يوم 16 رمضان مع أختنا / مزنة

[flash=https://dl.dropbox.com/u/24089847/shdadeen/shhr-alker.swf]WIDTH=0 HEIGHT=0[/flash] , صبَاح الجمَال وتستمرّ فعالية يوميّات الاعضاء .. مع أختنا : مزنة هلابك عسَليّ تفضليّ الصفحة لكِ

وصباحك سُكر ي بعدي

لآ توصين حريص بأخذ راحتي وبزياده بعد

بانتظارك يامزنه
.....................................

مزنة
ننتظر منكِ إبداع قلمك ليومك السادس عشر
من رمضان
تشكرين سحاب
ولكِ فائق التقدير

السلآم عليكم ورحمة الله وبركاته شسمه شيقولون رمضان كريم والله يعيده علينا اعوام جديده ومديده والله يبلغنا وياكم العشر الاواخر ع الطاعه مثل مابلغنا بدايته.. بخش ع طول سيدا ع الموضوع 12 الليل اقعد مع اهلي الين صلاة الفجر و من بعد الفجر احصن نفسي واقرا الاذكار واذا في احد يسولف باللسته قعدت الين 6وانام بس اليوم طلعت السطح الين الساعه 7 صكت راسي الشمس وعرفت ان الله حق ونزلت وهذي رسمت اختي سما الروح لازم ترسم بكل مكان حتى السطح ماسلم منها لمى نزلت البيت وقعدت ع التلفزيون البزارين حاطين قناة سبيستون مدري والله وش السالفه بس اشوفه وانا مفهيه ورجعت شويات للسته واسولف مع خواتي الين جاني نوم الظهر ونمت ((كل يوم انام اول وحده بعد صلاة الفجر واصحى الظهر الا امس واليوم استغفر الله بدا يخرب نظامي)) صحيت العصر الساعه 4 صليت وقمت ارتب البيت بما انه دوري اليوم وقعدت مع اختي الصغيره اصلا محد قايم الا انا وهي وامي اما خواتي يكونون نايمين المفروض اللي عليها المطبخ تقوم بس امي معطيتهم وجه وكوع بعد وشسمه هذي اللي اقعد معها كل يوم العصر خخخخ تقولي اسأ ابعى اروح الحطيطه قلت لها مايصير الحين حر,, اشك ان في احد فهم السالفه خخخ المعجم اسأ= اسماء ابعى = ابغى الحطيطه = الحديقه وتقول توفي انا حلوه اذا قلت لا راح تزعل وساعات تبكي خخخخخ توفي = شوفي كانت تاكل خيار قطعه صغنونه وبعدين خلصت و وديتها الحمام تغسل ايدينها والظاهر انها كانت تتوضى للصلاه وبعدين بدت محاضرة امي شوفي بنات الناس يطبخون الاشكال والالوان شوفي فلانه ماشاء الله عليها اضغر منك وتطبخ كبسه انا طيب و شوفي بنت عمتك تسوي سحور انا طيب وشوفي وشوفي وشوفي .. ي امي العزيزه انا مالي دخل ببنات الناس وبعدين تقول شفتي ام ذيك ماتمسك ولا شي وانا ي حسره وطبعا كل يوم تجيب لي اسم وحده غير وخواتك سهرانات لاصلاه ولا عباده لاعاد يصمون احسن انا طيب << انا عندي كل شي طيب لاني كل يوم اسمعها وحافظتها << وكلها اسبوعين وارجع مثلهم ^ ماشاء الله تبارك الله لاحول ولا قوة الا بالله ولا اله الا الله مدري كيف سبحان الله ماتعبت وهي تعيدها كل يوم>> عساك دوم يمه ع القوه وشويات يقرب اذان المغرب اسوم ودي اسوم جيبي اسوم مافي ملاعق هاتيها اسوم الكاسات اسوم صحون الشوربه طبعا هالكلام طول رمضان لدرجة اني احس اصلح اشتغل بتوصيل الطلبات .. واخرتها ما منك فايده اه ي تسبدي بس ^ عشق ابوي ^__^ المهم بعد المغرب بما اننا طالعين ترتيب ع السريع للبيت وقمت اتجهز وتعرفون البنات دايم يومهم بسنه وبعدين نجي لزحمة الرياض اللي ساعه تصير ساعتين والجو خقق فضيع و ي حليله الغبار يحب يكشت عندنا دايم واخوي دايم يسوي فيها ان بيختصر اختصارته رهيبه وربي لو كان مشينا مع الزحمه كان اسرع مدري متى يترك الفلسفه بس والله وناسه احب الفرفره بالسياره خخخخخ واخيراً وصلنا بيت خالتي الموقر وقعدنا نلعب لعبه سليندر >> طبعا انا اخاف منها مرا اكتفي بالمشاهده خخخ وبعدين سوالف وضحك و قرقر الى ماله نهايه وجى وقت العشا وبعد العشى حلينا بالدونات والماليتيزر والجالكسي وقعدت مع روري شوي وقعدت مع روري بنت خالتي شويات والله كلامها عسل ومر الوقت بسرعه وجى اخوي وروحت وقاعده اكتب وارفع الصور اللي موب راضيه تخلص خخخ وبس <<ي كثر قرقرتها كثراه صداع نصفي بالحاله هع

مشكورة حبيبتي لسرد لنا يومك
وبعدين بعثرني ليه ماتقوم معك تسوي هآآآآه
ولا معتمدة عليك
ماقصرتي والله


ملاحظة :ماشاء الله تبارك الله لاحول ولا قوة الا بالله ولا اله الا الله مدري كيف سبحان الله ماتعبت وهي تعيدها
وهذه الكلمات ياوخيتي هي باذن الله تقيها من عذاب النار
ومن تعود عليها بيرددهآ بكل سهولة ,, وهي افضل الكلمات واحسنهآ
جرربيهآ وردديها وانتي تشتغلي واشغلي وقتك بترددهآ

شاكرة لكم
وينعاد عليك وانتي بسلامة يارب

ماشاء الله تبارك الله
مزنه يوم عصيب بالصور والترتيب والجمال
في الخط او الستايل تشكرين عليه
وفقكِ الله
وحسب إصلاحياتنا حول جمال الموضوع
ومايستحق ان نقدم له يرفع لمدة 12 ساعه من تاريخه
ولكِ فائق التقدير

بوم راااائع أكيد خاصة الجلسة مع الأطفال الله يحفظهم
ربي يسعد أيامك أسوم اليوم ودووووم


تحيااااتي

ولكمْ باك يَا قمَر’
يوميه رايقة كثير ، ماشاء الله عليكِ
الله يكتبْ لكْ أجر إفطار صَايمْ ، ويحفظ أمكْ وَ يطوّل بعمرها

و بّوسي لي الحلوات اللي حطيتيّ صورهمْ :$
مشكورةْ على مشاركتكْ

أسعدتنيّ

ماشالله تبارك الله عليهن
المهر عندكم كم يامزنة>> ناوي يخطب

مستطلاحات جديده على فكرة لكن اعرفها من قبل
حطيطه يعني حديقه معروفه
برنيطه يعني بلاكونه
بسألك شكل خالتك ساكنه في غابه لان بيتها يخووف
المهم موافقين اروح احلل
مزنة تسلم اياديك على الصور الرائعه والاكلات الاروع لكن اود بان انبهك ترى الجالكسي منتهي تاريخه واضح من قرطاسه
مزنة دائمأ تروق لي ردودك وشقاوتك في المواضيع
اتمنى لك رحلة سعيدة

همسه لـــ
سحاب اشكرك على موضوعك الرايق والمميز
تحيتي لكما