الجميع وبسرعه...

السلام عليكم ورحمة الله وبركاته

اخوتى اخواتى الغالين


الكل يسمع بالشاذليه والكثير تغنى بها في قصائده

ولكي تعم الفائده للجميع سوف نبحث في هذا الموضوع عن الشاذليه

هل هي

القهوة ...... أم الدلّه التي تصب فيها القهوه


وقال الشاعر / عبدالله بن زنان

يامسا الصبح والترحيب بالعاصمية =يامسا الهيل والترتيل بانغـام شيـح
الورود انتشت بين الهدا والحويـة=والزهر فاح عطره نسمته ما تبيـح
فارس الشعر دونك تمر مع شاذلية=والبساط احمدي مادام فوق الضريح

اتمنى مشاركة الجميع مع دعم التصويت

واللى عنده قصه او ابيات يقدر يطرحها لنا

للجميع شكري وامتنانى

المقهوي ..ودك انه ..مايصب الشاذليه = للوجيه اللي نهار الكون ما توفي وعايد
من يرد أهل المواقف والعلوم الأوليه = لا يقول إن منزلي منزل ر فيعين النوايد
وانت ياللي تعطي بعينٍ والأخرى للجزيه = من يحطك راس مالٍ لا يدور للفوايد
كيف تبغاني احبك وانت سمك سم حيه = احسب انك عارفه واثرك تضيع فالعوايد
والخوي يا اهل الوفا ماله سوى فزعة خويه = وماتفيد الرفقه اللي ماتبرهنها الشدايد

ألف شكر يالمستحيلة والشاذلية كما رجح الكثيرين هي القهوة

وليست الدلة وكما قال الشاعر تركي بن حميد :

إن كان ماترَث يدينا فعايل =يحرم علينا شربة ( الشاذلية )
والزعفران وحب سمر الجدايل =وحط الشحم وسط البيوت الذرية
الحرَ لاصكت عليه الحبايل =يشهر وتاتي له من الله فضية

موفقة يالمستحيلة ..... أكملي مشوار البحث

لقد عرف الإنسان القهوة عام

850 قبل الميلاد عندما أكتشفها الأثيوبي كالدي


وفي عام 1100 قبل الميلاد زرعت في شبة الجزيرة العربية

.

.
يقول الشاعر ناصر بن عبدالكريم من اهل سدير

خمسة عشر فنجال لحنيف صبيت =لو ان بطنـه قربـةً قـد ملاهـا

فرد عليه الشاعر حنيف بن سعيدان المطيري وقال

لا تحسبني من دلالـك تقهويـت = قللت في طبخهـا وكثـرت ماهـا
ياموصي الحرمه على صكت البيت =تقول منتـه فيـه وانتـه وراهـا

والكثير يشير للشاذلية بانها القهوةواختلفوا في سبب التسمية فمنهم من يقول إنها نسبه إلى نوع من أنواع البن

اليمني الجيد ومنهم من يقول إنها نسبه إلى عمر الشاذلي .

يقول الشاعر شاهر الأصقة

شبيت نار ما هبوبه بالأكواس =وقربت محماسٍ به الشاذليـة

المستحيلة
موضوع رائع
تحيـــــاتي

ممتاز جدا يالسلطان وناصر مرزوق .. انتظر البقية .. .

اسجل حضورى على موضوع الشاذلية

وان شاء الله قهوة برية

بس وين الاجوبه والشعر؟؟

الشاذليه هي القهوه

الشواهد على تسمية حب القهوه بـ ( الشاذليه ) كثيره منها هذه الأبيات اللتي جاءت ضمن قصيدة للشاعر شاهر محسن الأصقه المطيري يمتدح بها فيصل الدويش 0 ويقول في هذه الأبيات اللتي يخاطب فيها خالد السور؟

البارحه يوم المخاليق بنعاس = ذكرت قولٍ قاله السور ليّه
وشبيت نار ٍ ماهبوبه بالأكواس = وقربت محماس به الشاذليّه
وحمست بن ٍ خنته تقعد الرأس = ودنيت نجرٍ جابه الورع ليّه
قصدت أنا يالسور في طيّب الساس = قصيدةٍ يالسور راحت هديّه

---------------------------------------------------------------

والـ شـاعـر : جابر الـسلمي يـقــول :

باقي سنيني حسافة ضايعة راحـت عليـه = ما خذيت من السنين الماضيات الا تعبهـا
من زمان اصب من دلة عذابـي شاذليـة = من زمان انزف لها دمي قصيد ولا عجبها
كنت ادوّر عن حنين يرد حلو الروح فيـه = بعد ما جفّت بيادر نظرتي واذبـل عنبهـا
ما سلمت من العيون الناعسات النرجسيـة = ولا صحيت الا على داعي حنيني من عتبها

-------------------------------------------------------------
ويقول / سعود القت في أحدى أبياته .

