|
||||||||||||||||||
قسينا
السلام عليكم ورحمة الله وبركاته اخواني واخواتي كل عام وانتم بالف خير حبيت اشاركم معكم بقصيده علها تنال على اعجابكم. قسينا عقب طيبٍ والقسا يفرض علي مجبور=حدانا هاالقسا عقب التجارب في مناكبها اهل الدمع من عيني ودمعي دايمٍ منثور=لجل يمنى تمد الصعب لو صعبٍ مطالبها وقلبي منجبر يعطي وانا ادري ذاك حلو شعور=ولاكن وش لقينا غير شفنا كل عجايبها عجايب هاالعرب شفنا خبايا خلف ذاك السور=ونفسي من عجايبهم تقل واحد يعذّبها لقيت الحاقد المخبث لقيت الحاقد المغيور=ولقيت المادح الكاذب وخلفي هو يعذربها ولقيت اللي حياته في تعاسه داخله مقهور=عشان الواهب الباسط عطاني شي وكاتبها حسدني في عطا ربي وتلقى خاطره مكسور=وينام اللي خلى صدره ونفسه هو معاقبها ولقيت اللي يصاحبني وكل مافيه هو مسرور=لقى يمنى تلبّي له وربي كل مطالبها واذا جاء ماقفي يقفي وطيبٍ فاعله منكور=ونفسي عن سواته مانجيه ولانطالبها وفعلٍ فاعله حتى مماتي ساتره مستور=اجنّب كلّ ما يخدش صحيب النفس صاحبها ولقيت اللي حسبني غافلٍ يوم الزلل مغفور=عن الاولى عن العشرين والله الف حاسبها مواقف قدم عيني واضحه يومه يلف يدور=ويمثل دور انا الطيب وجيهٍ كم يلاعبها ودايم عادتي ندمح وهو يحسب بيلعب دور=انا الفاهم انا الشخص الذكي ليته معاتبها معاتب نفسه اللي هو يمثلها على الدكتور=وطبيبٍ عارفٍ ضرّه وعارف هو يهذّبها وسلومٍ حاجزه بيني وبينه سلمي المامور=اقدم طيب من طيبي ولو تكثر مذاهبها وطيبي مع قروم القوم حتى قبري المحفور=واسوق اللي يطيب النفس ذا حقٍ وواجبها ورجالٍ هي تصاحبني بتلقى طيبي المذخور=واقدر صحبة الطيب ولو بالمال نكسبها وردي النفس نذرٍ مايلاقي طيبي المخبور=وعيني ماتلد يمّه ونبعد من متاعبها وياويل اللي يقابل لاعبين الحبك حبك الدور=نفوسٍ لوتقابلها بتشكي من مخالبها وانا ياسامعٍ شعري نخص ولانعم جمهور=عرب قلّه تلاق الطيب دايم في مزاهبها وعرب قلّه يسجل طيبها لوح الزمن مسطور=ولاكن هاالذيابه قد طغت فيها ثعالبها وحظيظ النفس منهو في زمانه يكشف المستور=قناع الوجه ناسٍ تلبسه تخفي عجايبها عجايب قد كشفناها ونعرف خافي المعثور=ودسنا بامر ربي هاالافاعي مع عقاربها
|
17 Aug 2013, 01:43 PM | [ 2 ] | ||||||||
|
رد: قسينا
حياك الله أخوي
وكل عام وأنتم لله أقرب صح لسانك مليون ولايسدون ولاهنت على القصيدة الأكثر من رائعة |
||||||||
|
|||||||||
17 Aug 2013, 04:11 PM | [ 3 ] | ||||||||
مؤسس شبكة الشدادين
|
رد: قسينا
يا هلا والله وألف مرحبا بشاعرنا أحمد الروقي والله يحييك في منتداك اليوم ودوم سعدنا بتشريفك لنا وانضمامك إلينا ونتمنى لك كل توفيق وسداد وصح لسانك ملايين |
||||||||
|
|||||||||
17 Aug 2013, 06:33 PM | [ 4 ] | |||||||
شاعر
|
رد: قسينا
صح الله اللسانك يابن روق وننتظر المزيد من القصائد الشامخه |
|||||||
|
||||||||
17 Aug 2013, 06:36 PM | [ 5 ] | ||||||||
|
رد: قسينا
صح لسأإنك أإخويْ أإبيأإتْ روعةة كروعت صأإحبه سإـمت |
||||||||
|
|||||||||
17 Aug 2013, 10:51 PM | [ 6 ] | |||||||
شاعر
|
رد: قسينا
بنت النشامى اسعدني مروركي والرائع هو مروركي العطر |
|||||||
17 Aug 2013, 10:57 PM | [ 7 ] | |||||||
شاعر
|
رد: قسينا
اخوي السلطان الله يبقيك ياالامير والشرف لي بنظمامي في هذا المنتدى الشامخ وصح بدنك واشكرك على مرورك الرائع والذي انار متصفحي |
|||||||
17 Aug 2013, 11:04 PM | [ 8 ] | |||||||
شاعر
|
رد: قسينا
بناخي الطحاطيح صح بدنك ياالامير والله يرحم والدينك واشكرك على الاشاده وما انا الاتلميذ في هذا المنتدى واشكرك على مرورك الرائع وابشر بالقصايد اللي تبيض وجهك ووجيه النشاما وبتجي في وقتها بأذن الله |
|||||||
17 Aug 2013, 11:06 PM | [ 9 ] | |||||||
شاعر
|
رد: قسينا
ملكة الإحساس الرائع هو مروركي الجميل والف شكراا على المرور العطر |
|||||||
17 Aug 2013, 11:14 PM | [ 10 ] | ||||||||
عضو متميز
|
رد: قسينا
صح الله لسآنكـ يا الروقي على كل بيت سطرته
ابيات جزله و حكمه في معآنيها و لا نقول الا الله يعطينا خير هالدنياء و ما فيهاا |
||||||||
|
|||||||||