للمجاراة

السلام عليكم ورحمة الله وبركاته


بيت للمجاراه


اعجبني وجاريته واللي يبي يشارك

وش حيلة اللي هام في حب مخلووق=فرقاه مووت ورجعته مستحيله

قلت

يصبر ويتحمل لو القلب مفتووق=وينسى الحزن والضيم في كل ليله
ويغني الابيات من كل طارووق=ويفلها لينٍ خله يجيله

قال ابو مسلط

يصبر على فرقاه ويعلي الذوووق=ولا ينتضر مرسال ضرفٍ يشيله

واللي يبي يشارك


وسلامتكم

(((ابو عبيد)))

وش حيلة اللي هام في حب مخلوق = فرقاه موت ورجعته مستحيله








أقول

يصبر على فرقاه ويخفي الشوق = مدام خله ملتفت في خليله

صح لسانك يابو عبيد


ولسان أبوعزه


تحياتي لك

مجاراه
يصبر عسا الله ينجيه من العوق ويدور من شان مرجاع خله وسيله
اخوكم بدر الشدادي

صحت السنتكم

ابدعتو كلكم لكن ابيات صعوط المجانين

كانت اجمل بحسب قرائتي

واعتقد ان فيه كسر عندك يابدر واقتباس وشطر غير مفهوم عندك يابحر القوافي

وجهة راي لا اكثر ولا اقل لحد يزعل

وش حيلة اللي هام في حب مخلوق=فرقاه موت ورجعته مستحيله

..

وش حيلة اللي محرقه واهج الشوق=يسهر ودمع العين مثل المسيله
يسيل فوق الخد ويعذب الموق=ويذكره فرقا غلاه وخليله

.
.
الغربي

		المشاركة الأصلية بواسطة : وول هير اقتباس
	صحت السنتكم ابدعتو كلكم لكن ابيات صعوط المجانين كانت اجمل بحسب قرائتي واعتقد ان فيه كسر عندك يابدر واقتباس وشطر غير مفهوم عندك يابحر القوافي وجهة راي لا اكثر ولا اقل لحد يزعل

مشكوره على مرورك وهذا منتدى شامخ كلنا فيه ربع واخوان واصحاب وشي عادي انقد في اي شي يوضع في هذا الصرح شامخ
بس عندي ملاحظه لبيت المجاراه ماخذ من وقتي لو ربع دقيقه شفته وكتبته اما بنسبه الكسر انا ماشوف كسر في بيت
والبحر الحن يا أختي واذا تعرفي كسر قوليه او واحد من الموجودين شكرا جزيلا لك اخوك بدر الشدادي

زين اخوي بدر

اترك الأمر لصاحب الموضوع مدامه شاعر

وانا سبق وبينت لك انه راي ماهو نقد

		المشاركة الأصلية بواسطة : بدر الشدادي اقتباس
	مجاراه يصبر عسا الله ينجيه من العوق ويدور من شان مرجاع خله وسيله اخوكم بدر الشدادي

اخوي بدر البيت مكسووور وبقوه

انت تسولف ماترد

لا هنت يا أبو عبيد ولا هان غاليك
وألف شكر لك يا شاعرنا القادم بإذن الله
وتسلم يديك

مجرد محاوله لا اكثر

وش حيلة اللي هام في حب مخلوق
فرقاه موت ورجعته مستحيله

@@@@@@@@@@@@@@@@@@@@@@

يصبر وتسوقه الايام يمه سوق
ولن ماساقته يمه يدور بديله