صب فنجال الغلا لي من دلاله = ابيمينه صب لـي الشاذليـه

تحياتي لكم

كثيره القصايد يالمستحيله والاخوان ماقصروا

اعتقد انها القهوة تحيتي لك

الـ شـاذلـيـة هي الـ قـهـوة ..

ووردت ..قـصـيـدة لـ / الشاعر الحفيد الثالث للسلطان بدر بن طويرق الكثيري :

صب لي من الدلات قهـوة شاذليـة=قال الكثيري بن عمر وحفيد عامـر
قد ازعجتني سالفة ما هـي سويـة=جاني الخبر واقضيت كل الليل ساهر
في وقت كل الناس في عيشة هنيـة=نسمع بها والـذم منهـا قـد تكاثـر

وهذي ابيات من قصيدة الفارس الشاعر تركي بن حميد

إن كان ماترَث يدينا فعايل =يحرم علينا شربة ( الشاذلية )
والزعفران وحب سمر الجدايل =وحط الشحم وسط البيوت الذرية
الحرَ لاصكت عليه الحبايل =يشهر وتاتي له من الله فضية

وهذا على ما أظن دليل قاطع على أنها القهوة

وأشكرك أختي المستحيلة على هذا البحث

الشــاذلية ... كما قــال الاخــوان وتعني القهــوة

وقد تغنى الشعراء بالقهـــوة كثيــراًَ

هذا البيت لشاعر من الشلاوى من بني الحارث وقيل انه اسيــود بن

رمــاح ... والبيت من ضمن قصيدة قالها للشيخ .. مقبول بن هريس شيخ

الشلاوى وهي :

الدلـة اللـي ماتبهـر مـن الهـيـل = مثل العجـوز اللـي خبيـث نسمهـا
من لايكيل الكيف مـن بنـدره كيـل = والنـار تشعـم معتبيـن ٍ حزمـهـا
اللي الى جاء الوقت يصبر على الميل = هذي طبـوع اللـي عـزاز شيمهـا

فرد عليه الشيخ مقبول بن هريس بقصيدة منها

متـى طلعتـوا ياطـوال العناجيـل = مثل [...السليمي....] رميها عند فمها
مر(ن) نبهرها بجوز(ن) من الهيـل = ومر(ن) نخلي طبخها مـن عدمهـا

يقول الشيــخ / حسين بن حريش الشلوي

تغانمونـي زال باقـي حياتـي = تلقون عندي هبت الريح والكيف
تلقون عنـدي دلتينـن خواتـي = ويمنن مضراةٍِ بذبح الغنم هيف

ويقول / طلق الفليــت النفيعي

اوحــلالاه يالمـهـراس = لنسحقـن فـيـه بـريـة
بريـةٍِ تبعـد الهـوجـاس = لاهب حرقة ولاهـب نيـة
ماقـط لمسهـا الـمـاس = كـود الـدلال الحساويـة

ويقول/متعب بن فراج الحارثي

والـكـرم والـجـود طبـعـي عـلـى طــول الليـالـي = مـاتـغـيـرنـي ظـــــروف الـحــيــاة الـسـرمــديــه
اعــزم الجـيـران واذبــح لضيـفـي مــن حـلالــي = وانـطـحـه بـالـعـود الازرق وكــيــف الـشـاذلـيـه
مانسـيـت حـقـوق جــاري ولا يــوم طـــرا لـــي = اتــــرك حــقــوق لــجــاري كـتـبـهـا الله عـلـيــه

ويقول الشاعر دغيم الظلماوي من قبيلة شمر

ياكليب شب النار ياكليب شبه = عليك شبه والحطب لك ايجابي
وعلي انا ياكليب هيله وحبـه =وعليك تقليط الدلال النجابـي

من الشعراء الجيــــل الجديـــد ويذكر الشــاذليــة

محمد بن صقران

انا يجاذبني علـى البـر ثنتيـن =جمع الحطب ومعامـل الشاذليَّـة
إليا حذفت الغمر من فوق غمرين = وشبيت نـاري والليالـي مديَّـه
وراكيت صفر ٍ فال شماتهن شين = فنجالهن ما سيق لأهـل الرديَّـه
وعلى سناها سقت كيف العريبين = أسوق فنجالـي لزبـن الونيَّـه
في خايع ٍ منوة طليق الحجاجيـن = ما دوجوه أهل الدبش والرعيَّّـه

وكــما يــوجد قصيـــدة تدل على العكــس ان الشــاذليــة هي الدلة ولا تعني


القهوة


تحن الشاذلية يوم ضاعت صبة الفنجال
...............غدت لاهل القروش وعِمتك يا صاحب العمة

ألا يا عونة الله والزمان يعلم الجهال

.......... يموت من المقادير الحنش والموت في سمه


تحيــــاتيـــ ...


الرمـــح