما مرت سنتين بالضبط من زواجهم حنّت البنت لأهلها و قالت أبي أروح أهلي زياره رفض تدرين وش قال أبوك باعك على يعني خلاص إقطعي الصله و إلا يرد الميه و بيت أهلك أولى بك طبعاً علمت أبوها بالخبر و كلها يومين و رجع المهر عليه بس أخذ نص المهر و النص الثاني أعطاه زوجته و كفو و الله هو متزوج البنت و إلا أبوها عشان يأخذ المهر





و بعدين أكثر العوانس فالسعوديه ليش غلا المهور



أهرج يا عادل و راسك طويل دامك على صواب أكيد راح يسقطون بس هم كذا يحبون يتفلسفون >> لا تحطون روسكم بروس الرجال







أبيض و أسود

أم الفزعات حياك ياقلبي وعادل أكيد عنده فترة نقاهه من هرج الحريم وراح يرجع