محاورة الغربي ومقعد الدغيلبي

السلام عليكم ورحمة الله وبركاته

محاوره مع الشاعر الكبير مقعد الدغيلبي

وان شالله تستمتعون جميعاً

عيد الشدادي

سلام تسليمة وفا تنصى الرجال الغانمين=اللي يدوسون المخاطر والدروب الجايره
الليله المعنى ..يبى يطرب جميع الحاضرين=اما نروح مع البحر ولا ركبنا الطايره

مقعد الدغيلبي

يامرحبابك وانت مقدارك على سمن وسمين=ترحيبةٍ مهما يدور الوقت ماهي بايره
يالحارثي حث الركايب لين خافيها يبين=العلم له بطن وضهر ماعاد فيه مسايره

عيد الشدادي

دام البقاء ياللي ترحب وانت رجالٍ فطين=العلم له بطن وظهر..جتك القوافي غايره
والفارس اللي سمعته ..تذكر على طول السنين=اليوم اشوفه قام يقرب من خطوط الدايره

مقعد الدغيلبي

ياصابرين الوقت بالله لامتى ياصابرين=احدٍ سرى وحد بقى جالس بوسط العايره
الفارس اللي تذكره باقي واله سيف سنين=يوم المواقف والمعارك والدمي الفايره

عيد الشدادي

ياحاسبين الوقت يعكس وضعكم ياحاسبين=وافكاركم ياصاحبي من ما يجيكم حايره
كل يوم يطلع في عتيبه شاعرٍ مبدع وزين=بعد الرجال اللي ركوا يوم المعارك ثايره

مقعد الدغيلبي

السالفه هذي تراها مخالفه يامسلمين=اجمالكم عيتً تنوخ للحمول الجايره
شعارنا وقت المواقف تجعل القاسي يلين=والنايره هم ليه سموها ياعيد النايره

عيد الشدادي

السالفه جتك بغموض وحنكة الرجل الذهين=لكنك انت اللي كشفت اسرارها والذايره
كثر الاسامي ماتفيد ولا تسر العارفين=وانته رجل وقت اللوازم نزهمه ونشايره

مقعد الدغيلبي

انا سلاحي نوع باتريوت وانته مارتين=ماعادعندك في حزامك لوّ طلقه ثايره
طافت وعدت وانت نايم لامتى يانايمين=انا تراني ماتعامل فالبنوك البايره

عيد الشدادي

والله لو تجري بحيلك ماتعدى خطوتين=لكن خل الهرج قبل تصير ذيك الصايره
طافت عليك من البدايه وانت لهروجك تدين=وجيوشنا ياصاحبي مقعد عليكم سايره

جدآ استمتعت بروعة ما سطرتم لنا

سلمت أناملكم و ما جادت به قريحتكم

دمتم بخير و سعادة

يا هلا والله بشاعرنا ومراقبنا الغربي
والله يبيض وجهك ولا هنت
على هذه المحاورة المتميزة مع الشاعر
مقعد الدغيلبي

كفو والله يعافيك

صح لسانكم

محاورة رائعة

مشكورين

محااوره رائعه
صح السانك يا الغربي
والله يعطيك الف عاافيه

		المشاركة الأصلية بواسطة : هديل الحب اقتباس
	جدآ استمتعت بروعة ما سطرتم لنا سلمت أناملكم و ما جادت به قريحتكم دمتم بخير و سعادة

حياااااااك ربي ياهديل

وصحت ابدانك

دمت بخير