طاير الحب ,,,

اضع بين اعينكم هاذه القصيده والمرسله الى الاخ العزيز الشاعر / مشعل بن سعيد العضياني
و اوردتها بوعد مني لزعيم الحب آمل ان تنال اعجابكم

يا طاير الحب سلملي على مشعل = وصل سلامي وبلغه التحياتي
قله ترا صاحبك حاله غدا معتل = علة مريضٍ تنادبه الصحياتي
ادواه معدوم و أصبح خاطره مختل = يصفق يدينه على الخدين هيهاتي
رحل يدور علاج الكسر فالمفصل = يبحث ورا طب شعبي يشفي الذاتي
و سأل هل البادية عن شره المعضل = قالوا بسيطه وبه للطب منصاتي
منصاك عودن ضرير ابكم وهو منشل = يمكن يداويك بس افطن للوقاتي
وقته تراه العصر و ان جيت له مقبل = سلم وقله مبى الا بضع سعاتي
اسرعت يمه و انا بالحيل متعجل = اخاف افوته و يصبح موعدي فاتي
وصلت عنده و جاني الشايب المذهل = و اعطيته العلم و اذهلته عباراتي
اشر ! و جاني مترجم كنّه البلبل = و اخذ يفصل كلامً فيه حسراتي
كلام يشفي الضمير الحاير المنسل = فيه الدواء اللي يداوي كل علاتي
قال ... انت شرك عرفته بس لا توجل = اسمع كلامي يابن مستور و وصاتي
طعن القرابه تراها شرنا المطول = خلتني انسى يا بو حاتم ملذاتي
ان جيت تصبر يا بو حاتم و تتحمل = يسددون ألك دفعه عشر طعناتي
و ان جيت تبغي ترد الصاع و تكمل = واليا انها في رفيقك ما هي سواتي
لكن بنصحك نصح اللي اندفن بالتل = هاذي روايه و ابعلمك برواتي
رجلٍ من اهل الشكاله مايج به الظل = بلش مبالشك مدري مثل بلشاتي
لكن لب الكلام استشرب إمن الذل = ارداه وقته ما بين الناس بسكاتي
اسقوه كاس الغدر حتى ارتوى وابتل = واعلن رحيله من الدنيا بعاهاتي
ثلاث عاهات خلت زهرته تذبل = و اصبحت امامك مثل ما تشوف عزاتي
لكن بسألك باللي نزل المنزل = صحيح مطعون والا جيت شماتي
رفعت راسي برد و قال لا تزعل = زله وانا ارجيك لا تنظر لزلاتي
اللي حصلي مع هالناس ما يحصل = شبنا قبل لا يجي للشيب حزاتي
الناس جاها بلا ... وايامنا تهول = يا كثر ما شفت فيها من نزعاتي
لكن ابعطيك علمن عنه لا تغفل = الصبر و الصبر مابه فيه جزعاتي
ان كان خاويت خاو الطيب الأمثل = تلقاه بكره اذا ضدتك ضداتي
منصاك مشعل عريب الجد ما يبخل = منبع شهامه و اهل مذهب و فزعاتي
ابوه قبله و جده للكرم منهل = منهل وفاء ماش به فالعدّ خلاتي
قلت اترخص وانا يا عود مترجل = ارجي السموحة على موجز معاناتي
قال انت تامر يا بن مستور لا تجفل = الناس بالناس و الدنيا مقاماتي
وصلو على خير خلق الله والافضل = إعداد ما دوّن الهاجس من ابياتي

صالح بن مستور

عاد هذي

يبي لها قراءة

متأنيه ....

راجعين ....

صالح مستور

عزالله انك كفيت اوفيت

وبيض الله وجهك على ذالقصيده الاكثر من رائعه

وفي انتظار رد مشعل

صح السانك وعافاك الله
تقبل مروري

ابو عبدالعزيز
اقراء و تمعن في القصيده وانتظر رد مشعل خلال اليومين المقبله .

صالح بن هميجان
صح بدنك وشاكر لك المرور .

العبادي
صح بدنك ومرورك شرفني .

وافي يا ابن مستور وفيه شي انت ما تدري عنه اني من اول مشاركة لك وانا اراهن عليك

وها انا اكسب الرهان . شاعر من العيار الثقيل بدون مجاملة . ولا انت في حاجتها.

ابدعت ابدعت ابدعت وصح لسانك مليارات ولا توفيك.

لكن مشعل اذا هو الشاعر اللي كان معنا سلملي عليه وحنا ننتظر عودته لنا .

ونترقب رده على هالفاتنه وكلكم شعراء كبار . احتراماتي

صح إلسانك يا أبو مستور ولا هنت وبيض الله وجهك


وزعيم الحب لا تقلد حمد السعيد هههههههههههههههههههههه

زعيم الحب
اسعدني مرورك وشاكر لك ما كتبت يمينك و عسى ان اكون عند حسن الظن بي .
بالنسبه لمشعل يصل سلامك و انتظر رده خلال اليومين المقبله .
( كلمه زعيم الحب للمداعبه ( فزت بالرهان وين النصيب منه ) لا هنت ) ههههههههههههه

الاخ بندر
لاهنت على المرور وصح بدنك

صح لسانك يابو مستور

لك خالص تقديري وحترامي

بيض الله وجهك يا أبو مستور

وعساك على العز اليوم ودوم

وأتمنى أن أرى شاعرنا مشعل يعود إلينا من جديد

فقد طال الغياب وزاد الاشتياق لقراءة جديده

لا هنت يا صالح